ಗಂಡ, ಮಗುವಿನ ಜೊತೆ ಕಿರುತೆರೆ ನಟಿ ತೇಜಸ್ವಿನಿ ಪ್ರಕಾಶ್ ಮುದ್ದಾದ ಫೋಟೊ ಶೂಟ್

ಕಿರುತೆರೆ ಮತ್ತು ಹಿರಿತೆರೆಯಲ್ಲಿ ಮಿಂಚಿದ ನಟಿ ತೇಜಸ್ವಿನಿ ಪ್ರಕಾಶ್ ತಮ್ಮ ಪತಿ ಹಾಗೂ ಮಗುವಿನ ಜೊತೆಗೆ ಮುದ್ದಾದ ಫೋಟೊ ಶೂಟ್ ಮಾಡಿಸಿದ್ದಾರೆ.   

ಕನ್ನಡ ಕಿರುತೆರೆ ಮತ್ತು ಬೆಳ್ಳಿ ತೆರೆಯಲ್ಲಿ ಗುರುತಿಸಿಕೊಂಡಿರುವ ಜನಪ್ರಿಯ ನಟಿ ತೇಜಸ್ವಿನಿ ಪ್ರಕಾಶ್ (Tejaswini Prakash) ಹೊಸದಾಗಿ ಫೋಟೊ ಶೂಟ್ ಮಾಡಿಸಿದ್ದು, ತಮ್ಮ ಪತಿ ಹಾಗೂ ಮಗುವಿನ ಜೊತೆಗೆ ಫೋಟೊ ಹಂಚಿಕೊಂಡಿದ್ದಾರೆ. 

ನಟಿ ತೇಜಸ್ವಿನಿ ಪ್ರಕಾಶ್ ಕಳೆದ ವರ್ಷ ಹೆಣ್ಣು ಮಗುವಿಗೆ ತಾಯಿಯಾಗಿದ್ದರು. ಇದೀಗ ಅಪ್ಪ, ಅಮ್ಮ, ಮಗಳು ಮುದ್ದಾಗಿ ಫೋಟೊ ಶೂಟ್ ಮಾಡಿಸಿದ್ದು, ಅಂದವಾದ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. 

ತೇಜಸ್ವಿನಿ ಕಪ್ಪು ಬಣ್ಣದ ಪ್ಲೋರಲ್ ಸ್ಲೀವ್ ಲೆಸ್ ಶಾರ್ಟ್ ಡ್ರೆಸ್ ಧರಿಸಿದ್ರೆ, ಅವರ ಪತಿ ಬ್ರೌನ್ ಬಣ್ಣದ ಟೀ ಶರ್ಟ್ ಧರಿಸಿದ್ದಾರೆ. ಮಗುವಿಗೆ ಬ್ಲ್ಯಾಕ್ ಬಣ್ಣದ ಡ್ರೆಸ್ ಹಾಕಿಸಿದ್ದು, ಫೋಟೊ ಶೂಟ್ ತುಂಬಾನೆ ಕ್ಯೂಟ್ ಆಗಿದೆ ಬಂದಿದೆ. 

ಇತ್ತೀಚೆಗೆ ವರಮಹಾಲಕ್ಷ್ಮೀ (Varamahalakshmi) ಪೂಜೆ ದಿನವೂ ತೇಜಸ್ವಿನಿ ಮಗುವಿನೊಂದಿಗೆ ಫೋಟೊ ಶೇರ್ ಮಾಡಿದ್ದರು. ಆವಾಗ್ಲೂ ಮಗುವಿನ ಮುಖವನ್ನು ಕಾಣಿಸಿರಲಿಲ್ಲ. ಇದೀಗ ಹೊಸ ಫೋಟೊದಲ್ಲೂ ಮಗುವಿನ ಮುಖ ರಿವೀಲ್ ಮಾಡಿಲ್ಲ. ಮುದ್ದಾದ ಫ್ಯಾಮಿಲಿ ಫೋಟೊ ನೋಡಿ ಅಭಿಮಾನಿಗಳು, ಮತ್ತೆ ತೇಜಸ್ವಿನಿ ಬಳಿ ತುಂಬಾ ಮುದ್ದಾದ ಫ್ಯಾಮಿಲಿ ಎನ್ನುವುದರ ಜೊತೆಗೆ, ಮೇಡಂ ಮಗುವಿನ ಫೋಟೊ ರಿವೀಲ್ ಮಾಡಿ ಎಂದಿದ್ದಾರೆ. 

ಸದ್ಯ ನಟನೆಯಿಂದ ದೂರ ಇರುವ ನಟಿ ತೇಜಸ್ವಿನಿ ಪ್ರಕಾಶ್‌, ಸವಿ ಸವಿ ನೆನಪು, ಮಾತಾಡ್ ಮಾತಾಡ್ ಮಲ್ಲಿಗೆ, ಪ್ರೀತಿ ಏಕೆ ಭೂಮಿ ಮೇಲಿದೆ, ಅರಮನೆ, ರಾಬರ್ಟ್, ಕೃಷ್ಣ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ತೇಜಸ್ವಿನಿ ಹಲವು ಸೀರಿಯಲ್ ಗಳಲ್ಲೂ ನಟಿಸಿದ್ದು, ಕೊನೆಯದಾಗಿ ಅವರು ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ, ನನ್ನರಸಿ ರಾಧೆ ಧಾರಾವಾಹಿಯಲ್ಲಿ ನೆಗೆಟಿವ್ ಪಾತ್ರದಲ್ಲಿ ನಟಿಸಿದ್ದರು. 

2022ರಲ್ಲಿ ಮಾರ್ಚ್ ತಿಂಗಳಿನಲ್ಲಿ ತೇಜಸ್ವಿನಿ ಅವರು ಫನಿ ವರ್ಮ ಜೊತೆಗೆ ಅದ್ಧೂರಿಯಾಗಿ ಮದುವೆ ಮಾಡಿಕೊಂಡಿದ್ದರು. ಕಳೆದ ವರ್ಷ ಡಿಸೆಂಬರ್ 17 ರಂದು ತೇಜಸ್ವಿನಿ ಹೆಣ್ಣು ಮಗುವಿಗೆ ತಾಯಿಯಾಗಿದ್ದರು. 

ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟಿವ್ ಆಗಿರುವ ತೇಜಸ್ವಿನಿ, ತಮ್ಮ ಮಗು ಹಾಗೂ ಗಂಡನ ಜೊತೆಗಿನ ಫೋಟೊಗಳನ್ನು ಶೇರ್ ಮಾಡುತ್ತಲೇ ಇರುತ್ತಾರೆ. ಜೊತೆಗೆ ತಮ್ಮ ತಾಯ್ತನ ಸಂಭ್ರಮವನ್ನು ಹಂಚಿಕೊಳ್ಳುತ್ತಿರುತ್ತಾರೆ.