Amruthadhaare Serial: ಡಿಎನ್​ಎ ಪರೀಕ್ಷೆಯಲ್ಲಿ ನಕಲಿ ಅಪ್ಪ-ಅಮ್ಮ ಪಾಸ್​? ಮತ್ತೆ ದೂರವಾಗ್ತಾಳಾ ಮಿಂಚು

ಅಮೃತಧಾರೆ ಧಾರಾವಾಹಿಯಲ್ಲಿ, ಮಿಂಚು ತಮ್ಮ ಮಗಳು ಎಂದು ಬಂದ ನಕಲಿ ಪೋಷಕರಿಗೆ ಡಿಎನ್​ಎ ಪರೀಕ್ಷೆಯ ಭಯ ಶುರುವಾಗಿದೆ. ಗೌತಮ್ ಮತ್ತು ಭೂಮಿಕಾ ಸತ್ಯ ತಿಳಿಯಲು ಪರೀಕ್ಷೆಗೆ ಒತ್ತಾಯಿಸಿದಾಗ, ಜೈದೇವ ಹಣದ ಬಲದಿಂದ ವರದಿಯನ್ನೇ ತಿರುಚುವ ಸಾಧ್ಯತೆಯ ಬಗ್ಗೆ ಕಥೆ ಕುತೂಹಲ ಮೂಡಿಸಿದೆ.

ಹೊಸ ಅಪ್ಪ ಅಮ್ಮನಿಗೆ ಗ್ರಹಚಾರ

ಅಮೃತಧಾರೆ ಸೀರಿಯಲ್​ನಲ್ಲಿ ಸದ್ಯ ಮಿಂಚು ತಮ್ಮ ಮಗಳು ಎಂದುಕೊಂಡು ಬಂದೋರಿಗೆ ಗ್ರಹಚಾರ ಒಕ್ಕರಿಸಿದೆ. ಮಿಂಚು ಫೋಟೋ ಹಿಡಿದು ಇವಳೇ ನಮ್ಮ ಮಗಳು ಎಂದು ಗೌತಮ್​ನನ್ನೂ ಜೈಲಿಗೆ ಅಟ್ಟಲಾಗಿತ್ತು.

ಜೈದೇವನ ಕೈವಾಡ

ಕೊನೆಗೂ ಇದರ ಹಿಂದೆ ಇರೋದು ಜೈದೇವನ ಕೈವಾಡ ಎನ್ನೋದು ತಿಳಿದಿದೆ. ಗೌತಮ್​ ಮತ್ತು ಭೂಮಿಕಾಗೆ ಮಿಂಚು ತಮ್ಮದೇ ಮಗಳು ಎಂದು ತಿಳಿಯದಿದ್ದರೂ, ಮಗಳು ಎಂದು ಹೇಳಿಕೊಂಡು ಬಂದೋರು ಮೋಸಗಾರರು ಎನ್ನೋದು ಚೆನ್ನಾಗಿ ಗೊತ್ತಾಗಿದೆ.

ಡಿಎನ್​ಎ ಟೆಸ್ಟ್​

ಇದೇ ಕಾರಣಕ್ಕೆ ಅವರ ಡಿಎನ್​ಎ ಟೆಸ್ಟ್​ ಮಾಡುವಂತೆ ಕೋರಿಕೊಂಡಿದ್ದಾರೆ. ಇಷ್ಟಾಗುತ್ತಿದ್ದಂತೆಯೇ ಈ ನಕಲಿ ಅಪ್ಪ-ಅಮ್ಮಂದಿರ ಉಸಿರೇ ನಿಂತೋಗಿದೆ.

ಗೋಳೋ ಎಂದ ನಕಲಿ ಅಪ್ಪ-ಅಮ್ಮ

ನೇರವಾಗಿ ಜೈದೇವನ ಬಳಿ ಬಂದ ನಕಲಿ ಅಪ್ಪ-ಅಮ್ಮ ನಮ್ಮನ್ನು ಬಿಟ್ಟುಬಿಡಿ ಸರ್​, ಡಿಎನ್​ಎ ಟೆಸ್ಟ್​ ಮಾಡಿಸಲು ಹೇಳ್ತಾ ಇದ್ದಾರೆ. ನಿಜ ಗೊತ್ತಾದ್ರೆ ನಮ್ಮನ್ನು ಜೈಲಿಗೆ ಅಟ್ಟುತ್ತಾರೆ.ನಾವು ಹೋಗ್ತೇವೆ ಎಂದಿದ್ದಾರೆ.

ಜೈದೇವ್​ ಬಿಡ್ತಾನಾ?

ಆದರೆ, ಗೌತಮ್​ ಮತ್ತು ಸಂಪೂರ್ಣ ಕುಟುಂಬವನ್ನು ನಾಶ ಮಾಡುವ ಪಣ ತೊಟ್ಟಿರೋ ಜೈದೇವ ಸುಮ್ಮನೇ ಬಿಡ್ತಾನಾ? ಡಿಎನ್​ಎ ಟೆಸ್ಟ್​ನಲ್ಲಿಯೂ ಅವರು ಪಾಸ್​ ಮಾಡುವ ಹಾಗೆ ಮಾಡಿದರೂ ಅಚ್ಚರಿ ಏನಿಲ್ಲ. ಹೇಗಿದ್ದರೂ ಹಣದ ಬಲ ಇದ್ಯಲ್ಲಾ? ಹಣ ಎಂದರೆ ಹೆಣನೇ ಬಾಯಿ ಬಿಡತ್ತಂತೆ. ಇನ್ನು ಡಾಕ್ಟರ್​ ಸುಮ್ನೇ ಇರ್ತಾರೆ. ದುಡ್ಡು ಕೊಟ್ಟು ಅದನ್ನೂ ಮಾಡಬಹುದು ಎನ್ನಲಾಗಿದೆ.

ಪರೀಕ್ಷೆಯಲ್ಲಿ ಪಾಸ್​?

ಏಕೆಂದರೆ, ಗೌತಮ್​ಗೆ ಹೆತ್ತ ಮಗಳಿಂದಲೇ ತೊಂದರೆ ಎನ್ನೋದಾಗಿ ಜ್ಯೋತಿಷಿ ಹೇಳಿದ್ದಾರಲ್ಲ. ಈಗ ಸ್ವಲ್ಪ ತೊಂದರೆ ಆಗಿತ್ತಷ್ಟೇ. ಆದರೆ ಇನ್ನು ಮುಂದೆ ಅದೇ ದೊಡ್ಡ ಮಟ್ಟಕ್ಕೆ ಹೋದರೂ ಹೋಗಬಹುದು.