ವಿಜಯಲಕ್ಷ್ಮಿನ ಫಾಲೋ ಮಾಡಿ ಅಡ್ರೆಸ್ ಕಂಡು ಹಿಡಿದ ಜೈ ಜಗದೀಶ್; ಬೇಬಿ ಅನ್ನೋದು ಲವರ್ಸ್‌ ವರ್ಡ್‌!
First Published | Mar 20, 2024, 10:57 AM ISTಅಬ್ಬಬ್ಬಾ! ಆಗಿನ ಕಾಲದಲ್ಲಿ ಲವ್ ಸ್ಟೋರಿಗಳು ಹೇಗಿತ್ತು ಗೊತ್ತಾ? ವಿಜಯಲಕ್ಷ್ಮಿ- ಜೈ ಜಗದೀಶ್ ಮೊದಲ ಭೇಟಿ ಹೀಗಿತ್ತು...
ಅಬ್ಬಬ್ಬಾ! ಆಗಿನ ಕಾಲದಲ್ಲಿ ಲವ್ ಸ್ಟೋರಿಗಳು ಹೇಗಿತ್ತು ಗೊತ್ತಾ? ವಿಜಯಲಕ್ಷ್ಮಿ- ಜೈ ಜಗದೀಶ್ ಮೊದಲ ಭೇಟಿ ಹೀಗಿತ್ತು...
ನಟ, ನಿರ್ದೇಶಕ, ನಿರ್ಮಾಪಕ ಹಾಗೂ ಕೊಡಗಿನ ಕುವರ ಜೈ ಜಗದೀಶ್ ಮತ್ತು ನಟಿ ಹಾಗೂ ನಿರ್ದೇಶಕಿ ವಿಜಯಲಕ್ಷ್ಮಿ ಸಿಂಗ್ 'ರಾಣಿ ಮಹಾರಾಣಿ' ಸಿನಿಮಾ ಸಮಯದಲ್ಲಿ ಮದುವೆಯಾದರು. ಈ ಜೋಡಿ ಲವ್ ಸ್ಟೋರಿ ಸಖತ್ ಕ್ಯೂರಿಯಾಸಿಟಿ ಹುಟ್ಟಿಸಿತ್ತು.
ನಾಯಕಿಯಾದ ಮೇಲೆ ವಿಜಯಲಕ್ಷ್ಮಿ ಲವ್ ಸ್ಟೋರಿ ಒಂದು ರೀತಿ ಇದೆ. ಅದಕ್ಕೂ ಮುನ್ನ ಮುನ್ನಿಯಾಗಿ ಪರಿಚಯವಾಗಿದ್ದ ವಿಜಯಲಕ್ಷ್ಮಿ ಮತ್ತೊಂದು ಸ್ಟೋರಿ ಹೇಳಿದ್ದಾರೆ.
ನಾನು 7ನೇ ಕ್ಲಾಸ್‌ನಲ್ಲಿದ್ದೆ ಜಗದೀಶ್ ಅವರು ಪಿಯುಸಿ ಓದುತ್ತಿದ್ದರು. ಮೈಸೂರಿನ ವುಡ್ಲ್ಯಾಂಡ್ ಥಿಯೇಟರ್‌ನಲ್ಲಿ ಸಿನಿಮಾ ನೋಡಲು ಹೋಗಿದ್ದೆ. ಜಗದೀಶ್ ಸ್ನೇಹಿತರ ಜೊತೆ ಬಂದಿದ್ದರು ನಾನು ನನ್ನ ಸ್ನೇಹಿತೆ ಜೊತೆ ಹೋಗಿದ್ದೆ...intervalನಲ್ಲಿ ಪಾಪ್ ಕಾರ್ನ್ ಮತ್ತು ಟಾಫಿ ತಂದು ನನ್ನ ಸ್ನೇಹಿತೆಗೆ ಕೊಟ್ಟರು ನಾನು ಬೇಡ ಅಂತ ತಿರುಗಿ ನೋಡಲಿಲ್ಲ ಆಕೆ ಇರಲಿ ಬಿಡಿ ಕೊಟ್ಟಿದ್ದಾರೆ ಅಂತ ಸುಮ್ಮನಾದೆವು.
ಅದಾದ ಮೇಲೆ ಸಿನಿಮಾ ಮುಗಿಯುತ್ತಿದ್ದಂತೆ ಜಗದೀಶ್ ನಮ್ಮನ್ನು ಫಾಲೋ ಮಾಡಲು ಶುರು ಮಾಡಿದರು. ಇವರಿಂದ ತಪ್ಪಿಸಿಕೊಳ್ಳಲು ಓಡಿದಾಗ ಜೀಪ್ ಅಡ್ಡ ಬಂದಿತ್ತು ತಕ್ಷಣ ಜಗದೀಶ್ ಕೈ ಹಿಡಿದು ಬೇಬಿ ಸ್ಟಾಪ್ ಮಾಡು ಅಂದ್ರು. ಆ ಕಾಲದಲ್ಲಿ ಬೇಬಿ ಅನ್ನೋದು ಲವರ್ಸ್‌ ಹೆಚ್ಚಿಗೆ ಬಳಸುತ್ತಿದ್ದರು.
