ಟೈಟ್​ ಆಗಿದ್ದಕ್ಕೆ ಹಾಗೆ ಹೇಳಿದೆ, ಗಿಲ್ಲಿ ಬಗ್ಗೆ ಕೇಳಿದ್ರೆ ಒಳಗೆ ಹಾಕಿಸ್ತೀನಿ ಅಷ್ಟೇ: Bigg Boss ಡಾಗ್​ ಸತೀಶ್​ ಧಮ್ಕಿ!

ಬಿಗ್​ಬಾಸ್​ ಸೀಸನ್​ 12 ಅನ್ನು ಗಿಲ್ಲಿ ನಟ ಗೆದ್ದಿದ್ದಾರೆ. ಈ ಹಿಂದೆ ಗಿಲ್ಲಿ ಗೆದ್ದರೆ ಅವರ ಕಾಲ ಕೆಳಗೆ ನುಸುಳುತ್ತೇನೆ ಎಂದಿದ್ದ ಡಾಗ್ ಸತೀಶ್, ಇದೀಗ ಮಾತನ್ನು ಬದಲಿಸಿದ್ದು, ಪ್ರಶ್ನಿಸಿದರೆ ಎಫ್​ಐಆರ್​ ದಾಖಲಿಸುವುದಾಗಿ ಬೆದರಿಸಿದ್ದಾರೆ.

ಗೆದ್ದು ಬೀಗಿದ ಗಿಲ್ಲಿ

ಬಿಗ್​ಬಾಸ್​ ಸೀಸನ್​ 12 (Bigg Boss Season 12) ಅನ್ನು ಗಿಲ್ಲಿ ನಟ ಗೆದ್ದು ಬೀಗಿ ಆಗಿದೆ. ಕೋಟ್ಯಂತರ ಮಂದಿಯ ಹಾರೈಕೆ ಈಡೇರಿದೆ. 50 ಲಕ್ಷ ರೂಪಾಯಿ ನಗದು ಬಹುಮಾನ ಸೇರಿದಂತೆ ಹಲವಾರು ಉಡುಗೊರೆ, ಬಹುಮಾನಗಳನ್ನು ಪಡೆದುಕೊಂಡಿದ್ದಾರೆ ಗಿಲ್ಲಿ.

ಡಾಗ್​ ಸತೀಶ್​ ಮೇಲೆ ಕಣ್ಣು!

ಇದರ ನಡುವೆಯೇ ಇದೀಗ ಬಿಗ್​ಬಾಸ್​ನ ಸ್ಪರ್ಧಿಯಾಗಿದ್ದ ಡಾಗ್​ ಸತೀಶ್​ ಅವರ ಮೇಲೆ ಗಿಲ್ಲಿ ನಟನ ಅಭಿಮಾನಿಗಳ ಕಣ್ಣು ನೆಟ್ಟಿದೆ. ಅಷ್ಟಕ್ಕೂ ಮೊದಲಿನಿಂದಲೂ ಗಿಲ್ಲಿಯ ಮೇಲೆ ಕೆಂಡಕಾರುತ್ತಲೇ ಬಂದಿದ್ದಾರೆ ಡಾಗ್​ ಸತೀಶ್​ (Dog Satish). ಗಿಲ್ಲಿ ನಟ ವಿನ್​ ಆಗುವುದಿಲ್ಲ ಎನ್ನುತ್ತಲೇ ಬಂದವರು ಇವರು.

ಕಾಲ ಕೆಳಗೆ ನುಸುಳುವೆ

ಮಾಧ್ಯಮಗಳ ಮುಂದೆ ಸಂದರ್ಶನ ನೀಡುವ ಸಮಯದಲ್ಲಿ, ನಾನು ಭವಿಷ್ಯ ನುಡಿದು ಆಗಿದೆ. ಗಿಲ್ಲಿ ನಟ ಈ ಬಾರಿ ಗೆಲ್ಲುವುದಿಲ್ಲ. ಒಂದು ವೇಳೆ ಗೆದ್ದರೆ ಅವರ ಕಾಲಿನ ಕೆಳಗೆ ನುಸುಳುತ್ತೇನೆ ಎಂದಿದ್ದರು.

ಕೊಟ್ಟ ಮಾತು ಉಳಿಸಿಕೊಳ್ತಾರಾ?

ಇದೀಗ ಅವರಿಗೆ ಇದೇ ಪ್ರಶ್ನೆಯನ್ನು ಕೇಳಲಾಗಿದೆ. ನೀವು ಗಿಲ್ಲಿ ವಿನ್​ ಆದ್ರೆ ಅವರ ಕಾಲ ಕೆಳಗೆ ನುಸುಳುತ್ತೇನೆ ಎಂದಿದ್ರಿ, ಯಾವಾಗ ಮಾಡ್ತೀರಿ ಎಂದಾಗ, ಕೆಂಡಾಮಂಡಲವಾದ ಡಾಗ್​ ಸತೀಶ್​, ಅದು ನನ್ನ ವೈಯಕ್ತಿಕ. ನನ್ನ ಇಷ್ಟ. ಏನು ಬೇಕಾದ್ರೂ ಹೇಳ್ತೀನಿ ಎಂದಿದ್ದಾರೆ.

ಹೇಳಿದ್ಯಾಕೆ ಹಾಗಿದ್ರೆ?

ಮತ್ತೆ ಯಾಕೆ ಹೇಳಿದ್ದು ಎಂದು ಪ್ರಶ್ನಿಸಿದಾಗ, ಆಗ ಟೈಟ್​ ಆಗಿದ್ದೆ, ಹೇಳಿದೆ. ಈ ಬಗ್ಗೆ ಯಾರಾದ್ರೂ ಪ್ರಶ್ನೆ ಮಾಡಿದರೆ ಎಫ್​ಐಆರ್​ ದಾಖಲು ಮಾಡಿ ಒಳಗೆ ಹಾಕ್ತೇನೆ. ನನ್ನ ಬಗ್ಗೆ ಕೇಳೋಕೆ ಅವರಿಗೆ ಎಷ್ಟು ಧೈರ್ಯ ಎಂದು ಪ್ರಶ್ನಿಸಿದ್ದಾರೆ!

ಪಾರ್ಟಿ ಅರೇಂಜ್​

ಇದಾಗಲೇ ಗಿಲ್ಲಿ ನಟ ಹೊರಕ್ಕೆ ಬಂದ ಎಂದು ಹೇಳಿ ಸತೀಶ್​ ಪಾರ್ಟಿ ಕೂಡ ಅರೇಂಜ್​ ಮಾಡಿದ್ದರು. ಆದರೆ ಇದೀಗ ಗಿಲ್ಲಿ ಗೆದ್ದಿರೋ ಹಿನ್ನೆಲೆಯಲ್ಲಿ ಅವರ ಕಾಲಿಗೆ ಬೀಳಲು ತಾವೇ ಮುಹೂರ್ತ ಫಿಕ್ಸ್​ ಮಾಡುವುದಾಗಿ ಫ್ಯಾನ್ಸ್​ ಹೇಳುತ್ತಿದ್ದಾರೆ.