Amruthadhaare: ಭೂಮಿಕಾ ಬರೆದ ಡೈರಿ ಈಗ 'ಅಮೃತಧಾರೆ' ಪುಸ್ತಕವಾಯ್ತು- ಪತ್ರಕರ್ತ ಜೋಗಿ ಎಂಟ್ರಿ

ಅಮೃತಧಾರೆ ಸೀರಿಯಲ್​ನಲ್ಲಿ ಶಕುಂತಲಾ ಮತ್ತು ಜೈದೇವ್​ ಸೇರಿ ಗೌತಮ್-ಭೂಮಿಕಾ ವಿರುದ್ಧ ಸಂಚು ರೂಪಿಸುತ್ತಿದ್ದಾರೆ. ಇದೇ ವೇಳೆ,  ಭೂಮಿಕಾಳ ಡೈರಿಯನ್ನು ಪುಸ್ತಕ ರೂಪದಲ್ಲಿ ತರಲು ಹಿರಿಯ ಪತ್ರಕರ್ತ ಜೋಗಿ ಅವರ ಎಂಟ್ರಿಯಾಗಿದೆ. ಈ ಎಲ್ಲಾ ತಿರುವುಗಳು ಧಾರಾವಾಹಿಯಲ್ಲಿ ಕುತೂಹಲ ಹೆಚ್ಚಿಸಿವೆ.

ಅಮೃತಧಾರೆ ಸೀರಿಯಲ್​ ರೋಚಕ ತಿರುವು

ಅಮೃತಧಾರೆ ಸೀರಿಯಲ್​ (Amruthadhaare Serial) ಇದೀಗ ಮತ್ತೊಂದು ತಿರುವು ಪಡೆದುಕೊಂಡಿದೆ. ಒಂದೆಡೆ ವಿಲನ್​ಗಳಾದ ಶಕುಂತಲಾ ಮತ್ತು ಜೈದೇವ್​ ಅಮ್ಮ-ಮಗ ಒಂದಾಗಿದ್ದು, ಗೌತಮ್​-ಭೂಮಿಕಾ ವಿರುದ್ಧ ಸಂಚು ರೂಪಿಸುತ್ತಿದ್ದಾರೆ. ಇದರ ಅರಿವೇ ಇಲ್ಲದ ಎಲ್ಲರೂ ಶಕುಂತಲಾ ಬದಲಾಗಿ ಒಳ್ಳೆಯವಳಾಗಿದ್ದಾಳೆ ಎಂದೇ ಅಂದುಕೊಂಡಿದ್ದಾರೆ.

ಡೈರಿ ಬರೆಯುವ ಅಭ್ಯಾಸ

ಅದೇ ಇನ್ನೊಂದೆಡೆ, ಸೀರಿಯಲ್​ನಲ್ಲಿ ಭೂಮಿಕಾಳಿಗೆ ಮೊದಲಿನಿಂದಲೂ ಡೈರಿ ಬರೆಯುವ ಅಭ್ಯಾಸವಿತ್ತು. ಅದನ್ನು ಈಗ ಓದಿರುವ ಗೌತಮ್​ ಆಕೆಯ ಜೀವನದ ಪ್ರತಿಯೊಂದು ಮಜಲುಗಳನ್ನು ಪುಸ್ತಕದ ರೂಪದಲ್ಲಿ ಹೊರತಂದು, ಭೂಮಿಕಾಗೆ ಸರ್​ಪ್ರೈಸ್​ ಕೊಟ್ಟಿದ್ದಾನೆ.

