Yash ಪುತ್ರನ ಹುಟ್ಟುಹಬ್ಬಕ್ಕೆ ಜೀವಂತ ಪ್ರಾಣಿ-ಪಕ್ಷಿಗಳೇ ಗೆಸ್ಟ್​: ರೋಚಕ ಬರ್ತ್​ಡೇ ಪಾರ್ಟಿಯ ವಿಡಿಯೋ ರಿಲೀಸ್​

ನಟ ಯಶ್ ಮತ್ತು ರಾಧಿಕಾ ಪಂಡಿತ್  ಪುತ್ರ ಯಥರ್ವ್, ತನ್ನ ಆರನೇ ಹುಟ್ಟುಹಬ್ಬವನ್ನು ವಿಭಿನ್ನವಾಗಿ ಆಚರಿಸಿಕೊಂಡಿದ್ದಾನೆ. ಬೆಂಗಳೂರಿನ ಹೊರವಲಯದಲ್ಲಿರುವ ಪ್ರಾಣಿ ಅಭಯಾರಣ್ಯದಲ್ಲಿ, ರಕ್ಷಿಸಲ್ಪಟ್ಟ ಪ್ರಾಣಿ-ಪಕ್ಷಿಗಳ ನಡುವೆ ಜಂಗಲ್ ಥೀಮ್‌ನಲ್ಲಿ ಈ ಸಂಭ್ರಮ ನಡೆದಿದೆ. ಇದರ ವಿಡಿಯೋ ರಿಲೀಸ್​ ಆಗಿದೆ. 

ಯಶ್​-ರಾಧಿಕಾ ಮಗನ ಹುಟ್ಟುಹಬ್ಬ

ಸ್ಯಾಂಡಲ್​ವುಡ್​ ನಟ ಯಶ್ (Yash) ಹಾಗೂ ನಟಿ ರಾಧಿಕಾ ಪಂಡಿತ್ (Radhika Pandit) ಮೊದಲ ಮಗ ಯಥರ್ವ್​ ಕಳೆದ 30ರಂದು ಆರನೆಯ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾನೆ. ಸೆಲೆಬ್ರಿಟಿಗಳ ಮಕ್ಕಳ ಹುಟ್ಟುಹಬ್ಬವೆಂದರೆ ಅದು ಭರ್ಜರಿಯಾಗಿಯೇ ನಡೆಯುತ್ತದೆ. ಅದ್ಧೂರಿಯಾಗಿರುವ ಕಾರ್ಯಕ್ರಮದ ಮೂಲಕ ಹುಟ್ಟುಹಬ್ಬ ಆಚರಿಸಲಾಗುತ್ತದೆ. ಇದರ ನಡುವೆಯೇ ಯಶ್​ ಮತ್ತು ರಾಧಿಕಾ ಸ್ವಲ್ಪ ಭಿನ್ನ ಆಗಿರುವಂಥ ಕಾರ್ಯಕ್ರಮ ಮಾಡಿದ್ದಾರೆ.

ಆಮೆ, ಹಾವು, ಓತಿಕ್ಯಾತ, ಕಪ್ಪೆ...

ಪ್ರಾಣಿ-ಪಕ್ಷಿಗಳ ನಡುವೆ ಯಥರ್ವ್​ (Yatharv Yash) ಹುಟ್ಟುಹಬ್ಬ ಆಚರಿಸಲಾಗಿದೆ. ಬೆಂಗಳೂರು ಹೊರವಲಯದ ಪ್ರಾಣಿ ದಿ ಪೆಟ್ ಸೆಂಚುರಿಯಲ್ಲಿರುವ ರಕ್ಷಿಸಲ್ಪಟ್ಟ ಮೃಗ-ಖಗಗಳ ನಡುವೆ ಸೆಲೆಬ್ರೇಷನ್​ ನಡೆದಿದೆ. ಆಮೆ, ಹಾವು, ಓತಿಕ್ಯಾತ, ಕಪ್ಪೆ, ಗಿಳಿ ಮುಂತಾದ ವನ್ಯ ಜೀವಿಗಳನ್ನು ಈ ಪಾರ್ಟಿಗೆ ಕರೆತರಲಾಗಿತ್ತು.

