Amruthadhaare: ಅಲೆಲೆ... ಶಕುನಿ ಮಾಮಾನ್ನೇ ಯಾಮಾರಿಸಿದ್ಲು ಲೇಡಿ ಕೇಡಿ- ಜೈದೇವ್​ನನ್ನೇ ಮೀರಿಸಿದ ದಿಯಾ!

ಅಮೃತಧಾರೆ ಧಾರಾವಾಹಿಯಲ್ಲಿ, ಗೌತಮ್ ಇರುವ ಜಾಗ ಪತ್ತೆಹಚ್ಚಲು ದಿಯಾ ಖತರ್ನಾಕ್ ಪ್ಲ್ಯಾನ್ ಮಾಡಿದ್ದಾಳೆ. ಶಕುನಿ ಮಾಮಾನನ್ನು ಬಳಸಿಕೊಂಡು ಜಿಪಿಎಸ್ ಮೂಲಕ ಎಲ್ಲರನ್ನೂ ಟ್ರ್ಯಾಕ್ ಮಾಡುತ್ತಿದ್ದಾಳೆ. ದಿಯಾಳ ಈ ಕುತಂತ್ರದಿಂದ ಪತಿ ಜೈದೇವ್​ ಕೂಡ ಅಚ್ಚರಿಗೊಂಡಿದ್ದಾನೆ.

ಟೂರ್​ ಮೂಡ್​ನಲ್ಲಿ ಎಲ್ಲಾ ಜೋಡಿ

ಅಮೃತಧಾರೆಯಲ್ಲಿ ಸದ್ಯ ಜೈದೇವನ ಪತ್ನಿ ದಿಯಾ ಖತರ್ನಾಕ್​ ಪ್ಲ್ಯಾನ್​ ಮಾಡಿದ್ದಾಳೆ. ಇವಳ ಹಿಂದಿರೋ ಉದ್ದೇಶ ತಿಳಿದು ವೀಕ್ಷಕರಷ್ಟೇ ಅಲ್ಲದೇ ಜೈದೇವನೂ ಸುಸ್ತಾಗಿ ಹೋಗಿದ್ದಾನೆ. ಅಷ್ಟಕ್ಕೂ ಮಲ್ಲಿ, ಸುನಿಲ್​ ಹನಿಮೂನ್​ಗೆ ಹೋಗಿದ್ದಾರೆ. ಅವರ ಜೊತೆ ಗೌತಮ್​-ಭೂಮಿಕಾ, ಆನಂದ್​-ಅಪರ್ಣಾ ಅಷ್ಟೇ ಅಲ್ಲದೇ ಶಕುನಿ ಮಾಮಾ ಕೂಡ ಟೂರ್​ಗೆ ಹೋಗಿದ್ದಾರೆ.

ಶಕುನಿ ಮಾಮಾ ಕಿಡ್​ನ್ಯಾಪ್​

ಶಕುನಿ ಮಾಮಾ ಗೌತಮ್ ಪರವಾಗಿ ಕೆಲಸ ಮಾಡ್ತಿರೋದು ಗೊತ್ತಾಗಿ, ಅವನನ್ನು ಕಿಡ್​ನ್ಯಾಪ್​ ಮಾಡಿಸಿದ್ದ ಜೈದೇವ. ಆದರೆ ದಿಯಾ ಬಂದು ಆತನನ್ನು ಬಿಡಿಸಿದ್ದಾಳೆ. ಜೈದೇವ್​ ಕೆಟ್ಟವನು, ನಾನು ನಿಮ್ಮ ಪರ ಎಂದೆಲ್ಲಾ ನಂಬಿಸಿದ್ದಾಳೆ.

ಗೌತಮ್​ ಬಳಿ ಶಕುನಿ ಮಾಮಾ

ಆದರೆ, ಆಕೆ ಮಾಡಿದ್ದ ಪ್ಲ್ಯಾನೇ ಬೇರೆ. ಶಕುನಿ ಮಾಮಾನ್ನು ಬಿಟ್ಟರೆ, ಅವನು ನೇರವಾಗಿ ಗೌತಮ್​ ಬಳಿ ಹೋಗ್ತಾನೆ ಎನ್ನುವುದು ತಿಳಿದಿದ್ದರಿಂದಲೇ ಮೊಬೈಲ್​ಗೆ ಜಿಪಿಎಸ್ ಹಾಕಿ ಕಳುಹಿಸಿದ್ದಾಳೆ.

ಜೈದೇವ್​ಗೆ ಪ್ಲ್ಯಾನ್​

ತನ್ನ ಪ್ಲ್ಯಾನ್​ ಅನ್ನು ಜೈದೇವ್​ಗೆ ಹೇಳಿದ್ದಾಳೆ ದಿಯಾ. ಎಲ್ಲರೂ ಎಲ್ಲಿಗೆ ಕಣ್ಣು ತಪ್ಪಿಸಿ ಹೋದರು ಎಂದು ಅರಿಯದ ಜೈದೇವ್​ ಚಿಂತಾಕ್ರಾಂತನಾಗಿ ಕುಳಿತಿದ್ದ. ಆದರೆ ದಿಯಾ ಬಂದು ತಮ್ಮಪ್ಲ್ಯಾನ್​ ಹೇಳಿದ್ದಾಳೆ.

ಶಕುನಿ ಮಾಮಾಗೆ ಕಾಲ್​

ಕೊನೆಗೆ ಶಕುನಿ ಮಾಮಾಗೆ ಕಾಲ್​ ಮಾಡಿ ಎಲ್ಲಿದ್ದೀರಿ ಎಂದು ಕೇಳಿ ಎಲ್ಲಾ ವಿಷಯ ತಿಳಿದುಕೊಂಡಿದ್ದಾಳೆ. ಶಕುನಿ ಮಾಮಾಗೆ ದಿಯಾಳ ಕುತಂತ್ರ ಗೊತ್ತಾಯ್ತಾ, ಇಲ್ವಾ, ಅವನು ನಿಜ ಹೇಳಿದ್ನಾ ಅಥ್ವಾ ದಿಯಾಳ ಕುತಂತ್ರ ತಿಳಿದು ಸುಳ್ಳು ಹೇಳಿದ್ನಾ ಎನ್ನೋದು ಈಗಿರುವ ಕುತೂಹಲ.

ಜೈದೇವ್​ನನ್ನೂ ಮೀರಿಸಿದ್ಲು

ಆದರೂ ಸದ್ಯಕ್ಕಂತೂ ದಿಯಾ ಶಕುನಿ ಮಾಮಾಗಿಂತ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ, ಕೇಡಿ ಜೆಡಿಯ ಪತ್ನಿಯಾಗಿ ಅವನನ್ನೂ ಮೀರಿಸಿದ್ದಾಳೆ. ​