ತಮ್ಮ ಬೋಲ್ಡ್ ಫೋಟೊಗಳಿಂದಲೇ ಸೋಶಿಯಲ್ ಮೀಡಿಯಾದಲ್ಲಿ ಸಂಚಲನ ಮೂಡಿಸುತ್ತಿದ್ದ ನಟಿ ಚೈತ್ರಾ ಆಚಾರ್ ಮತ್ತೊಮ್ಮೆ ಟೀಖೆ ಮಾಡೋರಿಗೆ ಬಿಸಿ ಮುಟ್ಟಿಸಿದ್ದಾರೆ.
ಸ್ಯಾಂಡಲ್’ವುಡ್ ನ ಬೋಲ್ಡ್ ಬ್ಯೂಟಿ ಚೈತ್ರಾ ಆಚಾರ್ (Chaithra Achar) ಹೆಚ್ಚಾಗಿ ಸದ್ದು ಮಾಡೋದೆ ತಮ್ಮ ಬೋಲ್ಡ್ ಫಿಯರ್ ಲೆಸ್ ಫೋಟೋಗಳಿಂದ, ಈಗಾಗಲೇ ತಮ್ಮ ಬೋಲ್ಡ್ ಅವತಾರಗಳಿಂದ ನಟಿ ಟೀಕೆಗೂ ಗುರಿಯಾಗಿದ್ದಾರೆ.
ಮಾಹಿರಾ ಸಿನಿಮಾದಲ್ಲಿ ನಟಿಸಿದ್ದ ಚೈತ್ರಾ ಆಚಾರ್, ನಂತರ ನಟಿಸಿದ ಪ್ರತಿಯೊಂದು ಚಿತ್ರಗಳಲ್ಲೂ ವಿಭಿನ್ನ ಪಾತ್ರ ಮತ್ತು ನಟನೆಯಿಂದ ಜನ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರು. ಚೈತ್ರಾ ನಟನೆ ನೋಡಿದ ವೀಕ್ಷಕರು ಕನ್ನಡಕ್ಕೊಬ್ಬ ಅಮೋಘ ಪ್ರತಿಭೆ ಸಿಕ್ಕಿದ್ದಾರೆ ಅಂದಿದ್ರು. ನಾಯಕಿ ಜೊತೆಗೆ ಗಾಯಕಿಯಾಗಿಯೂ ಗುರುತಿಸಿಕೊಂಡಿರುವ ಚೈತ್ರಾ, ಗರುಡ ಗಮನ ವೃಷಭವಾಹನ ಸಿನಿಮಾದ ಸೋಜುಗಾದ ಸೂಜುಮಲ್ಲಿಗೆ ಹಾಡಿಗಾಗಿ ಫಿಲಂ ಫೇರ್ ಪ್ರಶಸ್ತಿಯನ್ನೂ ಸಹ ಪಡೆದಿದ್ದರು.
ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿರುವ ನಟಿ ಹೆಚ್ಚಾಗಿ ಬೋಲ್ಡ್ ಅವತಾರಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ. ಟ್ರೆಡಿಷನಲ್ ಆಗಿ ಸೀರೆ ಧರಿಸಿದ್ರೂ ಸರಿ, ಮಾಡರ್ನ್ ಡ್ರೆಸ್ ಆದ್ರೂ ಸರಿ ತಮ್ಮ ಬೋಲ್ಡ್ ನೆಸ್ ನಿಂದಾನೆ ನಟಿ ಸದ್ದು ಮಾಡ್ತಿರ್ತಾರೆ.
ತಮಗೆ ಏನು ಕಂಫರ್ಟ್ ಅನಿಸುತ್ತೋ ಅದನ್ನ ಧರಿಸೋ ಈ ಬೋಲ್ಡ್ ಬ್ಯೂಟಿಗೆ ಈ ಮೊದಲು ಇನ್’ಸ್ಟಾಗ್ರಾಂನಲ್ಲಿ (Instagram) ಸಿಕ್ಕಾಪಟ್ಟೆ ಕೆಟ್ಟ ಕಾಮೆಂಟ್ ಗಳು ಹಾಗೂ ಟೀಕೆಗಳು ಕೇಳಿ ಬಂದಿದ್ದವು. ಹಾಗಾಗಿ ನಟಿ ಸೋಶಿಯಲ್ ಮೀಡಿಯಾದಲ್ಲಿ ಕಾಮೆಂಟ್ ಸೆಕ್ಷನ್ ರಿಸ್ಟ್ರಿಕ್ಟ್ ಮಾಡಿದ್ರು.
