ಕನ್ನಡ ಕಿರುತೆರೆಯಲ್ಲಿ ನಾಗಿಣಿ ಸೀರಿಯಲ್ ಎಷ್ಟು ಕ್ರೇಜ್ ಹುಟ್ಟಿಸಿತ್ತೋ, ಅಷ್ಟೇ ಕ್ರೇಜ್ ಹುಟ್ಟಿಸಿತ್ತು ನಾಗಿಣಿ 2 ಸೀರಿಯಲ್ ಕೂಡ. ದೀಪಿಕಾ ದಾಸ್ ರಂತೆ, ನಮೃತಾ ಗೌಡ ಕೂಡ ನಾಗಿಣಿಯಾಗಿ ಮೋಡಿ ಮಾಡಿದ್ದರು.
211
ನಾಗಿಣಿ 2 ಝೀ ಕನ್ನಡದಲ್ಲಿ ಪ್ರಸಾರವಾಗಿದ್ದ ನಾಗಲೋಕದ ಕಥೆಯನ್ನು ಹೊಂದಿದ ಧಾರಾವಾಹಿ ಆಗಿದ್ದು, ಈ ಧಾರಾವಾಹಿಯಲ್ಲಿ ನಾಯಕಿಯಾಗಿ ನಮ್ರತಾ ಗೌಡ ಶಿವಾನಿ ಪಾತ್ರದಲ್ಲಿ ನಟಿಸಿದ್ದರು.
311
ಈ ಸೀರಿಯಲ್ ಬಳಿಕ ನಮ್ರತಾ ಗೌಡಗೆ (Namratha Gowda)ಬೇರೆ ಯಾವುದೇ ಸೀರಿಯಲ್ ಗಳಲ್ಲಿ ಅವಕಾಶ ಸಿಕ್ಕಿರಲಿಲ್ಲ. ಬಳಿಕ ಬಿಗ್ ಬಾಸ್ ಸೀಸನ್ 10 ರಲ್ಲಿ ಸ್ಪರ್ಧಿಸುವ ಮೂಲಕ ಸುದ್ದಿಯಾಗಿದ್ದರು.
411
ಇದೀಗ ನಮ್ರತಾ ಗೌಡ, ತಾವು ನಾಯಕಿಯಾಗಿದ್ದ ಹಳೆಯ ನೆನಪುಗಳನ್ನು ಮತ್ತೆ ಮರುಕಳಿಸುವಂತೆ ಮಾಡಿದ್ದಾರೆ. ನಾಗಿಣಿ 2 ಫೋಟೋಗಳನ್ನು ನಟಿ ಸೋಶಿಯಲ್ ಮಿಡಿಯಾದಲ್ಲಿ ಶೇರ್ ಮಾಡಿದ್ದಾರೆ.
511
ನಾಗಿಣಿ 2 ಸೀರಿಯಲ್ ಪ್ರಸಾರವಾಗಿ ಇದೀಗ 5 ವರ್ಷಗಳು ತುಂಬಿದ್ದು, ಈ ಹಿನ್ನೆಲೆಯಲ್ಲಿ ನಟಿ ಸೀರಿಯಲ್ ನ ಮೇಕಿಂಗ್ ಫೋಟೋಗಳನ್ನು (serial making photos) ಇನ್’ಸ್ಟಾಗ್ರಾಂನಲ್ಲಿ ಶೇರ್ ಮಾಡಿ, ಹಳೆದ ನೆನಪುಗಳನ್ನು ಬಿಚ್ಚಿಟ್ಟಿದ್ದಾರೆ.
611
ನಾಗಿಣಿ 2 ಸೀರಿಯಲ್ ನಲ್ಲಿ ನಡೆದಂತಹ ವಿವಿಧ ಸನ್ನಿವೇಶದ ಮೇಕಿಂಗ್ ಫೋಟೊಗಳನ್ನು ನಟಿ ಹಂಚಿಕೊಂಡಿದ್ದಾರೆ. ಈ ಧಾರಾವಾಹಿಯಲ್ಲಿ ಅಶ್ವಿನಿ ನಕ್ಷತ್ರ ಖ್ಯಾತಿಯ ಜಯರಾಂ ಕಾರ್ತಿಕ್ ನಾಗರಾಜನಾಗಿ ನಟಿಸಿದ್ದರು, ಆ ಫೋಟೊವನ್ನು ಸಹ ನಟಿ ಹಂಚಿಕೊಂಡಿದ್ದಾರೆ.
