ಮದುವೆಯ ನಂತರದ ಮೊದಲ ರಾತ್ರಿ ಯಾವುದೇ ಹುಡುಗಿಗೆ ವಿಚಿತ್ರ ಭಾವನೆಯನ್ನು ತರಬಹುದು. ಅಂತಹ ಸಮಯದಲ್ಲಿ ಕೆಲವು ವಿಷಯಗಳ ಕಡೆಗೆ ಗಮನ ಹರಿಸೋದರಿಂದ ನವ ವಧುವಿನ ಆತಂಕವನ್ನು ಸ್ವಲ್ಪ ಕಡಿಮೆ ಮಾಡಬಹುದು.
ಹುಡುಗಿಯರು ಮದುವೆ ಬಗ್ಗೆ ಏನೇನೋ ಕನಸುಗಳನ್ನು ಹೊಂದಿರುತ್ತಾರೆ. ಮದುವೆ ನಂತರ ವಧು ತನ್ನ ಅತ್ತೆ-ಮಾವನ ಮನೆಗೆ ಬಂದಾಗ, ವಿಚಿತ್ರ ಆತಂಕವೂ ಅವಳೊಂದಿಗೆ ಬರುತ್ತೆ. ಹೊಸ ಮನೆಯಲ್ಲಿ ಹೊಸ ಮುಖಗಳ ನಡುವೆ ಹೊಂದಿಕೊಳ್ಳಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ. ಮೊದಲ ರಾತ್ರಿ ಬಗ್ಗೆ ಹೇಳೋದಾದ್ರೆ, ವಧು ತನ್ನ ಫಸ್ಟ್ ನೈಟ್ (first night) ಬಗ್ಗೆ ಹಿಂಜರಿಯುವುದು ಸಹಜ.
ಯುಕೆ ಕಂಪನಿಯೊಂದು ನಡೆಸಿದ ಸಮೀಕ್ಷೆಯಲ್ಲಿ, 52% ದಂಪತಿಗಳು ಮೊದಲ ರಾತ್ರಿ ಇಂಟಿಮೇಟ್ (intimate) ಆಗಲು ಹಿಂಜರಿಯುತ್ತಾರೆ ಎಂದು ಕಂಡುಹಿಡಿದಿದೆ. ಬ್ಲೂಬೆಲ್ಲಾ ಎಂಬ ಒಳ ಉಡುಪು ಕಂಪನಿ ನಡೆಸಿದ ಮತ್ತೊಂದು ಸಮೀಕ್ಷೆಯಲ್ಲಿ ಇದೇ ರೀತಿಯ ಫಲಿತಾಂಶಗಳು ಕಂಡುಬಂದಿವೆ.
ದೈಹಿಕ ಅನ್ಯೋನ್ಯತೆಗೆ (physical intimacy) ಮೊದಲು ತನ್ನನ್ನು ಶಾಂತವಾಗಿರಿಸಿಕೊಳ್ಳುವ ಅಗತ್ಯವಿರುತ್ತದೆ ಮತ್ತು ಒಬ್ಬರು ಈಗಾಗಲೇ ಆತಂಕಕ್ಕೊಳಗಾಗಿದ್ದರೆ, ಖಾಸಗಿ ಕ್ಷಣಗಳನ್ನು ಎಂಜಾಯ್ ಮಾಡಲು ಸಾಧ್ಯವಾಗೋದಿಲ್ಲ. ಮೊದಲ ರಾತ್ರಿಗೆ ಸಂಬಂಧಿಸಿದ ಈ ಸಲಹೆಗಳನ್ನು ನವ ವಧು ತಿಳಿದುಕೊಂಡರೆ, ಆತಂಕ ದೂರವಾಗುತ್ತೆ.
ಕೇವಲ ಸೆಕ್ಸ್ ಬಗ್ಗೆ ಯೋಚಿಸಬೇಡಿ (do not think only about sex)
ಹೆಚ್ಚಿನ ಜನರು ಮೊದಲ ರಾತ್ರಿಯಲ್ಲಿ ಸೆಕ್ಸ್ ಮಾಡೋದಿಲ್ಲ. ದೈಹಿಕ ಅನ್ಯೋನ್ಯತೆಯ ಆಲೋಚನೆ ಕೆಲವೊಮ್ಮೆ ಆತಂಕ ಸೃಷ್ಟಿಸುತ್ತದೆ. ಸಂಗಾತಿಯನ್ನು ಚೆನ್ನಾಗಿ ತಿಳಿದುಕೊಳ್ಳುವುದು ಮುಖ್ಯ ನಂತರವೇ ಫಿಸಿಕಲ್ ಇಂಟಿಮೆಸಿ ಬಗ್ಗೆ ಯೋಚಿಸಿ. ಮದುವೆಯ ಸಮಯದಲ್ಲಿ ಅನೇಕ ರೀತಿಯ ಆಚರಣೆಗಳಿರುತ್ತೆ, ಇದರಿಂದ ಹೆಚ್ಚು ಆಯಾಸ ಕೂಡ ಆಗುತ್ತೆ. ಈ ಸಮಯದಲ್ಲಿ ವಿಶ್ರಾಂತಿಯ ಅಗತ್ಯವಿರುತ್ತೆ, ಹಾಗಾಗಿ ಸಂಗಾತಿ ಜೊತೆ ಮಾತನಾಡಿ ವಿಶ್ರಾಂತಿ ಪಡೆಯಿರಿ.
