ಕಪ್ಪು ಸೀರೆಯಲ್ಲಿ‌ ಮಿಂಚಿದ ಅಕ್ಷತಾ ದೇಶಪಾಂಡೆ... ಕಿರುತೆರೆ ನಟಿಯ ಅಂದಕ್ಕೆ ಫ್ಯಾನ್ಸ್ ಫಿದಾ

ಕಥೆಯೊಂದು ಶುರುವಾಗಿದೆ ಧಾರಾವಾಹಿಯಲ್ಲಿ ಕೃತಿ ಯುವರಾಜ್ ಪಾತ್ರದಲ್ಲಿ ಮಿಂಚಿದ ನಟಿ ಅಕ್ಷತಾ ದೇಶಪಾಂಡೆ ಇದೀಗ ತಮ್ಮ ಮುದ್ದಾದ ಫೋಟೊಶೂಟ್ ಮಾಡಿಸಿಕೊಂಡಿದ್ದಾರೆ.   

ಸ್ಟಾರ್ ಸುವರ್ಣ (Star Suvarna) ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಕಥೆಯೊಂದು ಶುರುವಾಗಿದೆ ಧಾರಾವಾಹಿ ನೆನಪಿದೆ ಅಲ್ವಾ? ಕೃತಿ ಮತ್ತು ಯುವರಾಜ್ ನಡುವಿನ ಮುದ್ದಾಟ-ಗುದ್ದಾಟ ಸೇರಿದ ಲವ್ ಸ್ಟೋರಿ ಜನರಿಗೆ ಇಷ್ಟವಾಗಿತ್ತು. ಸೀರಿಯಲ್ ನಾಯಕಿ ಕೃತಿ ಕೂಡ ಜನರಿಗೆ ಇಷ್ಟವಾಗಿದ್ದರು. 

ಕೃತಿ ಪಾತ್ರದ ಮೂಲಕ ಜನಮನ ಗೆದ್ದ ನಟಿ ಅಕ್ಷತಾ ದೇಶಪಾಂಡೆ (Akshatha Deshpande). ಇವರು ತಮ್ಮ ಅಭಿನಯದ ಮೂಲಕ ಕನ್ನಡಿಗರ ಮನ ಗೆದ್ದದ್ದರು. ಕಥೆಯೊಂದು ಶುರುವಾಗಿ ಸೀರಿಯಲ್ ಮುಗಿದ ಬಳಿಕ, ತಮಿಳು ಮತ್ತು ತೆಲುಗು ಕಿರುತೆರೆಗೆ ಹಾರಿದ ಅಕ್ಷತಾ ಅಲ್ಲಿಯೇ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದರು. ಇದೀಗ ಮತ್ತೆ ಕನ್ನಡಕ್ಕೆ ಬಂದಿದ್ದಾರೆ. 

ಮತ್ತೊಮ್ಮೆ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಇತ್ತೀಚೆಗಷ್ಟೇ ಆರಂಭವಾಗಿರುವ ಚಿಕ್ಕೆಜಮಾನಿ (Chikkejamani) ಧಾರಾವಾಹಿಯಲ್ಲಿ ನಾಯಕಿ ಕಾವೇರಿಯಾಗಿ ಅಕ್ಷತಾ ನಟಿಸುತ್ತಿದ್ದಾರೆ. ಸೀರಿಯಲ್ ಶುರುವಾಗಿ ಸ್ವಲ್ಪ ದಿನವಾದರೂ ಕಾವೇರಿ ಸ್ಟ್ರಾಂಗ್ ಕ್ಯಾರೆಕ್ಟರ್ ಜನರಿಗೆ ಇಷ್ಟವಾಗಿದೆ. ವಿಭಿನ್ನ ಕಥೆಯನ್ನು ಹೊಂದಿರುವ ಈ ಸೀರಿಯಲ್ ಕೂಡ ವೀಕ್ಷಕರನ್ನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. 