ಇತ್ತೀಚೆಗೆ ಚೈತ್ರಾ ಆಚಾರ್ ಸೋಶಿಯಲ್ ಮೀಡಿಯಾದಲ್ಲಿ ಬ್ಲೌಸ್ ಧರಿಸದೇ ಸೀರೆ ಉಟ್ಟಿರುವಂತಹ ಫೋಟೊವನ್ನು ಧರಿಸಿದ್ದು, ಅದು ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಇನ್’ಸ್ಟಾಗ್ರಾಂನಲ್ಲಿ ಕಾಮೆಂಟ್ ಮಾಡಲಾಗದ ಕಿಡಿಗೇಡಿಯೊಬ್ಬ ಬೇರೆ ಸೋಶಿಯಲ್ ಮೀಡಿಯಾ ಪ್ಲಾಟ್ ಫಾರ್ಮ್ ಗೆ ತೆರಳಿ ಅಲ್ಲಿ ನಟಿಗೆ ಕೆಟ್ಟದಾಗಿ ಕಾಮೆಂಟ್ ಮಾಡಿದ್ದಾರೆ.
ಮೇಡಂ ನೀವು ಟಾರ್ನ್ ಇಂಡಷ್ಟ್ರಿಗೆ ಬಂದ್ಬಿಡಿ ಸುಮ್ನೆ ಯಾಕೆ ಎಂದು ಕೆಟ್ಟದಾಗಿ ಕಾಮೆಂಟ್ ಮಾಡಿದ್ದಾನೆ. ಇದಕ್ಕೆ ತಿರುಗೇಟಿ ನೀಡಿದ ಚೈತ್ರಾ ಆಚಾರ್ ಅದು torn ಅಲ್ಲ ಸರ್ *orn, ನೀವು ಸ್ಪೆಲ್ಲಿಂಗ್ ಚೆಕ್ ಮಾಡಿಲ್ಲ ಅನ್ಸತ್ತೆ ಎಂದಿದ್ದಾರೆ. ಅಷ್ಟೇ ಅಲ್ಲ ಬಂದ್ಬಿಡಿ ಅಂದಿದ್ದೀರಿ, ನೀವು ಅಲ್ಲೇ ಇದ್ದೀರಾ ಅಂತ ಕಾಮೆಂಟ್ ಗೆ ಉತ್ತರಿಸಿದ್ದಾರೆ ನಟಿ.
ಇನ್ನೊಂದು ಸಲ ಮೆಸೇಜ್ ಮಾಡೋವಾಗ ಸ್ಪೆಲ್ಲಿಂಗ್ ಎಲ್ಲಾ ನೋಡ್ಕೊಂಡು ಮೆಸೇಜ್ ಮಾಡಿ ಫ್ರೆಂಡ್ಸ್ ಎಂದು ಕೂಡ ಬರೆದಿದ್ದಾರೆ. ಆ ಮೂಲಕ ನೀವು ಎಷ್ಟೇ ಕೆಟ್ಟದಾಗಿ ಕಾಮೆಂಟ್ ಮಾಡಿದ್ರೂ ನಾನು ಕ್ಯಾರೆ ಎನ್ನಲ್ಲ, ನನಗೆ ಸರಿ ಅನಿಸಿದ್ದನ್ನು ನಾನು ಮಾಡ್ತೀನಿ, ನೀವು ಏನು ಬೇಕಾದ್ರು ಹೇಳಿ ಎಂದು ಕೆಟ್ಟದಾಗಿ ಕಾಮೆಂಟ್ ಮಾಡೋರಿಗೆ ಮುಖಕ್ಕೆ ಹೊಡೆದಂತೆ ಹೇಳಿದ್ದಾರೆ ಚೈತ್ರಾ ಆಚಾರ್.