ರಿಷಭ್ ಶೆಟ್ರ ಪತ್ನಿ ಅತಿ ಲೋಕ ಸುಂದರಿ… ಪ್ರಗತಿ ಶೆಟ್ಟಿ ನಗುವಿಗೆ ಫಿದಾ ಅಗೋದ್ರು ಫ್ಯಾನ್ಸ್

ಸ್ಯಾಂಡಲ್ ವುಡ್ ನಟ ರಿಷಭ್ ಶೆಟ್ಟಿಯಷ್ಟೇ ಅವರ ಪತ್ನಿ ಪ್ರಗತಿ ಶೆಟ್ಟಿ ಕೂಡ ಜನಪ್ರಿಯತೆ ಪಡೆದಿದ್ದಾರೆ. ಇದೀಗ ಹೊಸ ಫೋಟೊ ಶೇರ್ ಮಾಡಿರುವ ಪ್ರಗತಿ ಶೆಟ್ಟಿಯ ನಗುವಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.   

ಕಾಂತಾರಾ ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿರುವ್ ರಿಷಭ್ ಶೆಟ್ಟಿ (Rishabh Shetty) ಸದ್ಯ ಪ್ರಶಸ್ತಿ, ಸಮಾರಂಭ, ಜೊತೆಗೆ ಕಾಂತಾರ ಅಧ್ಯಯನ 1 ರ ಶೂಟಿಂಗ್ ನಲ್ಲಿ ತುಂಬಾನೆ ಬ್ಯುಸಿಯಾಗಿದ್ದಾರೆ. ಅವರ ಪತ್ನಿ ಪ್ರಗತಿ ಶೆಟ್ಟಿ ಕೂಡ ಗಂಡನಿಗೆ ಎಲ್ಲಾ ರೀತಿಯಲ್ಲೂ ಸಾಥ್ ನೀಡುತ್ತಿದ್ದಾರೆ. 

ಪ್ರಗತಿ ಶೆಟ್ಟಿ (Pragathi Shetty) ಕಾಂತಾರ ಸಿನಿಮಾದಲ್ಲಿ ಒಂದು ಪುಟ್ಟ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದರು. ಅಷ್ಟೇ ಅಲ್ಲ, ಸಿನಿಮಾದ ಕಾಸ್ಟ್ಯೂಮ್ ಡಿಸೈನರ್ ಕೂಡ ಅವರೇ ಅನ್ನೋದು ಗೊತ್ತೇ ಇದೆ. ಹಾಗಾಗಿ ಕಾಂತಾರ ಸಿನಿಮಾ ಬಳಿಕ ರಿಷಭ್ ಶೆಟ್ಟಿಯಷ್ಟೇ ಅವರ ಪತ್ನಿ ಪ್ರಗತಿ ಕೂಡ ಜನಪ್ರಿಯತೆ ಪಡೆದಿದ್ದಾರೆ. 

ಸೋಶಿಯಲ್ ಮೀಡೀಯಾದಲ್ಲಿ ಆಕ್ಟೀವ್ ಆಗಿರುವ ಪ್ರಗತಿ ಹೆಚ್ಚಾಗಿ ತಮ್ಮ ಮುದ್ದಿನ ಮಕ್ಕಳ ಫೋಟೊ, ಟ್ರಾವೆಲ್ ಫೋಟೊಗಳನ್ನು , ಫ್ಯಾಮಿಲಿ ಫೋಟೊಗಳನ್ನು ಶೇರ್ ಮಾಡುತ್ತಿರುತ್ತಾರೆ. ಇದೀಗ ಪ್ರಗತಿ ಶೆಟ್ಟಿ ತಮ್ಮ ಫೋಟೊಗಳನ್ನು ಶೇರ್ ಮಾಡಿದ್ದು, ಪ್ರಗತಿ ಶೆಟ್ಟಿ ನಗುವಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. 