ತೊಂದರೆ ನೀಡಿಲ್ಲ

ಈ ಹುಟ್ಟುಹಬ್ಬದ ಸಂದರ್ಭದಲ್ಲಿ ಯಾವುದೇ ಪ್ರಾಣಿ-ಪಕ್ಷಿಗಳಿಗೆ ತೊಂದರೆ ನೀಡಲಾಗಿಲ್ಲ ಎನ್ನುವ ಸೂಚನೆಯ ನಡುವೆಯೇ, ಅರ್ಥಪೂರ್ಣವಾಗಿರುವ ಕುತೂಹಲದ ವಿಡಿಯೋ ಒಂದನ್ನು ರಾಧಿಕಾ ಪಂಡಿತ್​ ಶೇರ್​ ಮಾಡಿಕೊಂಡಿದ್ದಾರೆ.

ವಿಭಿನ್ನ ಪ್ರಪಂಚ

ಇಲ್ಲಿ ವಿಭಿನ್ನ ರೀತಿಯ ಪ್ರಪಂಚವನ್ನೇ ಸೃಷ್ಟಿ ಮಾಡಲಾಗಿತ್ತು. ಪ್ರಾಣಿಗಳ ಆಕೃತಿಯನ್ನೇ ಡೆಕೊರೇಷನ್‌ ಮಾಡಲಾಗಿತ್ತು. ಅಭಯಾರಣ್ಯ ಹೋಲುವ ರೀತಿಯಲ್ಲೇ ಇದರ ಥೀಮ್ ಕೂಡ ಇತ್ತು. ಇಲ್ಲಿರುವ ವಿವಿಧ ಬಗೆಯ ಪ್ರಾಣಿ-ಪಕ್ಷಿಗಳನ್ನು ಮಕ್ಕಳ ಹಿಡಿದು ಕುಣಿದಾಡಿದವರು.

ನಟಿ ಹೇಳಿದ್ದೇನು?

‘ನಮ್ಮ ಪ್ರಕೃತಿ ಪ್ರೇಮಿ ಯಥರ್ವ್‌ಗೆ ಅದ್ಭುತವಾದ ಆರನೇ ವರ್ಷದ ಹುಟ್ಟುಹಬ್ಬ ಆಚರಿಸಲಾಯಿತು. ಆ ದಿನವೂ ಪ್ರಕೃತಿ ಜೊತೆ ಮನುಷ್ಯನ ಸಹಾನುಭೂತಿ ಮತ್ತು ಸಹಬಾಳ್ವೆಯ ಸುಂದರ ಜ್ಞಾಪನೆಯಾಗಿತ್ತು. ರಕ್ಷಿಸಲ್ಪಟ್ಟ ಸುಂದರ ಪ್ರಾಣಿಗಳನ್ನು ಇಲ್ಲಿಗೆ ಕರೆತಂದಿದ್ದಕ್ಕಾಗಿ ಪ್ರಾಣಿ ದಿ ಪೆಟ್ ಸ್ಯಾಂಕ್ಚ್ಯುರಿಗೆ ವಿಶೇಷ ಧನ್ಯವಾದಗಳು ಎಂದು ರಾಧಿಕಾ ಪಂಡಿತ್​ ಬರೆದುಕೊಂಡಿದ್ದಾರೆ.

ಜಂಗಲ್‌ ಥೀಮ್‌ನಲ್ಲಿ ಬರ್ತ್‌ಡೇ ಪಾರ್ಟಿ

ಅಂದಹಾಗೆ ಯಶ್ - ರಾಧಿಕಾ ಪಂಡಿತ್‌ ದಂಪತಿಯ  ಮಗ ಯಥರ್ವ್ ಹುಟ್ಟಿದ್ದು ಅಕ್ಟೋಬರ್ 30, 2019 ರಂದು.   ಬೆಂಗಳೂರಿನ ಜೆ.ಡಬ್ಲ್ಯೂ.ಮ್ಯಾರಿಯೆಟ್‌ ಹೋಟೆಲ್‌ನಲ್ಲಿ ಬರ್ತ್‌ಡೇ ಪಾರ್ಟಿ ಜರುಗಿತ್ತು. ಜಂಗಲ್‌ ಥೀಮ್‌ನಲ್ಲಿ ಬರ್ತ್‌ಡೇ ಪಾರ್ಟಿ ನಡೆಯಿತು. ಬರ್ತ್‌ಡೇ ಪಾರ್ಟಿಗೆ ಕುಟುಂಬಸ್ಥರು, ಆಪ್ತರು ಹಾಜರಿದ್ದರು. 

ಯಶ್​ ಪುತ್ರನ ಕುತೂಹಲದ ಹುಟ್ಟುಹಬ್ಬದ ವಿಡಿಯೋ ನೋಡಲು ಇದರ ಮೇಲೆ ಕ್ಲಿಕ್​ ಮಾಡಿ