Rocking Star Yash: ಮಗದೊಂದು ಕಾರ್ ಖರೀದಿಸಿದ ಯಶ್, ಯಾವ್ದು ಕಾರು, ಏನ್ ಸಮಾಚಾರ?

ಶಾರುಕ್‌ ಖಾನ್, ದಳಪತಿ ವಿಜಯ್‌ ಮುಂತಾದ ಸ್ಟಾರ್‌ಗಳ ಬಳಿ ಇರುವಂಥಾ ಲೆಕ್ಸಸ್​ ಎಲ್​ಎಂ 350ಎಚ್ 4ಎಸ್ ಅಲ್ಟ್ರಾ ಲಕ್ಸುರಿ ನೀಲಿ ಬಣ್ಣದ ಕಾರನ್ನು ಯಶ್‌ ಖರೀದಿಸಿದ್ದಾರೆ.

ರಾಕಿಂಗ್​ ಸ್ಟಾರ್​ ಯಶ್​​ ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದಾರೆ. ವಿಶೇಷವಾಗಿ ನಟ ಯಶ್ ರಾವಣನಾಗಿ ಮಿಂಚಲು ಸಜ್ಜಾಗಿದ್ದಾರೆ. ಈ ಮಧ್ಯೆ ನಟ ಯಶ್ ಮತ್ತೊಂದು​ ಹೊಸ ಕಾರನ್ನು ಖರೀದಿ ಮಾಡಿದ್ದಾರೆ.

ಹೌದು! ಪ್ಯಾನ್ ಇಂಡಿಯಾ ಸ್ಟಾರ್ ನಟ ಯಶ್​ ಅವರ ಬಳಿ ಈಗಾಗಲೇ ಹಲವಾರು ಐಷಾರಾಮಿ ಕಾರುಗಳಿವೆ. ಈಗ ಆ ಕಾರುಗಳ ಜೊತೆಗೆ ಮತ್ತೊಂದು ದುಬಾರಿ ಕಾರು ಸೇರ್ಪಡೆಯಾಗಿದೆ.

ಶಾರುಕ್‌ ಖಾನ್, ದಳಪತಿ ವಿಜಯ್‌ ಮುಂತಾದ ಸ್ಟಾರ್‌ಗಳ ಬಳಿ ಇರುವಂಥಾ ಲೆಕ್ಸಸ್​ ಎಲ್​ಎಂ 350ಎಚ್ 4ಎಸ್ ಅಲ್ಟ್ರಾ ಲಕ್ಸುರಿ ನೀಲಿ ಬಣ್ಣದ ಕಾರನ್ನು ಯಶ್‌ ಖರೀದಿಸಿದ್ದಾರೆ. 4 ಸೀಟಿನ ಈ ಕಾರಿನ ಎಕ್ಸ್‌ಶೋರೂಮ್‌ ಬೆಲೆ 2.63 ಕೋಟಿ ರು. ಆನ್‌ ರೋಡ್‌ ಬೆಲೆ ಸುಮಾರು 3.28 ಕೋಟಿ ರು. ಎನ್ನಲಾಗಿದೆ.

ವಿಶೇಷವೆಂದರೆ ಮಹಾರಾಷ್ಟ್ರದಲ್ಲಿ ಈ ಕಾರಿನ ನೊಂದಣಿಯನ್ನು ನಟ ಯಶ್ ಮಾಡಿಸಿದ್ದಾರೆ. ಇದೇ ಕಾರಿನಲ್ಲಿ ಮುಂಬೈ ಏರ್‌ಪೋರ್ಟ್​ಗೆ ರಾಕಿಂಗ್​ ಸ್ಟಾರ್ ಬಂದಿಳಿದ್ದಾರೆ.

ಯಶ್ ಹೊಸ ಕಾರ್‌ ಮೇಲೆ MH47C 8055 ನಂಬರ್ ಪ್ಲೇಟ್ ಅಳವಡಿಸಲಾಗಿದೆ. ಈಗಾಗಲೇ ಯಶ್ ಬಳಿ ಇರೋ ಎಲ್ಲಾ ಕಾರ್​ಗಳ ನಂಬರ್ ಪ್ಲೇಟ್​ 8055 ಇದೇ ನಂಬರಿನಲ್ಲಿದೆ.

ಸದ್ಯ ಟಾಕ್ಸಿಕ್ ಮತ್ತು ರಾಮಾಯಣ ಸಿನಿಮಾದ ಗ್ಲಿಂಪ್ಸ್ ಬಿಡುಗಡೆ ಮಧ್ಯೆದಲ್ಲೇ ರಾಕಿಂಗ್ ಸ್ಟಾರ್ ಯಶ್ ಯುಎಸ್ ಪ್ರವಾಸಕ್ಕೆ ಮುಂದಾಗಿದ್ದಾರೆ. ಟಾಕ್ಸಿಕ್ ಹಾಗೂ ರಾಮಾಯಣ ಸಿನಿಮಾಗಳ ಬಿಡುವಿಲ್ಲದ ಶೂಟಿಂಗ್​ನಲ್ಲಿ ಯಶ್ ಭಾಗಿಯಾಗಿದ್ರು.

ಇದೀಗ ಕುಟುಂಬದ ಜೊತೆ ಕಾಲ ಕಳೆಯಲು ಯುಎಸ್ ಪ್ರವಾಸಕ್ಕೆ ಯಶ್ ಕುಟುಂಬ ಹೊರಟಿದ್ದು, ವಿಮಾನ ನಿಲ್ದಾಣದ ವೀಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡ್ತಿವೆ‌.