ಅಲ್ಲಿಂದ ಎಕ್ಸೇಪ್ ಆಗಿ ಐಸ್‌ ಕ್ರೀಂ ತಿನ್ನಲು ಹೋಗಿದ್ದಾಗ ಅಲ್ಲಿಗೂ ಬಂದ್ದರು. ಬಿಲ್ ಕೊಡಲು ಹೋದಾಗ ಆ ಹುಡುಗರು ಕೊಟ್ರು ಅಂತ ಹೇಳಿದರು ಈಗ ನಾವು ಥ್ಯಾಂಕ್ಸ್ ಹೇಳುವ ಪರಿಸ್ಥಿತಿ ಬಂತು. ಮರದ ಬಳಿ ನಿಂತಿದ್ದರು ಅಲ್ಲಿ ಹೋಗಿ ಹೇಳಿದೆ...ಆಗ ಜಗದೀಶ್ ನಿಮ್ಮ ಮನೆಯಲ್ಲಿ ಎಲ್ಲಿದೆ ಎಂದು ಕೇಳಿದರು.
ನಾನು ಏನೂ ಹೇಳಲಿಲ್ಲ. ಅವರ ಸ್ನೇಹಿತರಿಗೆ ಹೇಳಿ ಫಾಲೋ ಮಾಡಿಸಿದರು. ಸರಸ್ವತಿ ಪುರಂ ಮೊದಲ ಹಂತದಲ್ಲಿ ಮನೆ ಇತ್ತು ಮನೆ ಗೊತ್ತಾಗಬಾರದು ಎಂದು 9ನೇ ಹಂತದಲ್ಲಿ ಇಳಿದುಕೊಂಡೆ. ಅದು ನಮ್ಮ ಮೊದಲ ಭೇಟಿ. ಸಂಗ್ರಾಮ್ ಮತ್ತು ಜಗದೀಶ್ ಸ್ನೇಹಿತರು.
ನಾನು ಸಂಗ್ರಾಮ ತಂಗಿ ಎಂದು ಗೊತ್ತಾಗುತ್ತಿದ್ದಂತೆ ಇದೆಲ್ಲಾ ಬಿಟ್ಟರು ಎಂದು ವಿಜಯ್ ಲಕ್ಷ್ಮಿ ಸಿಂಗ್ ಜೀ ಕನ್ನಡ ವೀಕೆಂಡ್ ವಿತ್ ರಮೇಶ್‌ನಲ್ಲಿ ಮಾತನಾಡಿದ್ದರು.
ಸಿನಿಮಾ ಅವಕಾಶಗಳು ಹೆಚ್ಚಿಗೆ ಬರುತ್ತಿದ್ದ ಕಾರಣ ಬೆಂಗಳೂರಿಗೆ ಹೋಗುವುದಾಗಿ ಹೇಳಿದರು. ಬೇಸರ ಆಗಿದ್ದು ನಿಜ ಆದರೆ ಸುಮ್ಮನೆ ಆದೆ. ಕೆಲವು ದಿನಗಳ ನಂತರ ವಿಚಾರ ಕಿವಿ ಬಿತ್ತು ಜಗದೀಶ್ ಮದುವೆ ಆಗಿದ್ದಾರೆ ಎಂದು. ರೂಪಾ ಅನ್ನೋ ಸುಂದರವಾಗಿರುವ ಹುಡುಗಿಯರನ್ನು ಜಗದೀಶ್ ಮದುವೆಯಾಗಿದ್ದಾರೆ ಅಂತ ಅಂಬರೀಶ್ ಬಂದು ಹೇಳಿದರು.
ಹನಿಮೂನ್‌ಗೆ ಹೋಗುವಾಗ ಮೈಸೂರಿಗೆ ಬಂದು ನಮ್ಮ ಮನೆಯಲ್ಲಿ ಊಟ ಮಾಡಿದ್ದರು ..ಅವರ ಲೈಫ್ ನಡೆಯುತ್ತಿತ್ತು. ಅದಾದ ಮೇಲೆ ನಾನು ಇಂಡಸ್ಟ್ರಿಗೆ ಬಂದೆ ನಾವೆಲ್ಲ ವುಡ್ಲ್ಯಾಂಡ್ ಹೋಟೆಲ್‌ನಲ್ಲಿ ಉಳಿದುಕೊಂಡಿದ್ವಿ. ಮದ್ವೆ ಆದ್ಮೇಲೆ ಯಾಕೆ ಜಗದೀಶ್ ಹೋಟೆಲ್‌ನಲ್ಲಿ ಉಳಿದುಕೊಳ್ಳುತ್ತಿದ್ದರು ಯಾಕೆ ಎಂದು ತಿಳಿದುಕೊಂಡಾಗ ಫ್ಯಾಮಿಲಿಯಿಂದ ದೂರ ಉಳಿದುಬಿಟ್ಟಿದ್ದಾರೆ ಎಂದು ತಿಳಿಯಿತ್ತು.
ಬಂಧನ ಸಿನಿಮಾ ಮೂಲಕ ನಮ್ಮಿಬ್ಬರ ಬಂಧನ ಶುರುವಾಯ್ತು. 8 ವರ್ಷಗಳ ಕಾಲ ನಡೆಯಿತ್ತು ಅವರ ಡಿವೋರ್ಸ್‌ ಎಲ್ಲಾ ಅವರಿಗೆ ಅರ್ಪಿತಾ ಅನ್ನೋ ಮಗಳು ಇದ್ದಾಳೆ ನನ್ನ ಜೊತೆ ಚೆನ್ನಾಗಿದ್ದಾಳೆ. ರಾಣಿ ಮಾಹರಾಣಿ ಸಿನಿಮಾ ಸಮಯದಲ್ಲಿ ನಾವು ಮದುವೆ ಮಾಡಿಕೊಂಡೆವು ಈಗ 33 ವರ್ಷಗಳ ದಾಂಪತ್ಯ ಜೀವನ ಎಂದು ವಿಜಯ್ ಲಕ್ಷ್ಮಿ ಹೇಳಿದ್ದಾರೆ.