ಬಿಸಿಬಿಸಿ ಚಪಾತಿ, ರೊಟ್ಟಿ ಬಾಕ್ಸ್​ನಲ್ಲಿ ಹೀಗೆ ಇಟ್ರೆ ಎಷ್ಟೊತ್ತಾದ್ರೂ ಬೆವರೋದೇ ಇಲ್ಲ: ಈಸಿ ಟಿಪ್ಸ್​ ನೋಡಿ

ಹಾಟ್‌ಬಾಕ್ಸ್‌ನಲ್ಲಿ ಇಟ್ಟ ಚಪಾತಿ ಅಥವಾ ರೊಟ್ಟಿಗಳು ಹಬೆಯಿಂದಾಗಿ ಬೆವತು ನೀರಾಗುವುದನ್ನು ತಡೆಯಲು ಈ ಲೇಖನದಲ್ಲಿ ಸುಲಭ ಉಪಾಯವನ್ನು ವಿವರಿಸಲಾಗಿದೆ. ಡಬ್ಬದೊಳಗೆ ಸ್ಟ್ಯಾಂಡ್ ಮತ್ತು ಬಟ್ಟೆಯನ್ನು ಬಳಸಿ, ಚಪಾತಿಗಳನ್ನು ದೀರ್ಘಕಾಲ ಬಿಸಿಯಾಗಿ ಮತ್ತು ಬೆವತು ಹೋಗದಂತೆ ಇಡುವುದು ಹೇಗೆಂದು ತಿಳಿಸಲಾಗಿದೆ.

ಬೆವತು ಹೋಗುವ ರೊಟ್ಟಿ, ಚಪಾತಿ

ಸಾಮಾನ್ಯವಾಗಿ ಚಪಾತಿ ಅಥವಾ ರೊಟ್ಟಿ ಮಾಡಿದಾಗ, ಅದನ್ನು ಬಳಸುವುದು ಲೇಟ್​ ಆಗಿದ್ದರೆ ಹಾಟ್​ಬಾಕ್ಸ್​ನಲ್ಲೋ ಅಥವಾ ಇನ್ನಾವುದಾದರೂ ಡಬ್ಬದಲ್ಲಿ ಇಡುವುದು ಸರ್ವೇ ಸಾಮಾನ್ಯ.

ಮಹಿಳೆಯರ ಸಮಸ್ಯೆ

ಆದರೆ, ಹೀಗೆ ಮಾಡಿದಾಗ, ಎಷ್ಟೋ ಮಹಿಳೆಯರು ರೊಟ್ಟಿ ಅಥವಾ ಚಪಾತಿಯನ್ನು ತಣ್ಣಗೆ ಮಾಡಿ ಡಬ್ಬದಲ್ಲಿ ಹಾಕಿಡಬೇಕಾದ ಸನ್ನಿವೇಶ ಬರುತ್ತದೆ. ಇದಕ್ಕೆ ಕಾರಣ, ಬಿಸಿಬಿಸಿಯಾಗಿ ಬಾಕ್ಸ್​ನಲ್ಲಿ ಇಟ್ಟರೆ, ಚಪಾತಿ ಅಥವಾ ರೊಟ್ಟಿ ಅದರಲ್ಲಿಯೂ ಹೆಚ್ಚಾಗಿ ಕೆಳಗೆ ಇದ್ದ ಚಪಾತಿ ಅಥವಾ ರೊಟ್ಟಿ ಬೆವರಿ ನೀರು ನೀರಾಗಿ ಬಿಡುತ್ತದೆ.

ಬೆವರದೇ ಇರಲು ಟಿಪ್ಸ್​

ಅಧಿಕ ಸಮಯದವರೆಗೆ ಬಿಸಿಬಿಸಿಯಾಗಿಯೇ ಇರಬೇಕು ಹಾಗೂ ಯಾವುದೇ ಚಪಾತಿ ಅಥವಾ ರೊಟ್ಟಿ ಬೆವರಬಾರದು ಎಂದರೆ ಅದಕ್ಕೊಂದು ಸುಲಭದ ಟಿಪ್ಸ್​ ಇದೆ. ಈ ಟಿಪ್ಸ್​ ಫಾಲೋ ಮಾಡಿದ್ರೆ ತಿನಿಸುಗಳು ಬೆವರೋದೇ ಇಲ್ಲ.

ಹೀಗೆ ಮಾಡಿ

ಇದಕ್ಕೆ ನೀವು ಮಾಡಬೇಕಿರುವುದು ಇಷ್ಟೇ. ಡಬ್ಬದಲ್ಲಿ ಅದರ ಸೈಜ್​ಗೆ ತಕ್ಕಂಥ ಒಂದು ಸ್ಟ್ಯಾಂಡ್​ ಇಡಿ. (ಇದನ್ನು ಚಿತ್ರದಲ್ಲಿ ತೋರಿಸಲಾಗಿದೆ). ಆ ಬಳಿಕ ಒಂದು ಬಿಳಿಯ ವಸ್ತ್ರವನ್ನು ಅದರ ಮೇಲೆ ಇಟ್ಟು, ಅದರ ಮೇಲೆ ರೊಟ್ಟಿ, ಚಪಾತಿ ಏನೇ ಇಟ್ಟರೂ ಅದು ಬೆವರುವುದೇ ಇಲ್ಲ.

ಚಮಚದ ಟಿಪ್ಸ್​

ಇನ್ನು ಕೆಲವೊಬ್ಬರು ಡಬ್ಬದ ಮೇಲುಗಡೆ ಇರುವ ಚಪಾತಿ ಅಥವಾ ರೊಟ್ಟಿಯ ಮೇಲೆ ಎರಡು ಚಮಚಗಳನ್ನು ಕ್ರಾಸ್​​ನಲ್ಲಿ ಇಡುತ್ತಾರೆ. ಇದರಿಂದ ತಿನಿಸು ಬೆವರುವುದಿಲ್ಲವಾದರೂ, ಹೆಚ್ಚು ಸಮಯ ಬಿಸಿ ಇರುವುದಿಲ್ಲ.

ಬಿಸಿಬಿಸಿ ಚಪಾತಿ

ಆದ್ದರಿಂದ ಸ್ಟ್ಯಾಂಡ್​ ಇಡುವ ಟಿಪ್ಸ್​ ತುಂಬಾ ಉಪಯೋಗವಾಗಿದ್ದು, ಹಾಟ್​ ಬಾಕ್ಸ್​ನಲ್ಲಿ ಇಟ್ಟರೆ ಹೆಚ್ಚು ಕಾಲ ಬಿಸಿಬಿಸಿಯಾಗಿಯೂ ಇರುತ್ತದೆ, ಜೊತೆಗೆ ಬೆವರುವುದೂ ಇಲ್ಲ.