ಬ್ರೇಕಪ್‌ ಆದ್ಮೇಲೂ Bigg Boss ಮನೇಲಿ X ಬಾಯ್‌ಫ್ರೆಂಡ್‌ನ ಹೊಸ ಲವ್‌ಸ್ಟೋರಿ ನೋಡಿ ಖುಷಿಪಟ್ಟಿದ್ದ ನಟಿ!

ಬ್ರೇಕಪ್‌ ಆದ್ಮೇಲೆ ತನ್ನ ಬಾಯ್‌ಫ್ರೆಂಡ್‌ ಇನ್ನೊಂದು ಹುಡುಗಿ ಜೊತೆ ಚೆನ್ನಾಗಿರೋದು ನೋಡಿ ಈ ಬಿಗ್‌ ಬಾಸ್‌ ಸ್ಪರ್ಧಿ  ಖುಷಿಪಟ್ಟಿದ್ದರು. 

ಲವ್‌ ಆಗಿ ಬ್ರೇಕಪ್‌ ಆದ್ಮೇಲೆ ಬಹುತೇಜ ಜೋಡಿಗಳು ಮಾತನಾಡೋದಿಲ್ಲ, ಮುಖ ಕೂಡ ನೋಡೋದಿಲ್ಲ. ಆದರೆ ಶೆಫಾಲಿ ಜೆರಿವಾಲ, ಸಿದ್ದಾರ್ಥ್‌ ಶುಕ್ಲಾ ಮಾತ್ರ ಹಾಗಲ್ಲ. 2014ರಲ್ಲಿ ಶೆಫಾಲಿ ಮದುವೆಯಾದರು, ಅದಕ್ಕೂ 15ವರ್ಷಗಳ ಹಿಂದೆಯೇ ಸಿದ್ದಾರ್ಥ್‌ ಶುಕ್ಲಾ, ಶೆಫಾಲಿ ಜೆರಿವಾಲಾ ಅವರು ಲವ್‌ನಲ್ಲಿದ್ದರು. ಬಿಗ್‌ ಬಾಸ್‌ 13 ಶೋನಲ್ಲಿ ಈ ಜೋಡಿ ಮತ್ತೆ ಮುಖಾಮುಖಿಯಾಯ್ತು. ಆಗ ಇವರಿಬ್ಬರ ಸಂಬಂಧ ಮತ್ತೆ ಒಂದು ಸ್ಥಿತಿಗೆ ಬಂತು.

ಸಿದ್ದಾರ್ಥ್‌ ಶುಕ್ಲಾ ಜೊತೆ ಸಾಕಷ್ಟು ನಟಿಯರ ಹೆಸರು ಥಳುಕು ಹಾಕಿಕೊಂಡಿತ್ತು. ಬಿಗ್‌ ಬಾಸ್‌ ಮನೆಯಲ್ಲಿ ಸಿದ್ದಾರ್ಥ್‌ ಶುಕ್ಲಾ ಡೇಟ್‌ ಮಾಡಿದ್ದ ಶೆಫಾಲಿ ಜೆರಿವಾಲಾ ಕೂಡ ಬಂದಿದ್ದರು. ಅಷ್ಟೇ ಅಲ್ಲದೆ ಸಾಕಷ್ಟು ಜಗಳ ಮಾಡಿಕೊಂಡಿದ್ದ ರಶ್ಮಿ ದೇಸಾಯಿಯೂ ಅಲ್ಲಿದ್ದರು. ಅದೇ ವೇಳೆಗೆ ಪಂಜಾಬ್‌ ಮೂಲದ ಹೊಸ ನಟಿ ಶೆಹನಾಜ್‌ ಗಿಲ್‌ ಕೂಡ ಅಲ್ಲಿ ಸ್ಪರ್ಧಿಯಾಗಿದ್ದರು. ರಶ್ಮಿ ದೇಸಾಯಿ, ಆಸಿಮ್‌ ರಿಯಾಜ್‌, ಪಾರಸ್‌ ಛಾಬ್ರಾ ಜೊತೆ ಜಗಳ ಆಡ್ತಿದ್ದ ಸಿದ್ದಾರ್ಥ್‌ ಶುಕ್ಲಾ ಆರಂಭದಲ್ಲಿ ಶೆಫಾಲಿ ಜೆರಿವಾಲಾ ಜೊತೆ ಕೂಡ ಅಷ್ಟು ಚೆನ್ನಾಗಿ ಇರಲಿಲ್ಲ. ಆಮೇಲೆ ಸಿದ್ದಾರ್ಥ್‌ ಶುಕ್ಲಾ ಅವರು ಶೆಹನಾಜ್‌ ಗಿಲ್‌ ಸ್ನೇಹ ಸಂಬಂಧ ಬೆಳೆಸಿದರು.

