ಜನ ತಮ್ಮ ಪ್ರೀತಿಯನ್ನು ಉಳಿಸೋಕೆ ಏನೇನೋ ಮಾಡ್ತಾರೆ ಅನ್ನೋದನ್ನ ಕೇಳಿದ್ದೀವಿ. ಇಲ್ಲೊಬ್ಬ ಮಾಡೆಲ್ ತನಗಿಂತ ದುಪ್ಪಟ್ಟು ವಯಸ್ಸಿನ ಬಾಯ್ ಫ್ರೆಂಡ್ ಪ್ರೀತಿಗಾಗಿ 3 ಕೋಟಿ ಖರ್ಚು ಮಾಡಿ, ಕಾಲು ಮುರ್ಕೊಂಡಿದ್ದಾಳೆ.
ತಮ್ಮ ಪ್ರಿತಿಯನ್ನು ಉಳಿಸದಕ್ಕೋಸ್ಕರ ಏನೇನೋ ಸಾಹಸ ಮಾಡೋ ಜನರನ್ನ ನಾವು ನೋಡಿದ್ದೀವಿ ಅಲ್ವಾ? ಪ್ರೀತಿಗಾಗಿ ತಮ್ಮನ್ನೆ ತಾವು ಬದಲಾಯಿಸೋದು, ಕುಡಿಯೋದು ಬಿಡೋರು, ನಾನ್ ವೆಜ್ ಬಿಡೋರು, ಗಡ್ಡ ಬೋಳಿಸೋರು, ಮಾಡರ್ನ್ ಇದ್ದೋರು ಟ್ರೆಡಿಶನಲ್ ಆಗಿ ಬದಲಾಗೋದನ್ನು ಸಹ ನಾವು ನೋಡಿದ್ದೀವಿ, ಆದ್ರೆ ಇಲ್ಲೊಬ್ಬ ಮಹಿಳೆ ಪ್ರೀತಿಗಾಗಿ ಏನ್ ಮಾಡಿದ್ರು ಗೊತ್ತಾ?
ಪ್ರತಿಯೊಬ್ಬರೂ ಹೈಟ್ ಚೆನ್ನಾಗಿರ್ಬೇಕು ಅಂತ ಬಯಸ್ತಾರೆ. ಆದರೆ ಕೆಲವೇ ಜನರು ನ್ಯಾಚುರಲ್ ಆಗಿಯೇ ಹೈಟ್ ಆಗ್ತಾರೆ. ಜರ್ಮನಿಯ ರೂಪದರ್ಶಿಯೊಬ್ಬಳು ತನ್ನ ಎತ್ತರವನ್ನು ಹೆಚ್ಚಿಸಲು ನೀರಿನಂತೆ ಹಣ ಖರ್ಚು ಮಾಡಿ, ಕಾಲನ್ನೇ ಮುರಿದುಕೊಂಡು ಅಸಹನೀಯ ನೋವನ್ನು ಸಹಿಸಿಕೊಂಡಿದ್ದಾಳೆ. ಇದನ್ನೆಲ್ಲಾ ಆಕೆ ಮಾಡಿದ್ದು ತನ್ನ ಪ್ರೀತಿಗಾಗಿ.
3.17 ಕೋಟಿ ಖರ್ಚು ಮಾಡಿ ಕಾಲನ್ನೇ ಮುರಿದುಕೊಂಡ ಮಾಡೆಲ್
ಜರ್ಮನಿಯಲ್ಲಿ ನೆಲೆಸಿರುವ ಮಾಡೆಲ್(Model) ಒಬ್ಬಳ ಹುಚ್ಚುತನ ನೋಡಿ ಜನರು ಶಾಖ್ ಆಗಿದ್ದಾರೆ. ಯಾಕಂದ್ರೆ ಈಕೆ ತನಗಿಂತ ದುಪ್ಪಟ್ಟು ವಯಸ್ಸಿನ ಬಾಯ್ ಫ್ರೆಂಡ್ ಗಾಗಿ ಬರೋಬ್ಬರಿ 3.17 ಕೋಟಿ ಖರ್ಚು ಮಾಡಿ ತನ್ನ ಎರಡೂ ಕಾಲಿನ ಮೂಳೆಗಳನ್ನು ಮುರ್ಕೊಂಡಿದ್ದಾಳೆ. ಆಗಿದ್ದೇನು?
ಈ ಮಾಡೆಲ್ ಹೆಸರೇನು?
ಈ ಮಾಡೆಲ್ ಹೆಸರು ಥೆರೆಸಿಯಾ ಫಿಶರ್ (Theresia Fisher). ಈಕೆ ಜರ್ಮನಿಯ ರಿಯಾಲಿಟಿ ಟಿವಿ ಸ್ಟಾರ್. 32 ವರ್ಷದ ಈ ಮಾಡೆಲ್.
