ಪ್ರೀತಿ ಯಾರ ಮೇಲೆ ಬೇಕಾದರೂ ಯಾವಾಗ ಬೇಕಾದರೂ ಆಗುತ್ತೆ ಅನ್ನೋದು ಗೊತ್ತು. ಆದರೆ ಈ ಪ್ರೀತಿಯಲ್ಲಿ ಬಿದ್ದ ಮೇಲೆ, ಅವರ ಜೊತೆಗೆ ಡೇಟಿಂಗ್ ಮಾಡಿ, ಮದುವೆಗೆ ಇನ್ನೇನೂ ತಯಾರಿ ನಡೆಸಬೇಕು ಎಂದು ಅಂದುಕೊಳ್ಳುವಾಗಲೇ ಅವರಿಗೆ ಮದ್ವೆ ಆಗಿದೆ ಅನ್ನೋದು ತಿಳಿದ್ರೆ ನಿಮಗೆ ಹೃದಯ ಚೂರಾಗೋದು ಖಚಿತ ಅಲ್ವಾ? ಹಾಗಿದ್ರೆ ಬನ್ನಿ ನೀವು ಡೇಟ್ ಮಾಡುತ್ತಿರುವ ವ್ಯಕ್ತಿಗೆ ಈಗಾಗಲೇ ಮದ್ವೆ ಆಗಿದೆ ಅನ್ನೋದು.
ಯಾವಾಗ್ಲೂ ಬ್ಯುಸಿಯಾಗಿರ್ತಾರೆ
ನೀವು ಡೇಟಿಂಗ್ ಮಾಡುತ್ತಿರುವ ಹುಡುಗ ಯಾವಾಗಲೂ ಬ್ಯುಸಿಯಾಗಿರುತ್ತಿದ್ರೆ (busy everytime) ಮತ್ತು ವಾರದ ಕೆಲವು ಸಮಯಗಳಲ್ಲಿ ಮಾತ್ರ ನಿಮ್ಮನ್ನು ನೋಡಲು ಬರುತ್ತಿದ್ದಾರೆ, ಅಂದ್ರೆ ಅವರಿಗೆ ಮದ್ವೆಯಾಗಿದೆ ಅಂತಾನೇ ಅರ್ಥ.
ಯಾವತ್ತೂ ಅವರು ನಿಮ್ಮನ್ನ ಅವ್ರ ಮನೆಗೆ ಕರೆಯೋದೆ ಇಲ್ಲ
ನೀವು ಪ್ರೀತಿಸ್ತಿರೋ ಹುಡುಗ ಎಂದಿಗೂ ನಿಮ್ಮನ್ನು ತನ್ನ ಮನೆಗೆ ಆಹ್ವಾನಿಸುವುದಿಲ್ಲ ಅಥವಾ ಅವನ ಸ್ನೇಹಿತರು ಅಥವಾ ಕುಟುಂಬವನ್ನು ನೀವು ಭೇಟಿಯಾಗಬಹುದಾದ ಸಾರ್ವಜನಿಕ ಸ್ಥಳಗಳಿಗೆ (public places) ಸಹ ಕರೆದೊಯ್ಯುವುದಿಲ್ಲ ಅಂದ್ರೆ ನೀವು ಅರ್ಥ ಮಾಡಿಕೊಳ್ಳಬೇಕು.
ಮಾತನಾಡಲು ಟೈಮ್ ಫಿಕ್ಸ್ ಮಾಡ್ತಾರೆ
ಅವನು ನಿಮ್ಮೊಂದಿಗೆ ಫೋನ್, ಟೆಕ್ಸ್ಟ್ ಅಥವಾ ಇಮೇಲ್ ಮೂಲಕ ಮಾತ್ರ ಮಾತುಕತೆ ನಡೆಸುತ್ತಾನೆ ಮತ್ತು ದಿನದ ಕೆಲವು ಸಮಯಗಳಲ್ಲಿ ಅವನಿಗೆ ಕರೆ ಮಾಡಲು ನಿಮಗೆ ಎಂದಿಗೂ ಅನುಮತಿಸುವುದಿಲ್ಲ ಅಂದ್ರೆ ಅವನಿಗೆ ಮದ್ವೆ ಆಗಿದೆ ಎಂದರ್ಥ.
