ಸೆಕ್ಸ್ ನಂತರ ಮೂತ್ರ ವಿಸರ್ಜನೆ: ಸತ್ಯ, ಮಿಥ್ಯಗಳೇನು?

ಅನೇಕ ದಂಪತಿ ತಾವು ಪೋಷಕರಾಗಬೇಕೆಂದು ಕಾಯುತ್ತಿರುತ್ತಾರೆ, ಈ ಸಂದರ್ಭದಲ್ಲಿ ಅವರು ಅನೇಕ ರೀತಿಯ ಸಲಹೆಗಳನ್ನು ಪಡೆಯುತ್ತಾರೆ, ಅಲ್ಲದೇ ಕೆಲವೊಂದು‌ ನಂಬಿಕೆಗಳನ್ನು ನಿಜವೆಂದು ನಂಬುತ್ತಾರೆ. ಅವುಗಳಲ್ಲಿ ಒಂದು ಸೆಕ್ಸ್ ಬಳಿಕ ಮೂತ್ರ ವಿಸರ್ಜನೆ ಮಾಡಿದ್ರೆ ಮಗು ಆಗಲ್ಲ‌‌ ಅನ್ನೋದು. 

ಗರ್ಭಿಣಿಯಾಗುವುದಕ್ಕೆ ಸಂಬಂಧಿಸಿದ ಅನೇಕ ನಿಯಮಗಳು ಮತ್ತು ಮಿಥ್ಯಗಳಿವೆ. ಕೆಲವರು ಅವುಗಳನ್ನು‌ ನಿಜವೆಂದು ನಂಬುತ್ತಾರೆ. ಲೈಂಗಿಕ ಕ್ರಿಯೆ ನಂತರ ಮೂತ್ರ ವಿಸರ್ಜಿಸೋದ್ರಿಂದ ವೀರ್ಯಾಣು (sperm) ಹೊರಬರುತ್ತದೆ ಎಂಬ ಸಾಮಾನ್ಯ ನಂಬಿಕೆ ಇದೆ. ಇದರಿಂದಾಗಿ ಗರ್ಭಧಾರಣೆಯ ಸಾಧ್ಯತೆಗಳು ಕಡಿಮೆಯಾಗುತ್ತೆ ಎನ್ನಲಾಗುವುದು. ಆದರೆ ಇದು ಎಷ್ಟು ನಿಜ ಎಂದು ತಿಳಿದುಕೊಳ್ಳೋಣ.

ಪೋಷಕರಾಗುವ ಪ್ರಕ್ರಿಯೆಯಲ್ಲಿರುವ ದಂಪತಿಗಳು ಗರ್ಭಧಾರಣೆಯ ಬಗ್ಗೆ ಅನೇಕ ನಿಯಮಗಳನ್ನು ಅನುಸರಿಸುತ್ತಾರೆ. ಇದರಲ್ಲಿ ಅನೇಕ ಮಿಥ್ಯಗಳಿವೆ. ಉದಾಹರಣೆಗೆ, ಮಹಿಳೆಯರು ಲೈಂಗಿಕ ಕ್ರಿಯೆಯ (sex life) ನಂತರ ಮೂತ್ರ ವಿಸರ್ಜಿಸಲು ಹೋಗುವುದಿಲ್ಲ. ಏಕೆಂದರೆ ಮೂತ್ರ ಮಾಡಿದರೆ ಸ್ಪರ್ಮ್ ಹೊರಹೋಗುತ್ತದೆ ಎಂದು ನಂಬಿದ್ದಾರೆ. ಇದು ಗರ್ಭಿಣಿಯಾಗುವ ಸಾಧ್ಯತೆಗಳನ್ನು ಕಡಿಮೆ ಮಾಡುತ್ತದೆ ಎನ್ನಲಾಗುತ್ತೆ. ಆದರೆ ತಜ್ಞರೊಬ್ಬರು ಇದನ್ನು ತಳ್ಳಿಹಾಕಿದ್ದಾರೆ.

