BBK 12: ರಕ್ಷಿತಾ ಶೆಟ್ಟಿ ಮನೆಯಿಂದ ಔಟ್​! ಎಲ್ಲರೂ ಮಲಗಿದ್ದಾಗ ರಾತ್ರೋರಾತ್ರಿ ಶಾಕ್​ ಕೊಟ್ಟ ಮಂಗಳೂರು ಪುಟ್ಟಿ!

ಬಿಗ್​ಬಾಸ್​ ಸ್ಪರ್ಧಿ ರಕ್ಷಿತಾ ಶೆಟ್ಟಿ, ತಾನು ಮಿಡ್​ವೀಕ್​ ಎಲಿಮಿನೇಟ್​ ಆಗಿರುವುದಾಗಿ ಹೇಳಿ ಮನೆಮಂದಿಗೆ ಪ್ರಾಂಕ್​ ಮಾಡಿದ್ದಾರೆ. ತನ್ನ ಅನುಪಸ್ಥಿತಿಯಲ್ಲಿ ಇತರರ ಪ್ರತಿಕ್ರಿಯೆ ನೋಡಲು ಅವರು ಕಪ್​ಬೋರ್ಡ್​ನಲ್ಲಿ ಅಡಗಿ ಕುಳಿತಿದ್ದು, ಈ ಪ್ರೊಮೋ ಕುತೂಹಲ ಮೂಡಿಸಿದೆ.

ರಕ್ಷಿತಾ ಶೆಟ್ಟಿ ಹವಾ

ಬಿಗ್​ಬಾಸ್​ ರಕ್ಷಿತಾ ಶೆಟ್ಟಿ (Bigg Boss 12 Rakshita Shetty) ಅಭಿಮಾನಿಗಳು ಈಕೆಯೇ ವಿನ್​ ಆಗುವುದು ಎಂದು ಕಾಯುತ್ತಿದ್ದಾರೆ. ಗಿಲ್ಲಿ ನಟ, ಅಶ್ವಿನಿ ಗೌಡ ಅಭಿಮಾನಿಗಳು ಕೂಡ ರಕ್ಷಿತಾ ಶೆಟ್ಟಿ ರನ್ನರ್ಸ್​ ಅಪ್​ ಆದರೂ ಆಗೇ ಆಗುತ್ತಾರೆ ಎನ್ನುತ್ತಿದ್ದಾರೆ.

ರಕ್ಷಿತಾ ಶೆಟ್ಟಿ ಶಾಕ್​

ಇದರ ನಡುವೆಯೇ, ಮಂಗಳೂರು ಪುಟ್ಟಿ ರಕ್ಷಿತಾ ಶೆಟ್ಟಿ ಮನೆಮಂದಿಗೆ ಮಿಡ್​ನೈಟ್​ನಲ್ಲಿ ಶಾಕ್​ ಕೊಟ್ಟಿದ್ದಾರೆ. ಮಿಡ್​ವೀಕ್​ ಎಲಿಮಿನೇಷನ್​ ಆಗಿ ಮನೆಯಿಂದ ಹೊರಕ್ಕೆ ಹೋಗುತ್ತಿರುವುದಾಗಿ ರಕ್ಷಿತಾ ಶೆಟ್ಟಿ ಹೇಳಿದ್ದು, ಇದರ ಪ್ರೊಮೋ ಅನ್ನು ವಾಹಿನಿ ಶೇರ್​ ಮಾಡಿಕೊಂಡಿದೆ.

ಗಾಬರಿ ಬೇಡ

ಹಾಗೆಂದು ಗಾಬರಿ ಏನೂ ಆಗಬೇಕೆಂದೇನಿಲ್ಲ. ರಕ್ಷಿತಾ ಶೆಟ್ಟಿ ಮನೆಮಂದಿಗೆ ಪ್ರಾಂಕ್​ ಮಾಡುವ ಯೋಚನೆ ಮಾಡಿದ್ದಾರೆ. ಬಿಗ್​ಬಾಸ್​ನ ಕ್ಯಾಮೆರಾ ಮುಂದೆ ಬಂದು, ನಾನು ಮಿಡ್​ವೀಕ್​ ಎಲಿಮಿನೇಟ್​ ಆಗಿ ಮನೆಯಿಂದ ಹೊರಕ್ಕೆ ಹೋಗುವಂತೆ ನಾಟಕ ಮಾಡುತ್ತೇನೆ. ನಾಳೆ ಬೆಳಿಗ್ಗೆ ಎಲ್ಲರೂ ಎದ್ದಾಗ ಹೇಗೆ ರೆಸ್​ಪಾನ್ಸ್​ ಮಾಡುತ್ತಾರೆ ಎಂದು ನೋಡುತ್ತೇನೆ ಎಂದಿದ್ದಾರೆ.

ಬಿಗ್​ಬಾಸ್​​ ಅವಕಾಶ

ಅದೇ ರೀತಿ, ಬಿಗ್​ಬಾಸ್​ ರಕ್ಷಿತಾಗೆ ಅವಕಾಶ ಮಾಡಿಕೊಟ್ಟಿದೆ. ರಕ್ಷಿತಾ, ಅಲ್ಲಿಯೇ ಇರುವ ಕಪ್​ಬೋರ್ಡ್​ ಒಳಗೆ ಹೋಗಿ ಅಡಗಿ ಕುಳಿತುಕೊಂಡಿದ್ದಾರೆ. ಥ್ಯಾಂಕ್ಸ್ ಬಿಗ್​ಬಾಸ್​​ ಎನ್ನುವ ಮೂಲಕ ತಾವು ಮನೆಯಿಂದ ಹೊರಕ್ಕೆ ಒಂದು ವೇಳೆ ಹೋದರೆ, ಯಾರು ಹೇಗೆ ಮಾತನಾಡಿಕೊಳ್ತಾರೆ ಎನ್ನುವ ಬಗ್ಗೆ ಅವರಿಗೆ ಕುತೂಹಲವಿದೆ.

ಪಾರ್ಟ್​-2

ಇಷ್ಟು ಪ್ರೊಮೋ ರಿಲೀಸ್​ ಮಾಡಿರುವ ಬಿಗ್​ಬಾಸ್​, ಪಾರ್ಟ್​-2 ಮುಂದುವರೆಯಲಿದೆ ಎಂದು ತಿಳಿಸಿದೆ. ಒಟ್ಟಿನಲ್ಲಿ ರಕ್ಷಿತಾ ಶೆಟ್ಟಿ ಟಾಪ್​ 3ರಲ್ಲಿ ಇರುವುದು ನಿಜ ಎಂದು ಅವರ ಅಭಿಮಾನಿಗಳು ಹೇಳುತ್ತಿದ್ದಾರೆ.