ರಾತ್ರಿ ಕಳೆಯೋದಕ್ಕೆ ತಯಾರಿರೋದಿಲ್ಲ
ನೀವು ಡೇಟ್ ಮಾಡುತ್ತಿರುವ ಹುಡುಗ, ಯಾವತ್ತೂ ನಿಮ್ಮ ಜೊತೆಗೆ ರಾತ್ರಿ ಕಳಿಯೋಕೆ (not ready to spend night with you) ಒಪ್ಪಿಕೊಳ್ಳದಿದ್ದರೆ, ಅಥವಾ ಲೇಟ್ ನೈಟ್ ಪಾರ್ಟಿಗಳಿಗೆ ನಿಮ್ಮ ಜೊತೆ ಬಾರದೇ ಇರೋದಕ್ಕೆ ಏನಾದರೂ ನೆಪ ಪದೇ ಪದೇ ಹೇಳುತ್ತಲೇ ಇದ್ದರೆ ಎಚ್ಚರವಾಗಿರಿ.
ರಿಂಗ್ ಟ್ಯಾನ್ ಲೈನ್ (ring tan line)
ಅವನ ಕೈಯಲ್ಲಿ ಮದುವೆಯ ಉಂಗುರದ ಟ್ಯಾನ್ ಇದ್ದರೆ, ಅದರಬಗ್ಗೆ ನೀವು ಎಚ್ಚರವಾಗಿರೋದು ಉತ್ತಮ ಅಥವಾ ತನ್ನ ಕೈಗಳನ್ನು ನಿಮಗೆ ತೋರಿಸಲು ಯಾವಾಗಲೂ ಹಿಂಜರಿಯುತ್ತಿದ್ದರೆ, ನೀವು ಅದರ ಬಗ್ಗೆ ಯೋಚನೆ ಮಾಡಲೇಬೇಕು.
ಭವಿಷ್ಯದ ಗುರಿಗಳಿಲ್ಲ (no future plans with you)
ಅವರು ನಿಮ್ಮೊಂದಿಗೆ ಯಾವುದೇ ದೀರ್ಘಕಾಲೀನ ಯೋಜನೆಗಳನ್ನು ಅಥವಾ ಭವಿಷ್ಯದ ಗುರಿಗಳನ್ನು ಪ್ಲ್ಯಾನ್ ಮಾಡದೇ ಇದ್ರೆ, ಅವರ ಭವಿಷ್ಯದಲ್ಲಿ ನೀವು ಇಲ್ಲವೇ ಇಲ್ಲ ಅನ್ನೋದನ್ನು ನೀವು ಅರ್ಥ ಮಾಡಿಕೊಳ್ಳಬೇಕು.
ನಿಮ್ಮೊಂದಿಗೆ ಯಾವುದೇ ಸೆಲ್ಫಿ ತೆಗೆಯೋಲ್ಲ
ಅವರು ನಿಮ್ಮೊಂದಿಗೆ ಇರುವ ಯಾವುದೋ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ (social media) ಪೋಸ್ಟ್ ಮಾಡುವುದಿಲ್ಲ ಅಥವಾ ನಿಮ್ಮೊಂದಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳಲು ಬಯಸುವುದಿಲ್ಲ ಅನ್ನೋದಾದ್ರೆ ನೀವು ಅಲರ್ಟ್ ಆಗಿರಬೇಕು.
ಅಸ್ಪಷ್ಟ ಉತ್ತರಗಳು (no proper answers)
ಅವನ ಹಿಂದಿನ ಸಂಬಂಧಗಳು ಅಥವಾ ಹಿಂದಿನ ಲವ್ ಲೈಫ್ ಬಗ್ಗೆ ಕೇಳಿದಾಗ ಅವನು ಅಸ್ಪಷ್ಟ ಅಥವಾ ತಪ್ಪಿಸಿಕೊಳ್ಳುವ ಹಾರಿಕೆಯ ಉತ್ತರವನ್ನು ನೀಡಿದರೆ, ಅವನು ನಿಮ್ಮಿಂದಾ ಏನೋ ಮುಚ್ಚಿಟ್ಟಿದ್ದಾನೆ ಎಂದು ಅರ್ಥ.
ಫೋನ್ ರಿಂಗ್ ಆದ್ರೆ ವಿಚಿತ್ರವಾಗಿ ವರ್ತಿಸೋದು
ಅವನ ಫೋನ್ ರಿಂಗ್ ಆದಾಗ ಅಥವಾ ಅವನಿಗೆ ಯಾವುದೇ ವಾಟ್ಸಪ್ ಅಥವಾ ಟೆಕ್ಸ್ಟ್ ಮೆಸೇಜ್ ಬಂದರೆ ಅವನ ನಡವಳಿಕೆ ಅಥವಾ ಮನಸ್ಥಿತಿಯಲ್ಲಿ ಏನೋ ಒಂದು ರೀತಿಯ ವಿಚಿತ್ರ ಬದಲಾವಣೆ ಕಂಡು ಬಂದರೆ, ಆವಾಗ ನೀವು ಏನೋ ಸರಿಯಿಲ್ಲ ಅನ್ನೋದನ್ನು ತಿಳಿಯಬೇಕು.