Bigg Boss ಮತ್ತು ಫೇಕ್​ PR: ತಮ್ಮ ಜೀವನದ ಬಹುದೊಡ್ಡ ಸೀಕ್ರೆಟ್​ ರಿವೀಲ್​ ಮಾಡಿದ ಧ್ರುವಂತ್​

 ಪ್ರಚಾರಕ್ಕಾಗಿ ಪಿಆರ್​ ಏಜೆನ್ಸಿಗಳನ್ನು ಅವಲಂಬಿಸುವುದು ಸಾಮಾನ್ಯ. ಆದರೆ, ಬಿಗ್​ಬಾಸ್​ ಸ್ಪರ್ಧಿ ಧ್ರುವಂತ್​ ತಮ್ಮದೇ ಆದ ನೈತಿಕತೆಯ ಕಾರಣ ನೀಡಿ, ಪಿಆರ್​ ಏಜೆನ್ಸಿಯನ್ನು ನೇಮಿಸಿಕೊಳ್ಳದೆ ಆಟವಾಡಿದ್ದರು. ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, ಜನರ ನಿಜವಾದ ಪ್ರೀತಿ ಗಳಿಸುವುದೇ ಮುಖ್ಯ ಎಂದಿದ್ದಾರೆ.

ಪಿಆರ್​ ಏಜೆನ್ಸಿಗೆ ಲಕ್ಷಗಟ್ಟಲೆ

ಬಿಗ್​ಬಾಸ್​ ಆಗಲೀ, ಯಾವುದೇ ಒಂದು ಪ್ರಮೋಷನ್​ಗೆ ಆಗಲಿ ಪಿಆರ್​ ಏಜೆನ್ಸಿಗಳಿಗೆ ದುಡ್ಡು ಕೊಟ್ಟು ಪ್ರಮೋಷನ್​ ಮಾಡುವುದು ಮಾಮೂಲು. ಕೆಲವೊಮ್ಮೆ ಲಕ್ಷಾನುಗಟ್ಟಲೆ ಹಣವನ್ನು ಇದಕ್ಕೆ ಬಿಗ್​ಬಾಸ್​​ ಸ್ಪರ್ಧಿಗಳು ಸುರಿಯುವುದು ಇದೆ. ಕೆಲವೊಮ್ಮೆ ಈ ಪಿಆರ್​ ಏಜೆನ್ಸಿಗಳು ತಮ್ಮ ಸ್ಪರ್ಧಿಯ ಪ್ರಮೋಷನ್​ ಮಾಡುವುದು ಬಿಟ್ಟು, ಬೇರೆ ಸ್ಪರ್ಧಿಗಳ ತೆಜೋವಧೆ ಮಾಡುವಲ್ಲಿ ನಿರತ ಆಗಿರುವ ಬಗ್ಗೆ ಇದಾಗಲೇ ಹಲವು ಬಿಗ್​ಬಾಸ್​ ಸ್ಪರ್ಧಿಗಳು ಮಾತನಾಡಿದ್ದಾರೆ. ಪಿಆರ್​ ಏಜೆನ್ಸಿ ಮಾಡುವ ಪ್ರಮೋಷನ್​ ನೋಡಿ ನೋಡಿ ವೀಕ್ಷಕರ ಮನಸ್ಸಿನಲ್ಲಿ ಒಂದು ರೀತಿಯ ಬಿಂಬ ಉದ್ಭವಿಸಿ, ಅವರಿಗೇ ವೋಟ್​ ಮಾಡುವುದು ಮಾಮೂಲು. ಇದಕ್ಕಾಗಿಯೇ ಬಿಗ್​ಬಾಸ್​​ ಸೇರಿದಂತೆ ಹಲವಾರು ಷೋಗಳಲ್ಲಿ ಪಿಆರ್​ ಏಜೆನ್ಸಿ ಬಹುದೊಡ್ಡ ಪಾತ್ರ ವಹಿಸುತ್ತವೆ.

ಜನರ ಸೈಕಾಲಾಜಿ

ಒಬ್ಬರ ಹೆಸರನ್ನು ಸೋಷಿಯಲ್​ ಮೀಡಿಯಾದಲ್ಲಿ ಪದೇ ಪದೇ ನೋಡುತ್ತಿದ್ದರೆ, ಅವರ ಬಗ್ಗೆ ಅರಿವಿಲ್ಲದವರಿಗೂ ಇವರೇನೋ ತುಂಬಾ ಒಳ್ಳೆಯವರು ಎಂದೋ ಅಥವಾ ಇವರು ತುಂಬಾ ಕೆಟ್ಟವರು ಎಂದೇ ಮನಸ್ಸಿನಲ್ಲಿ ಮೂಡುವುದು ಮನುಷ್ಯನ ಸೈಕಾಲಾಜಿ. ಈ ನಿಟ್ಟಿನಲ್ಲಿ ಬಹುದೊಡ್ಡ ಪಾತ್ರ ಪಿಆರ್​ ಏಜೆನ್ಸಿದು. ಇದೇ ಕಾರಣಕ್ಕೆ ಬಿಗ್​ಬಾಸ್​ ಸ್ಪರ್ಧಿಗಳು ಅವರಿಗೆ ಸಿಕ್ಕಾಪಟ್ಟೆ ಹಣ ಸುರಿದು ಇಟ್ಟುಕೊಳ್ಳುವುದು ಇದೆ.

