ಬಾಲಿಯಲ್ಲಿ ಹರ್ಷಿಕಾ ಪೂಣಚ್ಚ ಬ್ಯಾಚುಲರೇಟ್‌ ಪಾರ್ಟಿ; ಫೋಟೋ ವೈರಲ್!

ಸೋಷಿಯಲ್ ಮೀಡಿಯಾದಲ್ಲಿ ಬಾಲಿ ಟ್ರಿಪ್ ಫೋಟೋ ಅಪ್ಲೋಡ್ ಮಾಡಿದ ಹರ್ಷಿಕಾ. ಬ್ಯಾಚುಲರೇಟ್ ಪಾರ್ಟಿ ಹೇಗಿದೆ ಎಂದ ನೆಟ್ಟಿಗರು....

ಕಲಾವಿದ ಜೋಡಿ ಹರ್ಷಿಕಾ ಪೂಣಚ್ಚ ಮತ್ತು ಭುವನ್‌ ಪೊನ್ನಣ್ಣ ಆ.23 ಮತ್ತು 24ರಂದು ಕೊಡಗಿನ ವಿರಾಜಪೇಟೆಯಲ್ಲಿ ವಿವಾಹ ಆಗುತ್ತಿದ್ದಾರೆ. 

ಈ ಹಿನ್ನೆಲೆಯಲ್ಲಿ ಹರ್ಷಿಕಾ ಪೂಣಚ್ಚ ತಮ್ಮ ಸ್ನೇಹಿತೆಯರ ಬಳಗದೊಂದಿಗೆ ಇಂಡೋನೇಷ್ಯಾದ ಬಾಲಿಯಲ್ಲಿ ಬ್ಯಾಚುಲರೇಟ್‌ ಪಾರ್ಟಿ ಆಚರಿಸಿದ್ದಾರೆ.

ಬಾಲಿಯ ಸ್ಫಟಿಕ ಶುಭ್ರ ಸಮುದ್ರ ತೀರದಲ್ಲಿ ಹರ್ಷಿಕಾ ಮತ್ತು ಗ್ಯಾಂಗ್ ಸಂಭ್ರಮದ ಕ್ಷಣಗಳನ್ನು ಕಳೆದುಬಂದಿದೆ. ಇದೀಗ ಈ ಜೋಡಿ ಖುಷಿಯಿಂದ ಹಸೆಮಣೆ ಏರಲು ಸಜ್ಜಾಗಿದ್ದಾರೆ.

ಈ ಮಧ್ಯೆ ಭುವನ್‌ ಪೊನ್ನಣ್ಣ ತನ್ನ ಬ್ಯಾಚುಲರ್‌ ಪಾರ್ಟಿ ಆಚರಿಸಲು ಗೆಳೆಯರೊಂದಿಗೆ ರಷ್ಯಾಗೆ ತೆರಳಿದ್ದಾರೆ ಎನ್ನಲಾಗಿದೆ. ಅಲ್ಲಿಂದ ಅವರು ದುಬೈಗೂ ಹೋಗಿ ಸಿಂಗಲ್ ಲೈಫನ್ನು ಆನಂದಿಸಲಿದ್ದಾರೆ.

ಈ ಜೋಡಿ ಬಹಳ ಹಿಂದಿನಿಂದಲೇ ಪ್ರೇಮಿಗಳಾಗಿ ಗುರುತಿಸಿಕೊಂಡಿದ್ದರು. ದರೆ ಕರಿಯರ್‌ ಕಾರಣದಿಂದಾಗಿ ಮದುವೆಯನ್ನು ಸಾಧ್ಯವಾದಷ್ಟು ಮುಂದೂಡುತ್ತಾ ಬಂದಿದ್ದರು.  ಕುಟುಂಬ ವರ್ಗ, ಚಿತ್ರರಂಗದ ಬಂಧುಗಳ ಸಮ್ಮುಖದಲ್ಲಿ ಮದುವೆಯಾಗಲಿದ್ದಾರೆ.