ಜೀ ಕನ್ನಡದಲ್ಲಿ 5 ಹೊಚ್ಚ ಹೊಸ ಸೀರಿಯಲ್ಸ್​: ಯಾವ್ಯಾವ ಧಾರಾವಾಹಿಗಳಿಗೆ ಬೀಳಲಿದೆ ತೆರೆ- Promo ಬಿಡುಗಡೆ

ಜೀ ಕನ್ನಡದ ಜನಪ್ರಿಯ 'ಬ್ರಹ್ಮಗಂಟು' ಧಾರಾವಾಹಿ ಮುಕ್ತಾಯದ ಹಂತದಲ್ಲಿದ್ದು, ಅದರ ಸ್ಥಾನದಲ್ಲಿ 'ಜಗದ್ಧಾತ್ರಿ' ಪ್ರಸಾರವಾಗಲಿದೆ. ಇದರ ಜೊತೆಗೆ, ವಾಹಿನಿಯು 'ರಾಮ್​ಲೀಲಾ', 'ಗೌರಿ ಪುತ್ರ' ಸೇರಿದಂತೆ ಐದು ಹೊಸ ಧಾರಾವಾಹಿಗಳನ್ನು ಘೋಷಿಸಿದ್ದು, ಯಾವ  ಸೀರಿಯಲ್‌ ಅಂತ್ಯಗೊಳ್ಳಲಿವೆ ಎಂಬ ಕುತೂಹಲ  ಮೂಡಿದೆ.

ಬ್ರಹ್ಮಗಂಟು ಮುಕ್ತಾಯ

ಜೀ ಕನ್ನಡದಲ್ಲಿ ಸದ್ಯ ಬ್ರಹ್ಮಗಂಟು ಸೀರಿಯಲ್​ ಮುಕ್ತಾಯ ಆಗಲಿದೆ. ಇದಾಗಲೇ ಅಂತಿಮ ಸಂಚಿಕೆಗಳು ಆರಂಭವಾಗಿವೆ. ಸೌಂದರ್ಯಳ ವಂಚನೆ, ದಿಶಾಳ ಅಸಲಿಯತ್ತು ಎಲ್ಲವೂ ಚಿರುಗೆ ತಿಳಿದಿದೆ. ಸೌಂದರ್ಯ ಪತಿಗೂ ನೆನಪಿನ ಶಕ್ತಿ ಬರುತ್ತಿದ್ದು, ಆತನೂ ಸೌಂದರ್ಯ ಬಗ್ಗೆ ಹೇಳುತ್ತಾನೆ. ಇದಾಗಲೇ ಚಿರು ಸೌಂದರ್ಯ ವಿರುದ್ಧ ಸೇಡು ತೀರಿಸಿಕೊಳ್ಳುತ್ತಿದ್ದಾನೆ.

ಜಗದ್ಧಾತ್ರಿ ಸೀರಿಯಲ್​ ಆರಂಭ

ಈ ಸ್ಟೋರಿ ಮುಗಿದ ಮೇಲೆ ಜಗದ್ಧಾತ್ರಿ ಸೀರಿಯಲ್​ ಆರಂಭವಾಗಲಿದೆ. ಮೋಕ್ಷಿತಾ ಪೈ, ಕವಿತಾ ಗೌಡ ಅಭಿನಯದ ಇದರ ಪ್ರೊಮೋ ಇದಾಗಲೇ ಸಾಕಷ್ಟು ವೈರಲ್​ ಆಗಿದ್ದು, ಸೀರಿಯಲ್​​ ನೋಡಲು ಸೀರಿಯಲ್​ ಪ್ರೇಮಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ಐದು ಹೊಸ ಧಾರಾವಾಹಿಗಳು

ಇದರ ನಡುವೆಯೇ ಐದು ಹೊಸ ಸೀರಿಯಲ್​ಗಳನ್ನು ಜೀ ವಾಹಿನಿ ಘೋಷಿಸಿದೆ. ರಾಮ್​ಲೀಲಾ, ಗೌರಿ ಪುತ್ರ, ಅರಸಿ, ಮಿಲನ, ಶಿವಶಕ್ತಿ ಈ ಐದು ಹೊಸ ಸೀರಿಯಲ್​ಗಳು ಆರಂಭವಾಗಲಿವೆ ಎಂದು ವಾಹಿನಿ ಹೇಳಿದೆ.

ಯಾರ ಧಾರಾವಾಹಿ ಮುಗಿಯತ್ತೆ?

ಹಾಗಿದ್ದರೆ ಜೀ ಕನ್ನಡದಲ್ಲಿ ಐದು ಸೀರಿಯಲ್​ಗಳು ಮುಗಿಯತ್ತಾ ಎನ್ನುವ ಬಗ್ಗೆ ವೀಕ್ಷಕರು ತಲೆ ಕೆಡಿಸಿಕೊಳ್ಳುತ್ತಿದ್ದಾರೆ. ಇದ್ಯಾವ ಸೀರಿಯಲ್​ಗಳು ಇರಬಹುದು ಎನ್ನುವ ಬಗ್ಗೆ ದೊಡ್ಡ ಮಟ್ಟದ ಚರ್ಚೆ ಶುರುವಾಗಿದೆ.

ಮಧ್ಯಾಹ್ನದ ಸೀರಿಯಲ್​ಗಳು?

ಅಂದಹಾಗೆ, ಬಹುಶಃ ಇದ್ಯಾವುದೂ ರಾತ್ರಿಯ ಸೀರಿಯಲ್​ಗಳಲ್ಲ ಎಂದೇ ಹಲವರು ಹೇಳುತ್ತಿದ್ದಾರೆ. ಮಧ್ಯಾಹ್ನ ಕೂಡ ಜೀ ವಾಹಿನಿ ಸೀರಿಯಲ್​ಗಳನ್ನು ಪ್ರಸಾರ ಮಾಡುತ್ತದೆ. ಆ ಸೀರಿಯಲ್​​ಗಳ ಪೈಕಿ ಈ ಐದು ಹೊಸ ಸೀರಿಯಲ್​ಗಳು ಬರಲಿವೆ ಎನ್ನುವುದು ವೀಕ್ಷಕರ ಅಭಿಮತ.

ಸ್ಪಷ್ಟತೆ ಕೊಟ್ಟಿಲ್ಲ

ಇದರ ಬಗ್ಗೆ ವಾಹಿನಿ ಇನ್ನೂ ಸ್ಪಷ್ಟತೆ ಕೊಟ್ಟಿಲ್ಲ. ಟೈಮಿಂಗ್ಸ್​ ಕೂಡ ಹೇಳಲಿಲ್ಲ. ಆದರೆ ಶೀಘ್ರದಲ್ಲಿ ಎಂದು ಹೇಳಿರುವ ಕಾರಣ, ಯಾವ ಸೀರಿಯಲ್​ ಮುಗಿಯತ್ತೆ ಎನ್ನುವ ಚರ್ಚೆ ಶುರುವಾಗಿದೆ.