ನೀವು ಇಲ್ಲಿ ಇರೋದಕ್ಕೆ ಲಾಯಕ್ಕೇ ಇಲ್ಲ: ವಿನಯ್​ ಗೌಡ ಫೋಟೋಗೇ ಬೆಂಕಿ ಇಟ್ಟ Bigg Boss ಆಕಾಂಕ್ಷಿ

ಬಿಗ್​ಬಾಸ್​ 13 ಆರಂಭಕ್ಕೆ ದಿನಗಣನೆ ಶುರುವಾಗಿದ್ದು, ಈ ಬಾರಿ ಸಾಮಾನ್ಯ ಸ್ಪರ್ಧಿಗಳ ಆಯ್ಕೆಗಾಗಿ 'ಅಗ್ನಿ ಪರೀಕ್ಷೆ' ನಡೆಸಲಾಗಿದೆ. ಶೃತಿ, ಸಂಗೀತಾ, ವಿನಯ್ ಗೌಡ ಮತ್ತು ಚಂದನ್ ಶೆಟ್ಟಿ ತೀರ್ಪುಗಾರರಾಗಿದ್ದು, ಆಕಾಂಕ್ಷಿಯೊಬ್ಬರು ವಿನಯ್​ ಗೌಡ ಫೋಟೋಗೆ ಬೆಂಕಿ ಹಚ್ಚಿದ್ದಾರೆ.

ಬಿಗ್​ಬಾಸ್​​ 13 ಕ್ಕೆ ಕೆಲವೇ ದಿನ ಬಾಕಿ

ಬಿಗ್​ಬಾಸ್​​ 13 (Bigg Boss 13) ಆರಂಭಕ್ಕೆ ಇನ್ನೇನು ಕೆಲವೇ ದಿನಗಳು ಬಾಕಿ ಇವೆ. ಈ ಬಾರಿಯ ಬಿಗ್​ಬಾಸ್​ ವಿಶೇಷತೆ ಎಂದರೆ ಜನ ಸಾಮಾನ್ಯರಿಗೂ ಅವಕಾಶ ಕಲ್ಪಿಸಿರುವುದು. ಇದಕ್ಕಾಗಿ ಲಕ್ಷಾಂತರ ಮಂದಿ ಬಿಗ್​ಬಾಸ್​ ಕನಸು ಕಂಡು ವಿಡಿಯೋ ಮಾಡಿ ಕಳುಹಿಸಿದ್ರು. ಅದರಲ್ಲಿ ಫೈನಲ್​ ಆಗಿ ಸೆಲೆಕ್ಟ್​ ಆಗಿದ್ದು 60 ಮಂದಿ ಮಾತ್ರ.

60 ಮಂದಿ ಫೈನಲಿಸ್ಟ್​

ಈ 60 ಜನರ ಪೈಕಿ ಯಾರು ಬಿಗ್​ಬಾಸ್​​ ಮನೆಗೆ ಫೈನಲ್​ ಆಗಿ ಹೋಗಲಿದ್ದಾರೆ ಎನ್ನುವ ಬಗ್ಗೆ ಅವರಿಗೆ ಅಗ್ನಿ ಪರೀಕ್ಷೆ ನಡೆದಿದೆ. ಇದರ ಪ್ರೊಮೋ ಅನ್ನು ವಾಹಿನಿ ಶೇರ್​ ಮಾಡಿಕೊಂಡಿದೆ.

ನಾಲ್ವರು ತೀರ್ಪುಗಾರರು

ಬಿಗ್​ಬಾಸ್​ ಅಗ್ನಿ ಪರೀಕ್ಷೆಗೆ ತೀರ್ಪುಗಾರರಾಗಿ ಬಿಗ್​ಬಾಸ್​ ವಿನ್ನರ್ಸ್​, ಫೈನಲಿಸ್ಟ್ಸ್​ ಹಾಗೂ ನಟರಾಗಿರುವ ಶೃತಿ, ಸಂಗೀತಾ ಶೃಂಗೇರಿ, ವಿನಯ್​ ಗೌಡ ಹಾಗೂ ಚಂದನ್​ ಶೆಟ್ಟಿ ಬಂದಿದ್ದಾರೆ. ಇವರು ಸ್ಪರ್ಧಿಗಳಿಗೆ ಥಹರೇವಾರಿ ಚಾಲೆಂಜಸ್​ ಕೊಟ್ಟಿದ್ದಾರೆ.