ವಿರುದ್ಧ ದಿಕ್ಕಿನಲ್ಲಿ ಧ್ರುವಂತ್​

ಆದರೆ, ಸೋಷಿಯಲ್​​ ಮೀಡಿಯಾನ್ನೂ ಕೂಡ ಆ್ಯಕ್ಟೀವ್​ ಮಾಡದೇ, ಪಿಆರ್​ ಏಜೆನ್ಸಿಯನ್ನೂ ಇಟ್ಟುಕೊಳ್ಳದೇ ಬಿಗ್​ಬಾಸ್​ ಧ್ರುವಂತ್​ ಬಿಗ್​ಬಾಸ್​ನಲ್ಲಿ ಆಡಿದ್ದರು. ಅದರ ಬಗ್ಗೆ ಇದೀಗ ಸತ್ಯವನ್ನು ಬಾಸ್​ ಟಿವಿಗೆ ನೀಡಿರುವ ಸಂದರ್ಶನದಲ್ಲಿ ರಿವೀಲ್​ ಮಾಡಿದ್ದಾರೆ. ಕೆಲವರಿಗೆ ಜೀವನದಲ್ಲಿ ಒಂದೊಂದು ಆದರ್ಶವಿರುತ್ತದೆ, ಎಥಿಕ್ಸ್​ ಇರುತ್ತವೆ. ಇಂಥ ಆದರ್ಶಗಳೇ ಕೆಲವೊಮ್ಮೆ ಮುಳ್ಳಾಗುವುದು ಇದೆ ಎನ್ನುತ್ತಲೇ ತಮ್ಮ ಎಥಿಕ್ಸ್​ ಬಗ್ಗೆ ಮಾತನಾಡಿದ್ದಾರೆ ಧ್ರುವಂತ್​.

ಫೇಕ್​ ಪಿಆರ್​

ನನಗೆ ದೇಶ ಮಾತ್ರವಲ್ಲದೇ ವಿದೇಶಗಳಲ್ಲಿಯೂ ಫ್ಯಾನ್ಸ್ ಇದ್ದಾರೆ. ಅವರಿಗೆ ಇಷ್ಟವಾದರೆ ವೋಟ್​ ಹಾಕ್ತಾರೆ. ಪಿಆರ್​ ಏಜೆನ್ಸಿ ಇಟ್ಟುಕೊಂಡು ಫೇಕ್​ ಆಗಿ ಮತ ಗಳಿಸುವುದು ನನಗೆ ಬೇಕಿರಲಿಲ್ಲ. ಹಾಗೆ ನೋಡೋದಾದ್ರೆ ನನ್ನ ಇನ್​ಸ್ಟಾಗ್ರಾಮ್​ ಪ್ರೈವೇಟ್​ ಆಗಿತ್ತು, ಅದನ್ನು ಪಬ್ಲಿಕ್​ ಕೂಡ ಮಾಡಿರಲಿಲ್ಲ. ಕೊನೆಗೆ ಸಹೋದರ ಹೇಳಿದ್ದಕ್ಕೆ ಪಬ್ಲಿಕ್​ ಮಾಡಿದ್ದನೇ ವಿನಾ ನನ್ನನ್ನು ಪ್ರಮೋಟ್​ ಮಾಡೋಕೆ ಯಾರನ್ನೂ ನೇಮಿಸಿಕೊಂಡಿರಲಿಲ್ಲ ಎಂದಿದ್ದಾರೆ.

ನನಗೆ ಎಥಿಕ್ಸ್ ಇದೆ

ನನಗೆ ನನ್ನದೇ ಆದ ಎಥಿಕ್ಸ್​ ಇದೆ. ಜನರು ಇಷ್ಟಪಟ್ಟರೆ ವೋಟ್​ ಹಾಕ್ತಾರೆ. ಬೇರೆಯವರನ್ನು ತುಳಿದು, ಅವರ ಬಗ್ಗೆ ಅಪಪ್ರಚಾರ ಮಾಡಿ, ನನ್ನನ್ನು ಪ್ರಮೋಟ್​ ಮಾಡುವ ಪಿಆರ್ ಏಜೆನ್ಸಿಗಳು ನನಗೆ ಇಷ್ಟವಿರಲಿಲ್ಲ. ನನಗೆ ಅರ್ಹತೆ ಇದ್ದರೆ, ನನ್ನನ್ನು ಇಷ್ಟಪಟ್ಟು ವೋಟ್​ ಹಾಕ್ತಾರೆ, ಇಲ್ಲದಿದ್ದರೆ ಇಲ್ಲ. ಸಿಗುವ ವೋಟ್​ಗಳು ಫೇಕ್​ ಅಲ್ಲ ಎನ್ನುವ ಸಮಾಧಾನ ಇರುತ್ತದೆ ಅಷ್ಟೇ ಎಂದಿದ್ದಾರೆ ಧ್ರುವಂತ್​.