ಬರ್ತಿದೆ Bhagyalakshmi ಪಾರ್ಟ್​-2! Bigg Boss ಮನೆಯಲ್ಲಿ ತಾಂಡವ್​, ಶ್ರೇಷ್ಠಾ ಜೊತೆ ಭಾಗ್ಯನೂ ಎಂಟ್ರಿ?

ಬಿಗ್‌ಬಾಸ್ 13ಗೆ ಭಾಗ್ಯಲಕ್ಷ್ಮಿ ಸೀರಿಯಲ್ ಖ್ಯಾತಿಯ ತಾಂಡವ್ (ಸುದರ್ಶನ್) ಮತ್ತು ಶ್ರೇಷ್ಠಾ (ಕಾವ್ಯಾ) ಎಂಟ್ರಿ ಕೊಟ್ಟಿದ್ದಾರೆ. ಈಗಾಗಲೇ ತಾಂಡವ್ ಅವರ ನಿಜವಾದ ಪತ್ನಿ ಸಂಗೀತಾ ಜೊತೆಗೆ, ಭಾಗ್ಯ (ಸುಷ್ಮಾ) ಕೂಡ ಸ್ಪರ್ಧಿಸುವ ಸಾಧ್ಯತೆಯಿದ್ದು, 'ಭಾಗ್ಯಲಕ್ಷ್ಮಿ ಪಾರ್ಟ್-2' ಮಾಡುವ ನಿರೀಕ್ಷೆ ಹುಟ್ಟಿಸಿದೆ.

ಬಿಗ್​ಬಾಸ್​​ಗೆ ಕ್ಷಣಗಣನೆ

ಬಿಗ್​ಬಾಸ್​ 13 (Bigg Boss Kannada 13) ಇನ್ನೇನು ಕ್ಷಣಗಣನೆ ಆರಂಭವಾಗಿದೆ. ಇಂದೇ ಷೋ ಆರಂಭವಾಗಲಿದ್ದು, ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ತಾಂಡವ್​, ಶ್ರೇಷ್ಠಾ ಎಂಟ್ರಿ

ಇದರ ನಡುವೆಯೇ, ಕೆಲವು ಸ್ಪರ್ಧಿಗಳನ್ನು ರಿವೀಲ್​ ಮಾಡಲಾಗಿದೆ. ಅದರಲ್ಲಿ ಭಾಗ್ಯಲಕ್ಷ್ಮಿ ಸೀರಿಯಲ್​ (Bhagyalakshmi Serial) ತಾಂಡವ್​ ಉರ್ಫ್​ ಸುದರ್ಶನ್​ ರಂಗನಾಥ್​ ಹಾಗೂ ಶ್ರೇಷ್ಠಾ ಉರ್ಫ್​ ಕಾವ್ಯಾ ಗೌಡ ಎಂಟ್ರಿಯಾಗಿದೆ. ಕುತೂಹಲ ಎಂದರೆ, ಈ ಬಾರಿಯ ಸೀಸನ್​ನಲ್ಲಿ ಭಾಗ್ಯಲಕ್ಷ್ಮಿ ಅರ್ಥಾತ್​ ನಟಿ ಸುಷ್ಮಾ ಕೆ.ರಾವ್​ ಕೂಡ ಭಾಗವಹಿಸಲಿದ್ದಾರೆ ಎನ್ನುವ ಸುದ್ದಿ ಇದೆ.

ಭಾಗ್ಯಲಕ್ಷ್ಮಿ ಪಾರ್ಟ್​-2

ಈ ಹಿನ್ನೆಲೆಯಲ್ಲಿ ಈ ಬಾರಿಯ ಬಿಗ್​ಬಾಸ್​ ಭಾಗ್ಯಲಕ್ಷ್ಮಿ ಪಾರ್ಟ್​-2 (Bhagyalakshmi Part-2) ಆಗುವ ಸಾಧ್ಯತೆ ಇದೆ ಎಂದೇ ನೆಟ್ಟಿಗರು ಕಮೆಂಟ್​ನಲ್ಲಿ ಹೇಳುತ್ತಿದ್ದಾರೆ. ಹೀಗೆ ಆದರೆ ಬಿಗ್​ಬಾಸ್ ಸಕತ್​ ಇಂಟರೆಸ್ಟಿಂಗ್​ ಆಗಲಿದೆ.

ತಾಂಡವ್​ ರಿಯಲ್​ ಪತ್ನಿ

ಅದೇ ಇನ್ನೊಂದೆಡೆ ಕುತೂಹಲದ ವಿಷ್ಯ ಏನಪ್ಪಾ ಎಂದರೆ ತಾಂಡವ್​ ಅರ್ಥಾತ್​ ಸುದರ್ಶನ್​ ರಂಗಪ್ರಸಾದ್​ ಅವರ ರಿಯಲ್​ ಪತ್ನಿ, ಸಂಗೀತಾ ಕೂಡ ಬಿಗ್​ಬಾಸ್​​ಗೆ ಇದಾಗಲೇ ಎಂಟ್ರಿಕೊಟ್ಟಿದ್ದಾರೆ.

ಏನು ಮಾಡಲಿ ಎಂದು ಹೌಹಾರಿದ ತಾಂಡವ್​

ಇವರಿಬ್ಬರನ್ನೂ ನೋಡಿದ ಸುದರ್ಶನ್​ ಅವರು ಹೌಹಾರಿದ್ದು, ಇಬ್ಬರೂ ಜಗಳ ಮಾಡಿಕೊಂಡರೆ ನಾನು ಏನು ಮಾಡಿಕೊಳ್ಳಲಪ್ಪ ಎಂದು ಹೇಳಿರುವ ಪ್ರೊಮೋ ಅನ್ನು ಕಲರ್ಸ್​ ವಾಹಿನಿ ಶೇರ್​ ಮಾಡಿಕೊಂಡಿದೆ.

ಭಾಗ್ಯಳ ಎಂಟ್ರಿ ಆದರೆ

ಇದೀಗ ಇವರಿಬ್ಬರ ನಡುವೆ, ಭಾಗ್ಯಳ ಎಂಟ್ರಿನೂ ಆಗಿಬಿಟ್ಟರೆ, ಭಾಗ್ಯಲಕ್ಷ್ಮಿ ಸೀರಿಯಲ್​ ಮುಗಿಯಿತು ಎಂದು ಬೇಸರ ಪಟ್ಟುಕೊಳ್ಳುತ್ತಿರುವವರಿಗೆ ಸಕತ್​ ಖುಷಿ ಕೊಡುವ ಸುದ್ದಿ ಆಗಲಿದೆ.