ಇನ್ನು ಸಿದ್ದಾರ್ಥ್‌ ಶುಕ್ಲಾ ಅವರು ಒಮ್ಮೆ ಸೀಕ್ರೇಟ್‌ ರೂಮ್‌ಗೆ ಹೋಗಿ ಬಂದಿದ್ದರು. ಅದಾದ ಬಳಿಕವೇ ಸಿದ್ದಾರ್ಥ್‌, ಶೆಫಾಲಿ ಕೂಡ ಒಳ್ಳೆಯ ಸಂವಹನ ಮಾಡಲು ಶುರು ಮಾಡಿದರು. ಸಿದ್ದಾರ್ಥ್‌ ಶುಕ್ಲಾ ಹಾಗೂ ಶೆಹನಾಜ್‌ ಗಿಲ್‌ ನಡುವೆ ಒಂದೊಳ್ಳೆಯ ಸಂಬಂಧ ಹುಟ್ಟಿಕೊಂಡಿತ್ತು. ಇವರಿಬ್ಬರ ಮಧ್ಯೆ ವಯಸ್ಸಿನ ಅಂತರ ಇದ್ದಿದ್ದಕ್ಕೋ ಏನೋ ಸಿದ್‌ಗೆ ಸನಾ ಒಮ್ಮೊಮ್ಮೆ ಬಾಲಿಶವಾಗಿ ಕಂಡಿದ್ದೂ ಇದೆ. ಸಿದ್‌ ಮೇಲೆ ಸನಾಗೆ ಸಿಕ್ಕಾಪಟ್ಟೆ ಪೊಸೆಸ್ಸಿವ್‌ನೆಸ್‌, ಜೆಲಸ್.‌ ಇದೇ ವಿಷಯ ದೊಡ್ಮನೆಯಲ್ಲಿ ಸಾಕಷ್ಟು ನಗುವನ್ನು ಸೃಷ್ಟಿಸಿದೆ, ಅದರ ಜೊತೆಗೆ ದೊಡ್ಡ ದೊಡ್ಡ ಯುದ್ಧ ಆಗುವಂತೆ ಮಾಡಿತ್ತು.

ಸನಾ ಜೊತೆ ನಿಜಕ್ಕೂ ಸಿದ್ದಾರ್ಥ್‌ ಶುಕ್ಲಾ ಮಗುವಾಗಿದ್ದರು. ಈ ರೀತಿಯ ಸಿದ್ದಾರ್ಥ್‌ರನ್ನು ಹಳೇ ಗೆಳತಿ ಆರತಿ ಸಿಂಗ್‌, ಎಕ್ಸ್‌ ಗರ್ಲ್‌ಫ್ರೆಂಡ್‌ ಶೆಫಾಲಿ ಜೆರಿವಾಲಾ ಕೂಡ ನೋಡಿರಲಿಲ್ಲವಂತೆ. ಈ ಬಗ್ಗೆ ಇವರಿಬ್ಬರು ಶೋನಲ್ಲಿ ಹೇಳಿಕೊಂಡಿದ್ದರು. ಅದೇ ಸಮಯಕ್ಕೆ ಸನಾ, ಸಿದ್‌ ಜಗಳ ಮುನಿಸು, ಪ್ರೀತಿ ನೋಡಿ ಶೆಫಾಲಿ ಜೆರಿವಾಲಾ ತುಂಬ ಖುಷಿಪಟ್ಟಿದ್ದರು. ಒಮ್ಮೆ ಸನಾ ಹೊಟ್ಟೆ ಉರಿಸೋಕೆ ಶೆಫಾಲಿ, ಸಿದ್‌ ಇಬ್ಬರೂ ಬಾತ್‌ರೂಮ್‌ಗೆ ಹೋಗಿ ಲಾಕ್‌ ಮಾಡ್ಕೊಂಡು, ಒಂದೈದು ನಿಮಿಷ ಆದ್ಮೇಲೆ ಹೊರಗಡೆ ಬಂದಿದ್ದೂ ಇದೆ. ಇನ್ನೊಮ್ಮೆ ನಾವು ಹಳೇ ಸ್ನೇಹಿತರು ಅಂತ ಹೇಳಿ ಹಗ್‌ ಮಾಡ್ಕೊಂಡು ಸನಾ ಹೊಟ್ಟೆ ಉರ್ಕೊಳ್ಳೋ ಹಾಗೆ ಮಾಡಿದ್ದೂ ಇದೆ.

ಬ್ರೇಕಪ್‌ ಆದ್ಮೇಲೂ ಶೆಫಾಲಿ ಜೆರಿವಾಲಾ, ಸಿದ್ದಾರ್ಥ್‌ ಶುಕ್ಲಾ ಸ್ನೇಹ ಹೇಗೆ ಹಾಗೆ ಇರುತ್ತದೆ, ಹೇಗೆ ಇವರಿಬ್ಬರು ಆರಾಮಾಗಿ ಇರ್ತಾರೆ ಅಂತ ಜನರು ಅಂದುಕೊಂಡಿದ್ದೂ ಇದೆ. ಇದನ್ನೇ ಶೆಫಾಲಿ ಒಮ್ಮೆ ಸಂದರ್ಶನದಲ್ಲಿ ಹೇಳಿದ್ದರು. ಒಟ್ಟಿನಲ್ಲಿ ಹೃದಯಾಘಾತ ಎನ್ನೋದು ಶೆಫಾಲಿ ಜೆರಿವಾಲಾ ಅವರನ್ನೂ, ಸಿದ್ದಾರ್ಥ್‌ ಶುಕ್ಲಾರನ್ನು ಬಲಿತಗೊಂಡಾಯ್ತು ಎನ್ನೋದು ನಿಜಕ್ಕೂ ದುಃಖಕರವಾದ ವಿಷಯ.