ಪ್ರಗತಿ ಶೆಟ್ಟಿ ಐಫಾ ಕಾರ್ಯಕ್ರಮದಲ್ಲಿ (IIFA Nighs) ಭಾಗವಹಿಸಿದ್ದಾಗ ತೆಗೆದಂತಹ ಫೋಟೊಗಳನ್ನು ಶೇರ್ ಮಾಡಿದ್ದು, ಗೋಲ್ಡನ್ ವರ್ಕ್ ಇರುವಂತಹ , ಕಪ್ಪು ಬಣ್ಣದ ಸಲ್ವಾರ್ ಸೂಟ್ ನಲ್ಲಿ ಪ್ರಗತಿ ತುಂಬಾನೆ ಸುಂದರವಾಗಿ ಕಾಣಿಸ್ತಿದ್ದಾರೆ. ಇವರನ್ನ ನೋಡಿ ಅಭಿಮಾನಿಗಳು ಅತಿಲೋಕ ಸುಂದರಿ, ಬ್ಯೂಟಿಫುಲ್, ಡ್ರೀಮ್ ಗರ್ಲ್, ಗಾರ್ಜಿಯಸ್ ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ. 

ಪ್ರಗತಿ ಶೆಟ್ಟಿ ಬಗ್ಗೆ ಹೇಳೋದಾದರೆ ಇವರು ಊರು ಮಂದಾರ್ತಿ, ಹುಟ್ಟಿ ಬೆಳೆದದ್ದು, ಶಿವಮೊಗ್ಗ. ಬಿಎಸ್ಸಿ ಪದವಿ ಪಡೆದು, ಬೆಂಗಳೂರಿನಲ್ಲಿ ಕೆಲಸಕ್ಕೆ ಹೋದ ಪ್ರಗತಿಗೆ, ರಿಷಭ್ ಶೆಟ್ಟಿ ಮೇಲೆ ಲವ್ ಆಗಿ, ಒಂದು ವರ್ಷದಲ್ಲಿ ಅಂದರೆ 2017ರಲ್ಲಿ ಮದುವೆಯೂ ಆಗುತ್ತೆ. ಈಗ ಈ ಜೋಡಿ ಇಬ್ಬರು ಮುದ್ದಾದ ಮಕ್ಕಳ ಪೋಷಕರು. 

ಮದುವೆಯ ನಂತರ ಸಿನಿಮಾಗಳಲ್ಲಿ ಆಸಕ್ತಿ ಬೆಳೆಸಿಕೊಂಡ ಪ್ರಗತಿ ಶೆಟ್ಟಿ, ನಂತರ ಫ್ಯಾಷನ್ ಡಿಸೈನಿಂಗ್ ಕೋರ್ಸ್ ಮಾಡಿ ಸ.ಹಿ.ಪ್ರಾ. ಶಾಲೆ, ಬೆಲ್‌ ಬಾಟಂ, ಕಥಾಸಂಗಮ, ರುದ್ರ ಪ್ರಯಾಗ, 777 ಚಾರ್ಲಿ, ಜೊತೆಗೆ ಕಾಂತಾರ ಸೇರಿ ಹಲವು ಸಿನಿಮಾಗಳಿಗೆ ಕಾಸ್ಟ್ಯೂಮ್‌ ಡಿಸೈನ್‌ (costume designer) ಮಾಡಿದ್ದಾರೆ. ಪತಿ ರಿಷಭ್ ಶೆಟ್ಟಿಯವರ ಹೆಚ್ಚಿನ ಸಿನಿಮಾಗಳಲ್ಲಿ ಜೊತೆಯಾಗಿ ದುಡಿಯುತ್ತಾ, ಗಂಡನಿಗೆ ಬೆಂಬಲ ನೀಡುತ್ತಾ ಬಂದಿದ್ದಾರೆ ಪ್ರಗತಿ ಶೆಟ್ಟಿ.