ಯುವಕ/ತಿಯರ ಗಮನಕ್ಕೆ... ನೀವು ವಿಷಕಾರಿ ಸಂಬಂಧದಲ್ಲಿದ್ದೀರಿ ಎಂಬುದಕ್ಕೆ ಇಲ್ಲಿವೆ ಸೂಚನೆಗಳು

Relationship Red Flags: ನೀವು ವಿಷಕಾರಿ ಸಂಬಂಧದಲ್ಲಿದ್ದೀರಿ ಎಂಬುದನ್ನು ಸೂಚಿಸುವ ಲಕ್ಷಣಗಳು ಮತ್ತು ಅದರಿಂದ ನಿಮ್ಮನ್ನು ದೂರವಿರಿಸಿಕೊಳ್ಳಲು ತೆಗೆದುಕೊಳ್ಳಬೇಕಾದ ಕ್ರಮಗಳ ಬಗ್ಗೆ ಈ ಲೇಖನದಲ್ಲಿ ನೋಡೋಣ.

ವಿಷಕಾರಿ ಸಂಬಂಧಗಳು ಒಬ್ಬರ ಯೋಗಕ್ಷೇಮದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಇಂತಹ ಸಂಬಂಧದಲ್ಲಿಒಮ್ಮೆ ಸಿಲುಕಿದ್ರೆ ಹೊರ ಬರೋದು ತುಂಬಾನೇ ಕಷ್ಟವಾಗುತ್ತದೆ.

ವಿಷಕಾರಿ ಸಂಬಂಧಗಳನ್ನು ಗುರುತಿಸುವುದು ಮತ್ತು ಅದರಿಂದ ಹೊರಬರುವುದು ವೈಯಕ್ತಿಕ ಬೆಳವಣಿಗೆಗೆ ಮುಖ್ಯವಾಗುತ್ತದೆ. ಅಂತಹ ವಿಷಕಾರಿ ಸಂಬಂಧದ ಲಕ್ಷಣಗಳು ಇಲ್ಲಿವೆ ನೋಡಿ

ನಿಮ್ಮ ಸಂಗಾತಿ ನಿಮಗೆ ಗೌರವ ನೀಡದಿದ್ದರೆ, ನೀವು ವಿಷಕಾರಿ ಸಂಬಂಧದಲ್ಲಿದ್ದೀರಿ ಎಂದು ಅರ್ಥ. ಎಲ್ಲರ ಮುಂದೆ ನಿಮ್ಮನ್ನು ಅವಮಾನಿಸೋದು ಕೆಟ್ಟ ಲಕ್ಷಣವಾಗುತ್ತದೆ.

ನಂಬಿಕೆಯಿಲ್ಲದ ಕಾರಣ ನಿಮ್ಮ ಸಂಗಾತಿ ನಿಮ್ಮನ್ನು ಯಾವಾಗಲೂ ಬೇಹುಗಾರಿಕೆ ಮಾಡುತ್ತಿದ್ದರೆ, ಇದು ಸ್ಪಷ್ಟ ಸಂಕೇತ. ಕೆಲವರು ತಮ್ಮ ಸಂಗಾತಿ ಮೇಲೆ ಪದೇ ಪದೇ ಅನುಮಾನಪಡುತ್ತಿರುತ್ತಾರೆ.

ನಿಮ್ಮ ಸಂಗಾತಿ ಹಿಂಸೆಯನ್ನು ನಿರ್ವಹಿಸಿದರೆ, ಅದು ವಿಷಕಾರಿ ಸಂಬಂಧದ ಸಂಕೇತವಾಗಿದೆ. ಕೆಲವರು ಉದ್ದೇಶಪೂರ್ವಕವಾಗಿ ನಿಮಗೆ ನೋವುಂಟು ಮಾಡುತ್ತಿರುತ್ತಾರೆ.

ನಿಮ್ಮ ಸಂಗಾತಿ ನಿಮ್ಮನ್ನು ನಿಯಂತ್ರಿಸಲು ಪ್ರಯತ್ನಿಸಿದರೆ, ನೀವು ವಿಷಕಾರಿ ಸಂಬಂಧದಲ್ಲಿದ್ದೀರಿ. ಅಂದ್ರೆ ನಿಮ್ಮ ಚಲವಲನವನ್ನು ಮೇಲೆ ನಿಗಾ ಇರಿಸಲು ಪ್ರಯತ್ನಿಸುತ್ತಾರೆ.

ಒಬ್ಬರು ಪ್ರಯತ್ನಿಸಿದರೂ ಇನ್ನೊಬ್ಬರು ಮಾಡದಿದ್ದರೆ, ಆ ಸಂಬಂಧವು ವಿಷಕಾರಿಯಾಗಬಹುದು. ಸ್ವಾಭಿಮಾನದ ಹೆಸರಿನಲ್ಲಿ ನಿಮ್ಮ ಮಾತುಗಳನ್ನು ನಿರ್ಲಕ್ಷ್ಯ ಮಾಡುತ್ತಾರೆ.