ಟೀಗೆ ಹಾಲು ಹಾಕೋದು ಯಾವಾಗ?, 90% ಮನೆಗಳಲ್ಲಿ ರುಚಿ ಬರದಿರೋಕೆ ಇದೇ ಕಾರಣ!

How to make perfect tea: ಟೀ ನಮ್ಮ ದೈನಂದಿನ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ ಆಶ್ಚರ್ಯದ ಸಂಗತಿಯೆಂದರೆ ಇಂದಿಗೂ ಹೆಚ್ಚಿನ ಮನೆಗಳಲ್ಲಿ ಟೀಯನ್ನು ತಪ್ಪು ವಿಧಾನದಲ್ಲಿ ತಯಾರಿಸಲಾಗುತ್ತಿದೆ.

ರುಚಿ ಪರ್‌ಫೆಕ್ಟ್ ಆಗಿ ಬರಲ್ಲ

ಬೆಳಗಿನ ಆರಂಭವಿರಲಿ, ಕಚೇರಿಯ ವಿರಾಮವಿರಲಿ ಅಥವಾ ಸಂಜೆಯ ಆಯಾಸವಿರಲಿ, ಒಂದು ಕಪ್ ಟೀ ಮೂಡ್ ಸರಿಪಡಿಸಲು ಸಾಕು. 'ಟೀ ಚೆನ್ನಾಗಿ ಸಿಕ್ಕರೆ ಆ ದಿನವೇ ಅದ್ಭುತವಾಗಿರುತ್ತದೆ' ಎಂದು ಜನರು ಹೇಳುವುದುಂಟು. ಆದರೆ ಟೀ ಮಾಡುವುದು ಸುಲಭವೆಂದು ಕಂಡರೂ, ಸರಿಯಾದ ಪ್ರಮಾಣದ ಕಡೆಗೆ ಗಮನ ಹರಿಸದಿದ್ದರೆ ಅದರ ರುಚಿ ಪರ್‌ಫೆಕ್ಟ್ ಆಗಿ ಬರುವುದಿಲ್ಲ.

ಸರಿಯಾದ ವಿಧಾನ ಯಾವುದು?

1. ನೀರಿನ ಪ್ರಮಾಣ ಸರಿಯಾಗಿರಲಿ
ಟೀ ಮಾಡುವಾಗ ಮಾಡುವ ಮೊದಲ ಸಾಮಾನ್ಯ ತಪ್ಪು ಎಂದರೆ ನೀರಿನ ತಪ್ಪು ಅಂದಾಜು. ಎಷ್ಟು ಕಪ್ ಟೀ ಮಾಡಬೇಕೋ ಅಷ್ಟೇ ನೀರನ್ನು ತೆಗೆದುಕೊಳ್ಳಿ. ಉದಾಹರಣೆಗೆ, ಎರಡು ಕಪ್ ಟೀಗೆ ಎರಡು ಕಪ್ ನೀರನ್ನೇ ತೆಗೆದುಕೊಳ್ಳಿ. ನೀರನ್ನು ಕನಿಷ್ಠ 4 ನಿಮಿಷಗಳ ಕಾಲ ಚೆನ್ನಾಗಿ ಕುದಿಸಿ. ಇದರಿಂದ ನೀರಿನ ಹಸಿ ವಾಸನೆ ಹೋಗಿ ರುಚಿ ಹೆಚ್ಚುತ್ತದೆ.

2. ಶುಂಠಿ ಮತ್ತು ಮಸಾಲೆಯನ್ನು ಯಾವಾಗ ಹಾಕಬೇಕು?

ನೀವು ಶುಂಠಿ ಅಥವಾ ಮಸಾಲಾ ಚಹಾವನ್ನು ಇಷ್ಟಪಡುವವರಾದರೆ, ಇವುಗಳನ್ನು ನೀರು ಕುದಿಯುವಾಗಲೇ ಹಾಕಿ. ನೆನಪಿಡಿ, ಶುಂಠಿ ಹಾಕುವಾಗ ನೀರು ಕುದಿಯುತ್ತಿರಬೇಕು, ತಣ್ಣಗಿರಬಾರದು. ಕುದಿಯುವ ನೀರಿನಲ್ಲಿ ಶುಂಠಿ ಅಥವಾ ಮಸಾಲೆ ಹಾಕುವುದರಿಂದ ಅದರ ಫ್ಲೇವರ್ ಚೆನ್ನಾಗಿ ಬೆರೆಯುತ್ತದೆ.