711
ಈ ಧಾರಾವಾಹಿಯಲ್ಲಿ ಮೋಹನ್ ಅವರು ವಿಲನ್ ಪಾತ್ರದಲ್ಲಿ ನಟಿಸಿದ್ದರು, ನಿನಾದ್ ನಾಯಕನ ಪಾತ್ರದಲ್ಲಿ ನಟಿಸಿದ್ದರು. ವಿಭಿನ್ನ ಕಥೆಯನ್ನು ಹೊಂದಿದ್ದ ಈ ಧಾರಾವಾಹಿಯನ್ನು ಜನರು ತುಂಬಾನೆ ಇಷ್ಟಪಟ್ಟಿದ್ದರು.
811
ನಾಗಲೋಕದಲ್ಲಿ ದುಷ್ಟರ ಬಲೆಗೆ ಸಿಕ್ಕು ಸಾವನ್ನಪ್ಪಿದ ನಾಗರಾಜ, ಪುನರ್ಜನ್ಮ ಪಡೆದು ಭೂಮಿಗೆ ಮರಳುತ್ತಾನೆ. ಅದೇ ನಾಗನನ್ನು ಹುಡುಕಿ ಹೊರಡುವ ನಾಗಿಣಿಯಾಗಿ ನಮ್ರತಾ ಗೌಡ ನಟಿಸಿದ್ದರು.
911
ಈ ಸೀರಿಯಲ್ ಬಳಿಕ ನಮ್ರತಾ ರನ್ನು ಮತ್ತೆ ತೆರೆಯ ಮೇಲೆ ನೋಡಲು ಅಭಿಮಾನಿಗಳು ಬಯಸಿದ್ದರು, ಆದರೆ ನಟಿ ಮಾತ್ರ ನಟನೆಯಿಂದ ದೂರವೇ ಉಳಿದಿದ್ದಾರೆ.
1011
ಸೋಶಿಯಲ್ ಮಿಡಿಯಾದಲ್ಲಿ ಆಕ್ಟೀವ್ ಆಗಿರುವ ನಮ್ರತಾ ಗೌಡ, ತಮ್ಮ ಜೀವನಕ್ಕೆ ಸಂಬಂಧಿಸಿದ ಪ್ರತಿಯೊಂದು ಶುಭ ವಿಚಾರಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಲೇ ಇರುತ್ತಾರೆ, ಆ ಮೂಲಕ ಅಭಿಮಾನಿಗಳ ಜೊತೆ ಕನೆಕ್ಟ್ ಆಗುತ್ತಾರೆ.
1111
ಇದೀಗ ನಾಗಿಣಿ 2 ನೆನಪಲ್ಲಿ ಫೋಟೊಗಳನ್ನು ಹಂಚಿಕೊಂಡಿದ್ದು, ನಾಗಿಣಿ 2 ಸೀರಿಯಲ್ ಮಿಸ್ ಮಾಡೀಕೊಳ್ಳುತ್ತಿದ್ದಾರೆ. ಜೊತೆಗೆ ಶಿವಾನಿ ಮತ್ತು ತ್ರಿಶೂಲ್ ಜೋಡಿಯನ್ನು ಸಹ ಅಭಿಮಾನಿಗಳು ಮಿಸ್ ಮಾಡುತ್ತಿದ್ದಾರೆ. ಮತ್ತೆ ನಾಗಿಣಿಯಾಗಿ ಕಿರುತೆರೆಗೆ ಎಂಟ್ರಿ ಕೊಡಿ ಎಂದು ಕೇಳುತ್ತಿದ್ದಾರೆ ಜನ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
