Amruthadhaare: ದೀಪಿಕಾ ಬಂದ ಕೆಲ್ಸ ಮಾಡಾಯ್ತು- ಜೈದೇವ್​ ಮನೆಗೆ ಎಂಟ್ರಿ ಕೊಟ್ಟಾಯ್ತು; ಮುಂದೇನು

ಅಮೃತಧಾರೆ ಧಾರಾವಾಹಿಯಲ್ಲಿ ದೀಪಿಕಾ, ಶಕುಂತಲಾಳ ಮಾತಿನಂತೆ ಜೈದೇವನನ್ನು ಕ್ಷಮಿಸಿ ಮನೆಗೆ ಕರೆತಂದಿದ್ದಾಳೆ. ಇದು ಮನೆಯವರಿಗೆಲ್ಲಾ ಅಚ್ಚರಿ ಮೂಡಿಸಿದೆ. ಆದರೆ ಅಸಲಿ ಭೂಮಿಕಾ ಏನಾದಳು ಎಂಬ ಕುತೂಹಲ ಮೂಡಿದೆ.

ಟ್ವಿಸ್ಟ್​ ಮೇಲೆ ಟ್ವಿಸ್ಟ್​

ಅಮೃತಧಾರೆ ಸೀರಿಯಲ್​ (Amruthadhaare Serial) ಸದ್ಯ ಟ್ವಿಸ್ಟ್​ ಮೇಲೆ ಟ್ವಿಸ್ಟ್​ ಸಿಗುತ್ತಿದೆ. ಭೂಮಿಕಾ ಮತ್ತು ದೀಪಿಕಾ ಎದುರು ಬದುರಾದರೂ, ಶಕುಂತಲಾಗೆ ಅದನ್ನು ತಿಳಿಸಿದ್ದ ದೀಪಿಕಾ, ಅಲ್ಲಿಯೇ ಎಲ್ಲವನ್ನೂ ಸೆಟ್ಲ್​ ಮಾಡಿಬಿಟ್ಟಿದ್ದಾಳೆ.

ಜೈದೇವನ ಬಗ್ಗೆ ದೀಪಿಕಾ

ಮನೆಗೆ ಬಂದಿರೋ ದೀಪಿಕಾ, ಶಕುಂತಲಾ ಹೇಳಿಕೊಟ್ಟಂತೆಯೇ, ಜೈದೇವನನ್ನು ಕ್ಷಮಿಸಿ ಆತನನ್ನು ವಾಪಸ್​ ಕರೆಸಿಕೊಳ್ಳುವ ಬಗ್ಗೆ ಮಾತನಾಡಿದ್ದಾಳೆ.

ಎಲ್ಲರಿಗೂ ಶಾಕ್

ಇದನ್ನು ಕೇಳಿ ಎಲ್ಲರಿಗೂ ಶಾಕ್​ ಆಗಿದೆ. ಭೂಮಿಕಾ ಮೇಲೆ ಡೌಟ್​ ಬರಲಿಲ್ಲ ಎನ್ನುವುದೇ ಅಚ್ಚರಿಯ ವಿಷ್ಯವಾದರೂ ಸೀರಿಯಲ್​ ಆಗಿರುವ ಕಾರಣ ಇದನ್ನು ಹಾಗೆಯೇ ನೋಡಿಕೊಂಡು ಹೋಗಬೇಕಷ್ಟೇ.

ಮನೆಗೆ ಬಂದ ಜೈದೇವ್​

ಅದೇ ರೀತಿ, ಜೈದೇವನೇ ನನ್ನ ಪ್ರಾಣ ಉಳಿಸಿದ ಎಂದಿರುವ ದೀಪಿಕಾ, ಭೂಮಿಕಾ ಆಗಿ ಜೈದೇವನನ್ನು ಮನೆಗೆ ಬರಮಾಡಿಕೊಂಡಿದ್ದಾಳೆ.

ಜೈದೇವ ಸದ್ಯ ಸಕ್ಸಸ್​

ಅಂತೂ ಜೈದೇವ ಸದ್ಯ ಸಕ್ಸಸ್​ ಆಗಿದ್ದಾನೆ. ಅವನನ್ನು ಖುದ್ದು ದೀಪಿಕಾಳೇ ಆರತಿ ಮಾಡಿ ಮನೆ ತುಂಬಿಸಿಕೊಂಡಿದ್ದಾಳೆ. ಈ ಬೆಳವಣಿಗೆ ಎಲ್ಲರಲ್ಲಿಯೂ ಅಚ್ಚರಿ ಮೂಡಿಸಿದ್ದರೂ, ಭೂಮಿಕಾ ಹೀಗೆ ಏಕೆ ಮಾಡಿದಳು ಎಂದು ಕೇಳಲು ಹೋಗಲಿಲ್ಲ.

ಭೂಮಿಕಾ ಕಥೆ ಏನಾಯ್ತು

ಒಟ್ಟಿನಲ್ಲಿ ರಿಯಲ್​ ಭೂಮಿಕಾ ಕಥೆ ಏನಾಯ್ತು ಎಂದು ನೋಡಬೇಕಿದೆ. ದೀಪಿಕಾ ಆಕೆಗೆ ಏನು ಮಾಡಿದಳು ಎನ್ನುವುದು ಸದ್ಯಕ್ಕಿರುವ ಕುತೂಹಲ. ಭೂಮಿಕಾ ಮನೆಗೆ ಬರ್ತಾಳಾ? ದೀಪಿಕಾಗೆ ಶಕುಂತಲಾ ಮತ್ತು ಜೈದೇವನ ಕುತಂತ್ರ ತಿಳಿಯತ್ತಾ ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ.