Bigg Boss 13 ಯಾವಾಗ ಶುರು: ಈ ವರ್ಷ ಬೇಗ ಆರಂಭ- ಬಿಗ್​ ಅಪ್​ಡೇಟ್​ ಕೊಟ್ಟ ವಾಹಿನಿ

ಬಿಗ್ ಬಾಸ್ 13ನೇ ಸೀಸನ್‌ಗೆ ಕಿಚ್ಚ ಸುದೀಪ್ ಅವರೇ ನಿರೂಪಕರಾಗಿ ಮುಂದುವರೆಯುವುದು ಖಚಿತವಾಗಿದೆ. ಕಲರ್ಸ್ ಕನ್ನಡ ವಾಹಿನಿಯು ಹೊಸ ಪ್ರೊಮೋ ಬಿಡುಗಡೆ ಮಾಡಿದ್ದು, 'ಈ ವರ್ಷ ಬೇಗ ಶುರುವಾಗ್ತಿದೆ ಕನ್ನಡಿಗರ ಹಬ್ಬ' ಎಂದು ಘೋಷಿಸಿದೆ, ಆದರೆ ನಿಖರ ದಿನಾಂಕ ಇನ್ನೂ ಪ್ರಕಟವಾಗಿಲ್ಲ.

Bigg Boss 13ಗೆ ಕಾತರ

ಬಿಗ್​ಬಾಸ್​ ಎಂದರೆ ಬಾಯ್ಬಿಟ್ಟು ನೋಡುವ ಲಕ್ಷಾಂತರ ವೀಕ್ಷಕರಿದ್ದಾರೆ. ಇಲ್ಲಿ ನಡೆಯುವ ಜಗಳ, ಕಾಂಟ್ರವರ್ಸಿ, ಲವ್​ಸ್ಟೋರಿ... ಹೀಗೆ ಎಲ್ಲವನ್ನೂ ನೋಡಲು ತುದಿಗಾಲಿನಲ್ಲಿ ನಿಲ್ಲುವ ವೀಕ್ಷಕರು ಹಲವರು. ಇದಾಗಲೇ 12 ಸೀಸನ್​ಗಳನ್ನು ಮುಗಿಸಿರುವ ಬಿಗ್​ಬಾಸ್​ನಲ್ಲಿ 13ನೇ ಸೀಸನ್​ ಯಾವಾಗ ಶುರುವಾಗುತ್ತದೆ ಎಂದು ಹಲವರು ಕಾತರದಿಂದ ಕಾಯುತ್ತಿದ್ದಾರೆ.

ನಾಲ್ಕು ಸೀಸನ್​ಗಳಲ್ಲಿ ಸುದೀಪ್​

11ನೇ ಸೀಸನ್​ ಬಳಿಕ ಮುಂದಿನ ಸೀಸನ್​ನಿಂದ ತಾವು ಕಾಣಿಸಿಕೊಳ್ಳುವುದಿಲ್ಲ ಎಂದು ಶಾಕ್​ ಕೊಟ್ಟ ಕಿಚ್ಚ ಸುದೀಪ್​, ಕೊನೆಗೆ ಒಂದಲ್ಲ, ನಾಲ್ಕು ಸೀಸನ್​ಗಳನ್ನು ಒಪ್ಪಿಕೊಂಡಿದ್ದಾರೆ.

13ನೇ ಸೀಸನ್​ನಲ್ಲಿಯೂ ಕನ್​ಫರ್ಮ್​

ತಾವು ಮುಂದೆ ಕಾಣಿಸಿಕೊಳ್ಳುವುದಿಲ್ಲ ಎನ್ನುವುದಕ್ಕೂ ತಮ್ಮದೇ ಆದ ಕಾರಣ ಕೊಟ್ಟು, ಕೊನೆಗೆ ತಾವು ಯಾಕೆ ಕಾಣಿಸಿಕೊಳ್ಳುತ್ತಿದ್ದೇವೆ ಎನ್ನುವುದಕ್ಕೂ ಕಾರಣ ಕೊಟ್ಟಿದ್ದಾರೆ. ಇದರಿಂದಾಗಿ ಕಿಚ್ಚ ಸುದೀಪ್​ (Kichcha Sudeep) 13ನೇ ಸೀಸನ್​ ಅನ್ನು ನಡೆಸಿಕೊಡುವುದು ಕನ್​ಫರ್ಮ್​ ಆಗಿದೆ.

13ನೇ ಸೀಸನ್​

ಇದೀಗ ಕಲರ್ಸ್​ ವಾಹಿನಿಯು ಹೊಸ ಪ್ರೊಮೋ ರಿಲೀಸ್ ಮಾಡಿದೆ. ಅದರಲ್ಲಿ ಬಿಗ್​ಬಾಸ್​ ಬಿಗ್​ಬಾಸ್​ ಹಿನ್ನೆಲೆಯಲ್ಲಿ ಬೂಟಿನ ಸದ್ದು ಕೇಳಿದ್ದು, ಅದು ಸುದೀಪ್​ ಅವರದ್ದು ಎನ್ನುವುದು ಕನ್​ಫರ್ಮ್​ ಆಗಿದೆ.

ಬೇಗ ಶುರುವಾಗ್ತಿದೆ ಕನ್ನಡಿಗರ ಹಬ್ಬ

ನಿರ್ದಿಷ್ಟ ದಿನಾಂಕವನ್ನು ವಾಹಿನಿ ಘೋಷಿಸಿಲ್ಲ. ಬದಲಿಗೆ ಈ ವರ್ಷ ಬೇಗ ಶುರುವಾಗ್ತಿದೆ ಕನ್ನಡಿಗರ ಹಬ್ಬ... With something special ಎನ್ನುವ ಶೀರ್ಷಿಕೆಯೊಂದಿಗೆ ಪ್ರೊಮೋ ರಿಲೀಸ್​ ಮಾಡಲಾಗಿದೆ.

ಬೇಗ ಎಂದ್ರೆ ಯಾವಾಗ

ಇದಾಗಲೇ ಕೆಲವು ರಿಯಾಲಿಟಿ ಷೋಗಳು ವೀಕ್​ಎಂಡ್​ನಲ್ಲಿ ನಡೆಯುತ್ತಿರುವ ನಡುವೆಯೇ, ಸೀರಿಯಲ್​ಗಳು ಕೂಡ ಮಧ್ಯಭಾಗದಲ್ಲಿ ಇವೆ. ಭಾಗ್ಯಲಕ್ಷ್ಮಿ ಸೀರಿಯಲ್​ ಈ ವಾರ ಮುಗಿಯುತ್ತಿದ್ದು ಜಗದ್ಧಾತ್ರಿ ಸೀರಿಯಲ್​ ಶುರುವಾಗಲಿದೆ. ಆದ್ದರಿಂದ ಬೇಗ ಎಂದರೆ ಯಾವಾಗ ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ.