ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಸ್ನಾಯು ಸೆಳೆತ ಉಂಟಾಗುವ ಸಾಧ್ಯತೆ ಕೂಡ ಹೆಚ್ಚಾಗಿರುತ್ತೆ. ಇದಕ್ಕೆ ಅನೇಕ ಕಾರಣಗಳಿರಬಹುದು. ಕಾರಣಗಳನ್ನು ಅರ್ಥಮಾಡಿಕೊಂಡರೆ, ಸಮಸ್ಯೆಯನ್ನು ನಿಯಂತ್ರಿಸುವುದು ಸುಲಭ. ಆದ್ದರಿಂದ ಇದಕ್ಕೆ ಕೆಲವು ಸಾಮಾನ್ಯ ಕಾರಣಗಳನ್ನು ತಿಳಿದುಕೊಳ್ಳೋಣ.
ಸೆಕ್ಸ್ (sex) ಅನ್ನೋದು ಯಾವಾಗಲೂ ಎಲ್ಲರಿಗೂ ಸೂಪರ್ ಆಗಿರೋದಿಲ್ಲ. ಅನೇಕ ಮಹಿಳೆಯರು ಲೈಂಗಿಕ ಕ್ರಿಯೆ ಸಮಯದಲ್ಲಿ ಮತ್ತು ನಂತರ ಸ್ನಾಯು ಸೆಳೆತ ಮತ್ತು ಒತ್ತಡವನ್ನು ಅನುಭವಿಸುತ್ತಾರೆ, ಇದು ನೋವಿನಿಂದ ಕೂಡಿರುತ್ತದೆ. ಆದರೆ ಹೆಚ್ಚಿನ ಜನಕ್ಕೆ ಇದಕ್ಕೆ ಕಾರಣ ಏನು ಅನ್ನೋದೆ ಗೊತ್ತಿರೋದಿಲ್ಲ. ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಸ್ನಾಯು ಸೆಳೆತಕ್ಕೆ (muscle strain) ಅನೇಕ ಕಾರಣಗಳಿವೆ. ಕಾರಣಗಳನ್ನು ಅರ್ಥಮಾಡಿಕೊಂಡರೆ, ಸಮಸ್ಯೆಯನ್ನು ನಿಯಂತ್ರಿಸುವುದು ಸುಲಭ. ಇದಕ್ಕೆ ಕಾರಣಗಳೇನು ತಿಳಿಯೋಣ.
ಆರ್ಗಸಂ (Orgasm)
ಪರಾಕಾಷ್ಠೆ ತಲುಪಿದಾಗ, ವಜೈನಲ್ ವಾಲ್ ಮತ್ತು ಗರ್ಭಾಶಯದ ಸ್ನಾಯುಗಳು ಕೆಲವೊಮ್ಮೆ ಸಂಕುಚಿತಗೊಳ್ಳುತ್ತವೆ, ಇದರಿಂದಾಗಿ ಸೆಳೆತ ಮತ್ತು ಸ್ನಾಯುವಿನ ಒತ್ತಡ ಉಂಟಾಗುತ್ತೆ. ಸ್ವಲ್ಪ ಸಮಯದ ನಂತರ ಅದು ಮತ್ತೆ ಸಾಮಾನ್ಯವಾಗುತ್ತದೆ. ಆದರೆ, ಕೆಲವು ಜನರಲ್ಲಿ ಇದು ಬೇಗ ಗುಣವಾದರೆ, ಇನ್ನೂ ಕೆಲವರು ಸಾಮಾನ್ಯವಾಗಲು ಸಮಯ ತೆಗೆದುಕೊಳ್ಳುತ್ತಾರೆ. ಅದೇ ಸಮಯದಲ್ಲಿ, ಪರಾಕಾಷ್ಠೆಯೊಂದಿಗೆ ಗರ್ಭಾಶಯದಲ್ಲಿನ ಸೆಳೆತಗಳು ಸಾಮಾನ್ಯ ಪ್ರತಿಕ್ರಿಯೆಗಳಾಗಿವೆ.
ಐಯುಡಿ
ಆರ್ಗಸಂ ಜೊತೆ ಗರ್ಭಾಶಯದಲ್ಲಿ ಸೆಳೆತಗಳು ಸಾಮಾನ್ಯ, ತಜ್ಞರ ಪ್ರಕಾರ ಐಯುಡಿ(IUD) ಗರ್ಭಾಶಯದ ಕುಳಿಯಲ್ಲಿ ಜಾಗವನ್ನು ತೆಗೆದುಕೊಳ್ಳುತ್ತದೆ, ಇದರಿಂದಾಗಿ ಲೈಂಗಿಕತೆ ಸಮಯದಲ್ಲಿ ಸೆಳೆತ ಹೆಚ್ಚು ತೀವ್ರವಾಗುತ್ತದೆ. ಅಂತಹ ಸೆಳೆತಗಳು ತಾತ್ಕಾಲಿಕ, ಆದರೆ ಇದು ಪದೇ ಪದೇ ಸಂಭವಿಸುತ್ತಿದ್ದರೆ, ವೈದ್ಯಕೀಯ ಸಲಹೆ ಪಡೆಯಬೇಕು.
ತಪ್ಪಾದ ಪೊಸಿಷನ್
ಅನೇಕ ಬಾರಿ ಜನರು ಲೈಂಗಿಕತೆಯ ಸಮಯದಲ್ಲಿ ವಿಚಿತ್ರ ಭಂಗಿಗಳನ್ನು (bad position) ಪ್ರಯತ್ನಿಸುತ್ತಾರೆ ಮತ್ತು ದೀರ್ಘಕಾಲದವರೆಗೆ ಆ ಭಂಗಿಗಳಲ್ಲಿ ಉಳಿಯುವುದರಿಂದ, ಸ್ನಾಯುಗಳ ಮೇಲೆ ಪ್ರೆಶರ್ ಬೀಳುತ್ತದೆ. ಈ ಕಾರಣದಿಂದ ಸೆಳೆತ ಮತ್ತು ಹಿಗ್ಗುವಿಕೆಯ ಅನುಭವ ಉಂಟಾಗುತ್ತೆ. ಇದಲ್ಲದೆ, ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಬಿಗಿಯಾದ ಸ್ನಾಯುಗಳು ಮತ್ತು ನಿರ್ಜಲೀಕರಣ ಸಹ ಸ್ನಾಯುಗಳ ಒತ್ತಡಕ್ಕೆ ಕಾರಣವಾಗುತ್ತದೆ. ಅಂತಹ ಸಮಸ್ಯೆ ಕೆಲವೇ ಗಂಟೆಗಳಲ್ಲಿ ಸರಿಯಾದರೂ, ಇದು ಕೆಲವು ಜನರನ್ನು ಹೆಚ್ಚು ಕಾಡಬಹುದು. ಆದ್ದರಿಂದ, ಎಚ್ಚರಿಕೆ ವಹಿಸಬೇಕು.
ವೆಜಿನಿಸಂ
ವೆಜಿನಿಸಂ ಎಂದರೆ ಮಹಿಳೆಯರ ಯೋನಿಯ ಸ್ನಾಯುಗಳು (vagina muscle) ಸಂಪೂರ್ಣವಾಗಿ ವಿಸ್ತರಿಸಲು ಸಾಧ್ಯವಾಗದ ಸ್ಥಿತಿ. ಈ ಪರಿಸ್ಥಿತಿಯಲ್ಲಿ, ಸಂಭೋಗ ತುಂಬಾ ಕಷ್ಟಕರ ಮತ್ತು ನೋವಿನಿಂದ ಕೂಡಿರುತ್ತದೆ. ಅದೇ ಸಮಯದಲ್ಲಿ, ಈ ಸ್ಥಿತಿಯಿಂದ ಬಳಲುತ್ತಿರುವ ಮಹಿಳೆಯರು ಲೈಂಗಿಕತೆಯ ನಂತರ ಸಾಕಷ್ಟು ಸ್ನಾಯು ಒತ್ತಡ ಅನುಭವಿಸುತ್ತಾರೆ. ಅವರು ಆಂತರಿಕ ಸೆಳೆತ ಮತ್ತು ದೇಹದ ಸ್ನಾಯುಗಳಲ್ಲಿ ಸೆಳೆತವನ್ನು ಅನುಭವಿಸಬಹುದು. ನೀವು ಯೋನಿಸಂನಿಂದ ತೊಂದರೆಗೀಡಾಗಿದ್ದರೆ, ಈ ಬಗ್ಗೆ ವೈದ್ಯರನ್ನು ಸಂಪರ್ಕಿಸುವುದು ಮುಖ್ಯ.
ರಫ್ ಸೆಕ್ಸ್
ವ್ಯಾಯಾಮದಂತೆಯೇ, ನೀವು ದೀರ್ಘಕಾಲದವರೆಗೆ ರಫ್ ಸೆಕ್ಸ್ (Rought sex) ನಡೆಸಿದರೆ, ಸ್ನಾಯು ಸೆಳೆತ ಇರುವುದು ಸಾಮಾನ್ಯ. ಇದ್ದಕ್ಕಿದ್ದಂತೆ, ಸ್ನಾಯುಗಳ ಮೇಲೆ ಹೆಚ್ಚಿನ ಒತ್ತಡ ಸೆಳೆತಕ್ಕೆ ಕಾರಣವಾಗಬಹುದು. ಅದೇ ಸಮಯದಲ್ಲಿ, ಲೈಂಗಿಕತೆಯ ಸಮಯದಲ್ಲಿ ಆಳವಾದ ಪೆನೆಟ್ರೇಶನ್ ಗರ್ಭಾಶಯ ಮತ್ತು ಅಂಡಾಶಯಗಳ ಮೇಲೆ ಹೊರೆಯನ್ನು ಹಾಕುತ್ತದೆ, ಹಾಗೆಯೇ ಲೈಂಗಿಕತೆಯ ಸಮಯದಲ್ಲಿ ಗರ್ಭಕಂಠಕ್ಕೆ ತಾಗಿದರೆ, ಹೊಟ್ಟೆಯಲ್ಲಿ ಸೆಳೆತ ಉಂಟಾಗಬಹುದು.