Amruthadhaare ಭೂಮಿಕಾಗೆ ಕ್ಯಾನ್ಸರ್​! ಚೆಕಪ್​ಗೆ ಹೋದಾಗ ಬಯಲಾಯ್ತು ಭಯಾನಕ ಸತ್ಯ- ಮುಂದೇನು

ಅಮೃತಧಾರೆ ಧಾರಾವಾಹಿಯಲ್ಲಿ ಎಲ್ಲವೂ ಸುಖಾಂತ್ಯ ಕಾಣಲಿದೆ ಎನ್ನುವಾಗಲೇ ಕಥೆಗೆ ಅನಿರೀಕ್ಷಿತ ತಿರುವು ಸಿಕ್ಕಿದೆ. ಗೌತಮ್‌ಗೆ ಗಂಭೀರ ಕಾಯಿಲೆ ಇದೆ ಎಂದುಕೊಂಡರೆ, ವೈದ್ಯಕೀಯ ವರದಿಯಲ್ಲಿ ಭೂಮಿಕಾಗೆ ಬ್ರೆಸ್ಟ್ ಕ್ಯಾನ್ಸರ್ ಇರುವುದು ದೃಢಪಟ್ಟಿದೆ

ವೀಕ್ಷಕರು ಊಹಿಸಿಕೊಳ್ಳಲೂ ಸಾಧ್ಯವಿಲ್ಲ!

ಅಮೃತಧಾರೆ ಸೀರಿಯಲ್​ (Amruthadhaare Serial) ಇನ್ನೇನು ಮುಗಿಯತ್ತೆ ಎಂದುಕೊಂಡಾಗಲೇ ಯಾರೂ ಊಹಿಸದ ಘನಘೋರ ಸತ್ಯವೊಂದು ಬಯಲಾಗಿದೆ. ಬಹುಶಃ ಇದನ್ನು ವೀಕ್ಷಕರು ಕೂಡ ಸಹಿಸಿಕೊಳ್ಳಲು ಸಾಧ್ಯವೇ ಇಲ್ಲ ಎನ್ನುವ ರೀತಿಯಲ್ಲಿ ಸ್ಟೋರಿಗೆ ಟ್ವಿಸ್ಟ್​ ಕೊಡಲಾಗಿದೆ.

ತಲೆ ತಿರುಗಿ ಬಿದ್ದಿದ್ದ ಗೌತಮ್​

ಕಚೇರಿಯಲ್ಲಿ ತಲೆ ತಿರುಗಿ ಬಿದದ್ದು ಗೌತಮ್​. ಇದರಿಂದ ಎಲ್ಲರೂ ಆತಂಕಗೊಂಡಿದ್ದರು. ಇದನ್ನು ನೋಡಿದಾಗ ಗೌತಮ್​ಗೆ ಏನೋ ಗಂಭೀರ ಕಾಯಿಲೆ ಇರುವಂತೆ ತೋರಿಸಲಾಗಿತ್ತು. ಆದರೆ ಇಲ್ಲಿ ಆಗಿದ್ದೇ ಬೇರೆ.

ಆಗಿದ್ದೇ ಬೇರೆ

ವೈದ್ಯರು ಕರೆ ಮಾಡಿ, ಭೂಮಿಕಾ ಮತ್ತು ಗೌತಮ್​ಗೆ ಬರಲು ಹೇಳಿದ್ರು. ಆಗ ಭೂಮಿಕಾ, ಬ್ಲಡ್​ ಟೆಸ್ಟ್​ನಲ್ಲಿ ಗೌತಮ್​ಗೆ ಏನಾದ್ರೂ ಸಮಸ್ಯೆ ಇದೆಯಾ ಎಂದು ಆತಂಕಗೊಂಡಿದ್ದಳು. ಆದರೆ ಇಲ್ಲಿ ಆಗಿದ್ದೇ ಬೇರೆ.

ನಿಭಾಯಿಸುವುದನ್ನು ತೋರಿಸ್ತಾರಾ?

ರುಟೀನ್​ ಚೆಕಪ್​ ಮಾಡಿಸಿಕೊಂಡಿದ್ದರು ದಂಪತಿ. ಈ ವೇಳೆ ಭೂಮಿಕಾ ಬ್ರೆಸ್ಟ್​ ಕ್ಯಾನ್ಸರ್​ ಇರುವುದು ತಿಳಿದಿದೆ. ಅಷ್ಟಕ್ಕೂ ಈಗಿನ ಕಾಲದಲ್ಲಿ ಬ್ರೆಸ್ಟ್​ ಕ್ಯಾನ್ಸರ್​ ಎನ್ನುವುದು ಸರ್ವೇ ಸಾಮಾನ್ಯ ಎನ್ನುವಂತಾಗಿದೆ. ಇದನ್ನೇ ಸೀರಿಯಲ್​ನಲ್ಲಿಯೂ ತಂದಿದ್ದು, ಅದನ್ನು ಹೇಗೆ ನಿಭಾಯಿಸಬೇಕು ಎಂದು ಹೇಳುವುದನ್ನು ಸೀರಿಯಲ್​​ ಕಲಿಸುವಂತೆ ಕಾಣುತ್ತಿದೆ. ಹಾಗೆ ಆಗಲಿ ಎನ್ನುವುದೇ ವೀಕ್ಷಕರ ಆಸೆ ಕೂಡ.

ನುಂಗಲಾಗದ ತುತ್ತು

ಅದೇನೇಇದ್ದರೂ ಸದ್ಯ, ಭೂಮಿಕಾ ಮತ್ತು ಗೌತಮ್​ ಸ್ಥಿತಿ ಯಾರಿಗೂ ಬೇಡವಾಗಿದೆ. ಈಗಷ್ಟೇ ಎಲ್ಲವೂ ಚೆನ್ನಾಗಿ ದಿ ಎಂಡ್​ ಆಗಿದೆ ಎಂದುಕೊಳ್ಳುವಾಗಲೇ ಇಂಥದ್ದೊಂದು ಟ್ವಿಸ್ಟ್​ ಕೊಟ್ಟಿದ್ದು, ವೀಕ್ಷಕರಿಗೆ ನುಂಗಲಾಗದ ತುತ್ತಾಗಿದೆ. ಮೊದಲಿನಿಂದಲೂ ಕಷ್ಟ ನೋಡಿಯೇ ಬಂದ ಜೋಡಿಗೆ ಯಾಕೆ ಬರೀ ಕಷ್ಟವೇ ಬರುತ್ತದೆ ಎಂದು ಬೇಸರ ಮಾಡಿಕೊಳ್ಳುತ್ತಿದ್ದಾರೆ.

ವೀಕ್ಷಕರ ಅನಿಸಿಕೆ ಏನು?

ಒಟ್ಟಿನಲ್ಲಿ ಒಂದೆಡೆ ಶಕುಂತಲಾ ಮತ್ತು ಜೈದೇವ್​ ಒಟ್ಟಾಗಿ ಗೌತಮ್​ ಸಾಮ್ರಾಜ್ಯದ ಮೇಲೆ ಕಣ್ಣು ಹಾಕಿದ್ದರೆ, ಅದೇ ಇನ್ನೊಂದೆಡೆ ಭೂಮಿಕಾ ಲೈಫ್​ನಲ್ಲಿ ಈ ರೀತಿಯ ಟ್ವಿಸ್ಟ್​ ಕೊಡಲಾಗಿದೆ. ವೀಕ್ಷಕರು ಇದನ್ನು ಹೇಗೆ ತೆಗೆದುಕೊಳ್ಳುತ್ತಾರೋ ಕಾದು ನೋಡಬೇಕಿದೆ.