ಚಿಕ್ಕೆಜಮಾನಿ ಸೀರಿಯಲ್ ಪಾತ್ರದ ಬಗ್ಗೆ ಈ ಹಿಂದೆ ಮಾತನಾಡಿದ್ದ ಅಕ್ಷತಾ, ನಾನು ಇನ್ನು ಮುಂದೆ ಕಾವೇರಿಯಾಗಿ ನಿಮ್ಮ ಮುಂದೆ ಬರ್ತಿದ್ದೇನೆ. ಹೆಣ್ಣು ಮಕ್ಕಳು ಎಂದರೆ ಜವಾಬ್ದಾರಿ, ಕೇರ್ ಇರುವವರು, ಕನ್ಸರ್ನ್ ಇರುವವರು ಅಂಥ ಹೇಳ್ತಾರೆ. ನಾನು ಈ ಪಾತ್ರದಲ್ಲಿ ಅದೇ ಒಂದು ಕೇರ್‌ನ, ಎಮೋಶನ್‌ನ ನನ್ನ ಫ್ಯಾಮಿಲಿ ಜೊತೆಗೆ ಶೇರ್ ಮಾಡ್ತಾ ಇದ್ದೀನಿ. ಇಲ್ಲಿ ಚಿಕ್ಕೆಜಮಾನಿ ಅಂದ್ರೆ ನಾನು ನನ್ನ ಮನೆ ಯಜಮಾನಿ ಅಂತೂ ಅಲ್ಲ. ನಾನು ಯಾರ ಮನೆಗೆ ಯಜಮಾನಿಯಾಗಿ ಹೋಗ್ತೀನಿ, ಹೇಗೆ ಹೋಗ್ತೀನಿ ಎನ್ನುವುದೇ ನಮ್ಮ ಸೀರಿಯಲ್‌ನ ಕಥೆ. ತುಂಬಾ ಇಷ್ಟಪಟ್ಟು ಕಾವೇರಿ ಪಾತ್ರವನ್ನು ನಿರ್ವಹಿಸುತ್ತಿದ್ದೇನೆ" ಎಂದು ನಟಿ ಹೇಳಿದ್ದರು. 

ಸದ್ಯ ಕನ್ನಡ ಕಿರುತೆರೆಯಲ್ಲಿ ಮತ್ತೆ ಬ್ಯುಸಿಯಾಗಿರುವ ನಟಿ ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಕ್ಲಾಸಿಕ್ ದೇಸಿ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದು, ನಟಿಯ ಹೊಸ ಫೋಟೊ ಶೂಟ್ ಅಭಿಮಾನಿಗಳಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿದೆ. ಟ್ರೆಡಿಶನಲ್ ಅವತಾರದಲ್ಲಿ ಅಕ್ಷತಾ ತುಂಬಾನೆ ಮುದ್ದಾಗಿ ಕಾಣಿಸಿಕೊಂಡಿದ್ದು, ದೇವತೆ ಅಂತಿದ್ದಾರೆ ಜನ. 

ಗೋಲ್ಡನ್ ಜರಿ ಇರುವ ಕಪ್ಪು ಬಣ್ಣದ ಸೀರೆಯುಟ್ಟಿರುವ ಅಕ್ಷತಾ ದೇಶಪಾಂಡೆ, ಅದರ ಜೊತೆ ಗೋಲ್ಡನ್ ಜ್ಯುವೆಲ್ಲರಿಗಳನ್ನ ಧರಿಸಿದ್ದಾರೆ. ದೊಡ್ಡದಾಗಿ ಜುಮುಕಿ, ಮೂಗಿನಲ್ಲಿ ನತ್ತು, ತಲೆ ತುಂಬಾ ಮಲ್ಲಿಗೆ ಹೂವು ಮುಡಿದಿದ್ದು, ಕಪ್ಪು ಸೀರೆ ನಿಮಗೆ ತುಂಬಾನೆ ಒಪ್ಪುತ್ತಿದೆ, ತುಂಬಾ ಸುಂದರವಾಗಿ ಕಾಣಿಸ್ತಿದ್ದೀರಿ ಎಂದಿದ್ದಾರೆ ಅಭಿಮಾನಿಗಳು. 

ಇನ್ನು ಅಕ್ಷತಾ ಕರಿಯರ್ ಬಗ್ಗೆ ಹೇಳೋದಾದರೆ ಕನ್ನಡದಲ್ಲಿ ಅಮೃತವರ್ಷಿಣಿ, ಮತ್ತೆ ವಸಂತ, ಕಾವ್ಯಾಂಜಲಿ, ಕಥೆಯೊಂದು ಶುರುವಾಗಿ ಧಾರಾವಾಹಿಗಳಲ್ಲಿ ನಟಿಸಿದ್ದು, ಸದ್ಯ ಚಿಕ್ಕೆಜಮಾನಿ ಧಾರಾವಾಹಿಯಲ್ಲಿ ನಟಿಸ್ತಿದ್ದಾರೆ. ಇನ್ನು ತಮಿಳಿನಲ್ಲಿ ಅನಾಮಿಕ ಎನ್ನುವ ಧಾರಾವಾಹಿಯಲ್ಲೂ, ತೆಲುಗಿನಲ್ಲಿ ನಿನ್ನ ಕೋರಿ ಸೀರಿಯಲ್ ನಲ್ಲೂ ನಟಿ ಅಭಿನಯಿಸಿದ್ದಾರೆ.