ಭಯ ಪಡಬೇಡಿ (Do not afraid)
ಮದುವೆಯ ರಾತ್ರಿ ತುಂಬಾ ವಿಚಿತ್ರವಾದ ಅನುಭವ ಸಹ ನೀಡುತ್ತದೆ. ವಿಭಿನ್ನ ಹಿನ್ನೆಲೆಯಿಂದ ಬಂದ ಇಬ್ಬರು ಒಟ್ಟಿಗೆ ವಾಸಿಸಲು ಆರಂಭಿಸುವಾಗ ,ಏನಾದರೂ ತಪ್ಪಾಗೋದು ಸಾಮಾನ್ಯ. ವಾಸ್ತವವಾಗಿ, ಇದು ತಪ್ಪಲ್ಲ, ಇದು ಕೇವಲ ಮನಸ್ಸಿನ ವಿಷಯ. ಲವ್ ಮ್ಯಾರೇಜ್ ಆದ್ರೂ ಈ ಸಮಸ್ಯೆ ತಪ್ಪಿದ್ದಲ್ಲ, ಹಾಗಾಗಿ ಈ ಸಮಯದಲ್ಲಿ ಭಯಪಡದೆ ಒಬ್ಬರಿಗೊಬ್ಬರು ಸ್ಪೇಸ್ ನೀಡೋದು ಮುಖ್ಯ.
ಸೆಕ್ಸ್ ನೋವನ್ನು ಉಂಟುಮಾಡಬಹುದು (Pain during sex)
ಬಹುಶಃ ಎಲ್ಲರಿಗೂ ಇದರ ಬಗ್ಗೆ ತಿಳಿದಿದೆ, ಆದರೆ ಮದುವೆಯ ನಂತರ, ಹುಡುಗಿಯರ ಮನಸ್ಸಿನಲ್ಲಿ ಅದರ ಬಗ್ಗೆ ಅನೇಕ ಪ್ರಶ್ನೆಗಳು ಮೂಡುತ್ತವೆ. ಮೊದಲ ಬಾರಿ ಸೆಕ್ಸ್ ಮಾಡುವಾಗ ನೋವಾಗೋದು ಸಾಮಾನ್ಯ. ನಿಮಗೆ ಯಾವ ರೀತಿ ಕಂಫರ್ಟೇಬಲ್ ಆಗುತ್ತೆ ಅನ್ನೋದರ ಬಗ್ಗೆ ಮುಚ್ಚು ಮರೆ ಇಲ್ಲದೆ ಸಂಗಾತಿ ಜೊತೆ ಮಾತನಾಡಿ.
ನಿಮ್ಮ ನಿರೀಕ್ಷೆಗಳನ್ನು ಬಹಿರಂಗವಾಗಿ ಹೇಳಿ (talk about your desires)
ನೀವು ಹೊಸ ಜೀವನವನ್ನು ಪ್ರಾರಂಭಿಸುವ ಮೊದಲು ನಿಮ್ಮ ನಿರೀಕ್ಷೆಗಳನ್ನು ನೇರವಾಗಿ ಸಂಗಾತಿ ಜೊತೆ ಹಂಚಿಕೊಳ್ಳೋದು ಬಹಳ ಮುಖ್ಯ. ಮೊದಲ ರಾತ್ರಿ ನೀವು ನಾಚಿಕೆಪಡುವುದು ಅವಶ್ಯಕ ಎಂದೇನಿಲ್ಲ. ನೀವು ಏನನ್ನಾದರೂ ಇಷ್ಟಪಡದಿದ್ದರೆ, ಅದನ್ನು ಪತಿಯೊಂದಿಗೆ ಮಾತ್ರವಲ್ಲದೆ ಕುಟುಂಬದ ಉಳಿದ ಸದಸ್ಯರೊಂದಿಗೆ ಸಹ ಮಾತನಾಡಬಹುದು.
ಗರ್ಭನಿರೋಧಕಗಳ ಬಗ್ಗೆ ಮಾಹಿತಿಯನ್ನು ಪಡೆಯಿರಿ (Know about contraceptive)
ನೀವು ಸೆಕ್ಸ್ ನ ಆರಂಭಿಕ ಹಂತಗಳಿಂದ ಒತ್ತಡ ಮುಕ್ತವಾಗಿಡಲು ಬಯಸಿದರೆ, ಮೊದಲ ರಾತ್ರಿಯ ಮೊದಲು ಗರ್ಭನಿರೋಧಕದ ಬಗ್ಗೆ ಮಾಹಿತಿಯನ್ನು ಪಡೆಯಬೇಕು. ಇದಕ್ಕಾಗಿ ಆರೋಗ್ಯ ಆರೈಕೆ ತಜ್ಞರು ಅಥವಾ ಸ್ತ್ರೀರೋಗ ತಜ್ಞರೊಂದಿಗೆ ಮಾತನಾಡಬಹುದು. ಸಂಗಾತಿಯೊಂದಿಗೆ ಈ ಬಗ್ಗೆ ಮಾತನಾಡಬಹುದು.
ಗರ್ಭನಿರೋಧಕವು ತುಂಬಾ ವೈಯಕ್ತಿಕ ನಿರ್ಧಾರವಾಗಿದೆ. ಆದ್ದರಿಂದ ವೈದ್ಯಕೀಯ ಸಲಹೆಯ ಹೊರತಾಗಿ, ನಿಮ್ಮ ಸಂಗಾತಿಯೊಂದಿಗೆ ಮಾತನಾಡಿ ಫ್ಯಾಮಿಲಿ ಪ್ಲ್ಯಾನಿಂಗ್ (family planning) ಬಗ್ಗೆ ಯೋಜಿಸುವುದು ಒಳ್ಳೆಯದು. ಇನ್ಯಾರೋ ಗುಡ್ ನ್ಯೂಸ್ ಯಾವಾಗ? ಎಂದು ಕೇಳುತ್ತಾರೆ ಎಂದು ನೀವು ತಲೆ ಕೆಡಿಸಿಕೊಳ್ಳೋದು ಸಹ ತಪ್ಪು.