ತೀರ್ಪುಗಾರರ ಫೋಟೋಗೆ ಬೆಂಕಿ

ಈ ಸಂದರ್ಭದಲ್ಲಿ ಓರ್ವ ಸ್ಪರ್ಧಿ ಚಂದನ್​ ಶೆಟ್ಟಿ ಅವರ ಫೋಟೋಗೆ ಬೆಂಕಿ ಹಚ್ಚಿದ್ರೆ, ಮತ್ತೋರ್ವ ಸ್ಪರ್ಧಿ "ನೀವು ಇಲ್ಲಿ ಇರಲು ಲಾಯಕ್ಕೇ ಇಲ್ಲ" ಎಂದು ವಿನಯ್​ ಗೌಡ ಅವರ ಫೋಟೋಗೆ ಬೆಂಕಿ ಹಚ್ಚಿದ್ದಾರೆ. ಇದರ ಪ್ರೊಮೋಕೂಡ ವಾಹಿನಿ ಶೇರ್​ ಮಾಡಿಕೊಂಡಿದೆ.

ವಿವಿಧ ಟಾಸ್ಕ್​

ಸ್ಪರ್ಧಿಗಳಿಗೆ ವಿವಿಧ ಟಾಸ್ಕ್​ ನೀಡಲಾಗಿದೆ. ಕೆಲವರಿಗೆ ಸೆಗಣಿ ಮೆತ್ತಿಕೊಳ್ಳಲು ಹೇಳಿದ್ರೆ, ಅವರು ಮೆತ್ತಿಕೊಂಡಿದ್ದಾರೆ. ಮತ್ತೊಬ್ಬರಿಗೆ ಅವರಿಗೆ ಸಿಕ್ಕಿರುವ ಗಿನ್ನೆಸ್​ ಅವಾರ್ಡ್​ ಸರ್ಟಿಫಿಕೇಟ್​ ಹರಿಯಲು ಹೇಳಿದ್ರೆ ಅದನ್ನೂ ಮಾಡಿದ್ದಾರೆ. ಮತ್ತೆ ಕೆಲವರಿಗೆ ಇನ್ನೇನೋ ಮಾಡಲು ಹೇಳಿದ್ದಾರೆ. ಇನ್ನೋರ್ವ ಸ್ಪರ್ಧಿಗೆ ನೀವಾಗಿಯೇ ನೀವು ತಲೆ ಬೋಳಿಸಿಕೊಳ್ಳಿ ಎಂದರೆ, ಆ ಸ್ಪರ್ಧಿ ಅದನ್ನೂ ಮಾಡಿದ್ದಾರೆ. ಮತ್ತೊಬ್ಬ ಸ್ಪರ್ಧಿಗೆ ನಿಮಗೆ ಸಂಗೀತಾ ಕಂಡರೆ ಇಷ್ಟ ಎನ್ನಬೇಕು ಎಂದಾಗ, ಆ ಸ್ಪರ್ಧಿ, ನಾನು ಹೀಗೆಯೇ ಇರೋದು, ಹೀಗೆಯೇ ಹೋಗೋದು ಎಂದಿದ್ದಾರೆ. ಆಗ ಅವರಿಗೆ ವಿನಯ್​ ಗೌಡ ಹಾಗಿದ್ರೆ ಇಲ್ಲಿಗೆ ಬಂದದ್ದು ಯಾಕೆ, ಔಟ್​ ಎಂದು ಗದರಿಸಿದ್ದಾರೆ.

ಅತ್ತುಕೊಂಡು ಹೋದ ಸ್ಪರ್ಧಿಗಳು

ಕೆಲವರನ್ನು ಅಲ್ಲಿಯೇ ಸೆಲೆಕ್ಟ್​ ಮಾಡಿದ್ರೆ, ಮತ್ತೆ ಕೆಲವರು ಇಲ್ಲಿಯವರೆಗೂ ಬಂದು ಸೆಲೆಕ್ಟ್​ ಆಗಿಲ್ಲ ಎಂದು ಅತ್ತುಕೊಂಡು ಹೋಗಿದ್ದಾರೆ. ಹೀಗೆ ಈ ಪ್ರೊಮೋದಲ್ಲಿ ಸ್ಪರ್ಧಿಗಳಿಗೆ ಕೊಟ್ಟಿರುವ ವಿವಿಧ ಟಾಸ್ಕ್​ಗಳನ್ನು ನೋಡಬಹುದಾಗಿದೆ. ಇವೆಲ್ಲವನ್ನೂ ಬರುವ ಭಾನುವಾರ ರಾತ್ರಿ 9 ಗಂಟೆಗೆ ನೋಡಬಹುದಾಗಿದೆ.