ಹಿರಿಯ ಪತ್ರಕರ್ತ ಜೋಗಿ ಎಂಟ್ರಿ

ಕುತೂಹಲ ಎನ್ನುವಂತೆ ಈ ಸೀರಿಯಲ್​ನಲ್ಲಿ ಮತ್ತೊಮ್ಮೆ ಜೋಗಿ ಸರ್​ ಎಂದೇ ಫೇಮಸ್​ ಆಗಿರುವ, ಹಿರಿಯ ಪತ್ರಕರ್ತ, ಕನ್ನಡ ಪ್ರಭ ಪತ್ರಿಕೆಯ ಸಂಪಾದಕರಾಗಿರುವ ಗಿರೀಶ ರಾವ್‌ ಹತ್ವಾರ ಅವರು ಎಂಟ್ರಿ ಆಗಿದ್ದಾರೆ. ಪತ್ರಕರ್ತ ಗೌರೀಶ್​ ಅಕ್ಕಿ ಅವರನ್ನೂ ಸೀರಿಯಲ್​ನ ಪುಸ್ತಕ ಬಿಡುಗಡೆ ಸಮಾರಂಭಕ್ಕೆ ಆಮಂತ್ರಿಸಲಾಗಿದೆ. ಈ ಮೂಲಕ ಸೀರಿಯಲ್​ನಲ್ಲಿ ಇನ್ನೊಂದು ಕುತೂಹಲವನ್ನು ತರಲಾಗಿದೆ.

ಭೂಮಿಕಾ ಆಪ್ತರು

ಜೋಗಿ ಸರ್​ ಎಂದರೆ ಸೀರಿಯಲ್​​ನಲ್ಲಿ ಭೂಮಿಕಾಗೆ ಸಿಕ್ಕಾಪಟ್ಟೆ ಆಪ್ತರು. ಇದೇ ಕಾರಣಕ್ಕೆ ಈ ಹಿಂದೆಯೂ ಗೌತಮ್​ ಇವರನ್ನು ಪರಿಚಯ ಮಾಡಿಸಿ ಭೂಮಿಕಾಗೆ ಸರ್​ಪ್ರೈಸ್​ ನೀಡಿದ್ದರೆ, ಇದೀಗ ಅಮೃತಧಾರೆ ಪುಸ್ತಕದ ಬಿಡುಗಡೆಗೂ ಅವರನ್ನೇ ಆಹ್ವಾನಿಸಿರುವ ಪ್ರೊಮೋ ಬಿಡುಗಡೆ ಮಾಡಲಾಗಿದೆ.

ಗೌತಮ್​ಗೆ ಕಾಯಿಲೆ?

ಇನ್ನು ಸೀರಿಯಲ್​ ವಿಷಯಕ್ಕೆ ಬರುವುದಾದರೆ, ಗೌತಮ್​ಗೆ ಏನೋ ಕಾಯಿಲೆ ಇರುವಂತೆ ತೋರಿಸಲಾಗಿದೆ. ಆಫೀಸ್‌ನಲ್ಲಿ ಗೌತಮ್‌ ತಲೆ ಸುತ್ತಿ ಬಿದ್ದಿದ್ದಾನೆ. ಇದನ್ನು ನೋಡಿ ಆನಂದ್‌ ಚಿಂತಾಕ್ರಾಂತನಾಗಿದ್ದಾನೆ. ಈ ವಿಷಯವನ್ನು ಅವನು ಭೂಮಿಕಾಗೂ ಕೂಡ ತಿಳಿಸಿದ್ದಾನೆ. ಭೂಮಿಕಾ ಕೂಡ ಪತಿಯ ಆರೋಗ್ಯಕ್ಕೆ ಏನಾದರೂ ಆಗಿರಬಹುದಾ ಎಂದು ಅವಳು ಆಲೋಚನೆ ಮಾಡಿದ್ದಾಳೆ.

ಸೀರಿಯಲ್​ ಮುಗಿಯಲ್ಲ

ಈ ರೀತಿಯ ಟ್ವಿಸ್ಟ್​ ಇನ್ನೊಂದೆಡೆ ಕೊಟ್ಟು, ಅದೇ ಮತ್ತೊಂದೆಡೆ ಶಕುಂತಲಾ ಸರ್ವನಾಶ ಮಾಡುವ ಪಣತೊಟ್ಟಿದ್ದು, ಇನ್ನೊಂದೆಡೆ, ಈ ಪುಸ್ತಕ ಬಿಡುಗಡೆ... ಹೀಗೆ ವಿವಿಧ ರೀತಿಯ ವಿಷಯಗಳನ್ನು ಮತ್ತೆ ತರಲಾಗಿರುವ ಕಾರಣ, ಸೀರಿಯಲ್​ ಅಂತೂ ಸದ್ಯ ಮುಗಿಯಲ್ಲ ಎನ್ನುವುದು ಕನ್​ಫರ್ಮ್​ ಆಗಿದೆ.