ಪ್ರಸೂತಿ ಮತ್ತು ಸ್ತ್ರೀರೋಗ ಶಾಸ್ತ್ರಜ್ಞರು ಈ ಬಗ್ಗೆ ಮಾಹಿತಿ ನೀಡಿದ್ದು, ಲೈಂಗಿಕ ಕ್ರಿಯೆಯ ನಂತರ ಮೂತ್ರ ವಿಸರ್ಜನೆ (urinate) ಅಥವಾ ಯೋನಿ ಪ್ರದೇಶವನ್ನು ಸ್ವಚ್ಛಗೊಳಿಸುವುದರಿಂದ ಗರ್ಭಧಾರಣೆಯ ಸಾಧ್ಯತೆಗಳು ಕಡಿಮೆಯಾಗುವುದಿಲ್ಲ. ಮಹಿಳೆಯ ದೇಹವು ತಯಾರಿಸಿದ ಫೆರೊಮೋನ್‌ಗಳು ವೀರ್ಯಾಣು ಕೋಶಗಳನ್ನು ಆಕರ್ಷಿಸುತ್ತವೆ, ಅವು ಒಮ್ಮೆ ಸಂಗ್ರಹವಾದ ನಂತರ ಮುಕ್ತವಾಗಿ ಚಲಿಸುತ್ತವೆ. ಲೈಂಗಿಕ ಕ್ರಿಯೆ ನಂತರ ದೇಹದಿಂದ ಬಿಡುಗಡೆಯಾಗುವ ಬಿಳಿ ದ್ರವವು ವೀರ್ಯವನ್ನು ಸಾಗಿಸುವ ವಾಹನವಾಗಿದೆ.

ಲೈಂಗಿಕ ಕ್ರಿಯೆಯ ನಂತರ ಮೂತ್ರ ವಿಸರ್ಜನೆ ಮಾಡುವುದರಿಂದ ಆರೋಗ್ಯ ಪ್ರಯೋಜನಗಳಿವೆ ಎಂದು ತಜ್ಞರು ವಿವರಿಸುತ್ತಾರೆ. ಮೂತ್ರವಿಸರ್ಜನೆ ಮೂತ್ರನಾಳದಿಂದ ಯಾವುದೇ ಬ್ಯಾಕ್ಟೀರಿಯಾವನ್ನು ಹೊರಹಾಕಲು ಸಹಾಯ ಮಾಡುತ್ತದೆ. ಇದು ಯುಟಿಐಗಳನ್ನು ಅಭಿವೃದ್ಧಿಪಡಿಸುವ ಅಪಾಯವನ್ನು ಕಡಿಮೆ ಮಾಡುತ್ತದೆ.

ಮೂತ್ರನಾಳದ ಮೂಲಕ ದೇಹದಿಂದ ಮೂತ್ರ ಹೊರಬರುತ್ತದೆ ಎಂದು ವೈದ್ಯರು ವಿವರಿಸಿದರು. ಆದರೆ ಯೋನಿ ಲೈಂಗಿಕ ಕ್ರಿಯೆಯ ಸಮಯದಲ್ಲಿ ವೀರ್ಯವು ಸ್ಖಲನಗೊಳ್ಳುವ ಸ್ಥಳ. ಲೈಂಗಿಕ ಕ್ರಿಯೆಯ ನಂತರ ಮೂತ್ರ ವಿಸರ್ಜಿಸಲು ನೀವು ಎದ್ದು ನಿಂತಾಗ, ಸ್ವಲ್ಪ ವೀರ್ಯ ದ್ರವವು ಸೋರಿಕೆಯಾಗಬಹುದು. ಇದು ಸಾಮಾನ್ಯ. ಯೋನಿಯಿಂದ ಸ್ವಲ್ಪ ವೀರ್ಯ ಹೊರಗೆ ಹೋದರೂ, ಅಂಡಾಣುವನ್ನು ಫಲವತ್ತಾಗಿಸಲು ಇನ್ನೂ ಸಾಕಷ್ಟು ವೀರ್ಯಾಣು ಉಳಿದಿರುತ್ತೆ

ಇದರರ್ಥ ಲೈಂಗಿಕ ಕ್ರಿಯೆಯ ನಂತರ ಮೂತ್ರವಿಸರ್ಜನೆ ಮಾಡುವುದಕ್ಕೂ ಗರ್ಭಧಾರಣೆ (pregnancy) ಆಗದೇ ಇರೋದಕ್ಕೂ ಯಾವುದೇ ಸಂಬಂಧವಿಲ್ಲ. ಬದಲಾಗಿ, ಯುಟಿಐಗಳಂತಹ ರೋಗಗಳನ್ನು ನೀವು ನಿಮ್ಮಿಂದ ದೂರವಿಡುತ್ತೀರಿ. ನೀವು ಸಹ ಗರ್ಭಿಣಿಯಾಗುವ ಹಾದಿಯಲ್ಲಿದ್ದರೆ, ಈ ಗೊಂದಲವನ್ನು ತೆಗೆದುಹಾಕಿ ಮತ್ತು ಸೆಕ್ಸ್ ನಂತರ ನಿಮ್ಮನ್ನು ಸ್ವಚ್ಛಗೊಳಿಸಲು ಸ್ನಾನಗೃಹಕ್ಕೆ ಹೋಗಿ. ಇದರಿಂದ ನೀವು ಅನೇಕ ರೀತಿಯ ಕಾಯಿಲೆಗಳನ್ನು ತಪ್ಪಿಸಬಹುದು.