3. ಟೀ ಪುಡಿ ಮತ್ತು ಸಕ್ಕರೆ ಯಾವಾಗ ಸೇರಿಸಬೇಕು?

ನೀರು ಚೆನ್ನಾಗಿ ಕುದಿಬಂದ ನಂತರ ಟೀಪುಡಿ ಹಾಕಿ. ಟೀಪುಡಿ ಹಾಕಿದ ತಕ್ಷಣ ಹಾಲು ಹಾಕುವುದು ತಪ್ಪು. ಟೀಪುಡಿಯನ್ನು ಕನಿಷ್ಠ 5 ನಿಮಿಷಗಳ ಕಾಲ ನೀರಿನಲ್ಲಿ ಕುದಿಯಲು ಬಿಡಿ. ಇದರಿಂದ ಬಣ್ಣ ಮತ್ತು ರುಚಿ ಎರಡೂ ಸರಿಯಾಗಿ ಹೊರಬರುತ್ತವೆ. ಹಾಗೆಯೇ, ಟೀಪುಡಿ ಕುದಿಬಂದ ನಂತರವೇ ಸಕ್ಕರೆ ಸೇರಿಸಿ. ಹಾಲು ಹಾಕಿದ ನಂತರ ಸಕ್ಕರೆ ಹಾಕಿದರೆ ಟೀ ರುಚಿ ಕಡಿಮೆಯಾಗಿ, ಟೀ ತೆಳುವಾದಂತೆ ಭಾಸವಾಗುತ್ತದೆ.

4. ಹಾಲು ಯಾವಾಗ ಬೆರೆಸಬೇಕು?

ನೀರು ಕುದಿದು ಅರ್ಧದಷ್ಟು ಆದಾಗ, ಒಂದು ಕಪ್ ಹಾಲು ಸೇರಿಸಿ. ಹಾಲು ತಣ್ಣಗಿರಬಾರದು ಎಂಬುದನ್ನು ಗಮನಿಸಿ. ತಣ್ಣನೆಯ ಹಾಲು ಹಾಕುವುದರಿಂದ ಟೀ ತಾಪಮಾನ ಇದ್ದಕ್ಕಿದ್ದಂತೆ ಕುಸಿಯುತ್ತದೆ ಮತ್ತು ರುಚಿಯ ಮೇಲೆ ಪರಿಣಾಮ ಬೀರುತ್ತದೆ. ಹಾಲು ಹಾಕಿದ ನಂತರ ಉರಿಯನ್ನು ಕಡಿಮೆ ಮಾಡಿ ಟೀ ಚೆನ್ನಾಗಿ ಕುದಿಯಲು ಬಿಡಿ.

5. ಟೀ ಸಿದ್ಧವಾಗಿದೆ ಎಂದು ತಿಳಿಯುವುದು ಹೇಗೆ?

ಟೀ ಸಿದ್ಧವಾಗಿರುವುದಕ್ಕೆ ಉತ್ತಮ ಸಂಕೇತವೆಂದರೆ ಅದರಲ್ಲಿ ಏಳುವ ಗುಳ್ಳೆಗಳು. ಟೀನಲ್ಲಿ ದೊಡ್ಡ ದೊಡ್ಡ ಗುಳ್ಳೆಗಳು ಬರಲು ಆರಂಭವಾಗಿ, ಬಣ್ಣ ಗಾಢವಾಗಿ ಕಂಡಾಗ ನಿಮ್ಮ ಪರ್ಫೆಕ್ಟ್ ಟೀ ಸಿದ್ಧವಾಗಿದೆ ಎಂದು ತಿಳಿಯಿರಿ.