ಥೆರೇಸಿಯಾ ಲೆಗ್ ಸ್ಟ್ರೆಚಿಂಗ್ (leg streching) ಮಾಡೋದಕ್ಕೋಸ್ಕರ ಭಯಾನಕ ಸರ್ಜರಿ ಮಾಡಿಸಿಕೊಂಡಿದ್ದಾರೆ. ಈ ಸರ್ಜರಿಯಲ್ಲಿ ಕಾಲಿನ ಮೂಳೆ ಮುರಿದು ಕಾಲಿಗೆ ರಾಡ್ ಹಾಕಲಾಗುತ್ತೆ. ಇದು ತುಂಬಾನೆ ನೋವಿನಿಂದ ಕೂಡಿದ ಸರ್ಜರಿಯಾಗಿದ್ದು, ಇದನ್ನ ಮಾಡೊದಕ್ಕೆ ಎರಡು ಮೂರು ವರ್ಷಗಳೇ ಬೇಕಾಗುತ್ತೆ.
8 ವರ್ಷಗಳ ಸುದೀರ್ಘ ಸರ್ಜರಿ
ಈ ಮಾಡೆಲ್ ಗೆ ಕಾಲಿನ ಸರ್ಜರಿ ಆರಂಭವಾದುದು 2016ರಲ್ಲಿ, ಇದು ಕೊನೆಗೊಂಡಿದ್ದು 2022ರಲ್ಲಿ ಅಂದ್ರೆ ಬರೋಬ್ಬರಿ 8 ವರ್ಷಗಳ ಸುಧೀರ್ಘವಾದ ಸರ್ಜರಿ ಇದು. ಫ್ರೀಬರ್ಗ್ ಯೂನಿವರ್ಸಿಟಿ ಆಸ್ಪತ್ರೆಯಲ್ಲಿ ನಡೆಸಿದಂತಹ ಸರ್ಜರಿ. ಬರೋಬ್ಬರಿ ಎಂಟು ಸರ್ಜರಿಗಳ ಬಳಿಕ ಇದೀಗ 2018ರಲ್ಲಿ ಥೆರೇಸಿಯಾ ಮನೆಗೆ ಬಂದಿದ್ದಾರೆ. ಅಲ್ಲದೇ ತಮ್ಮ ಅಡ್ಜಸ್ಟೇಬಲ್ ರಾಡ್ ಕೂಡ ತೆಗೆಸಿದ್ದಾರೆ.
ಈ ಸರ್ಜರಿ ಹೇಗೆ ಕೆಲಸ ಮಾಡುತ್ತೆ?
ಈ ಸರ್ಜರಿಗಾಗಿ ಕಾಲಿನ ಮೂಳೆಗಳನ್ನು ಮುರಿದು, ಹೈಟ್ ಹೆಚ್ಚಿಸಲು ರಾಡ್ ಸೇರಿಸಲಾಗುತ್ತೆ, ನಂತರ ಅದನ್ನು ಸ್ಕ್ರೂನಿಂದ ಟೈಟ್ ಮಾಡಲಾಗುತ್ತೆ. ಮೂಳೆಗಳನ್ನು ಎಳೆದರೆ ಕಾಲಿನ ಉದ್ದ ಹೆಚ್ಚುತ್ತದೆ. ಇದರಿಂದಾಗಿ ಆಕೆಯ ಕಾಲು ಈಗ 5 ಇಂಚುಗಳಷ್ಟು ಹೆಚ್ಚು ಹೈಟ್ ಹೊಂದಿದೆ.
ಈಕೆ ಈ ರೀತಿ ಮಾಡಿದ್ದಾದರೂ ಯಾಕೆ?
32 ವರ್ಷದ ಥೆರೇಸಿಯಾಗೆ ತನಗಿಂತ ದುಪ್ಪಟ್ಟು ವಯಸ್ಸಿನ ವ್ಯಕ್ತಿ ಸ್ಟೀಫನ್ ಕ್ಲೇಸರ್ ಮೇಲೆ ಲವ್ ಆಗಿತ್ತು. ಥೆರೇಸಿಯಾ ತನ್ನ ಹೈಟ್ ಹೆಚ್ಚಿಸಿದರೆ, ತಾನು ಹೆಚ್ಚು ಪ್ರೀತಿಸೋದಾಗಿ ಸ್ಟೀಫನ್ ಹೇಳಿದ್ದ. ಸ್ಟೀಫನ್ ಜೊತೆ ಬ್ರೇಕಪ್(breakup) ಆದ ಬಳಿಕ ತನ್ನ ಪ್ರೀತಿ ಉಳಿಸಿಕೊಳ್ಳಲು ಥೆರೇಸಿಯಾ ಹೈಟ್ ಹೆಚ್ಚಿಸಲು ಸರ್ಜರಿ ಮಾಡಿಕೊಂಡಳು.
ಮತ್ತೆ ಬಂದ ಬಾಯ್ ಫ್ರೆಂಡ್
5.5 ಇಂಚು ಹೈಟ್ ಹೊಂದಿದ್ದ ಥೆರೇಸಿಯಾ ಹೈಟ್ ಸರ್ಜರಿ ಬಳಿಕ ಸದ್ಯ 5.10 ಆಗಿದೆ. ಈಗ ಥೆರೇಸಿಯಾ ಬಾಯ್ ಫ್ರೆಂಡ್ ಸ್ಟೀಫನ್ ಸಹ ಮರಳಿ ಬಂದಿದ್ದಾನೆ. ಇಬ್ಬರು ತುಂಬಾ ಹ್ಯಾಪಿಯಾಗಿದ್ದಾರೆ. ಹಾಗೂ ತಮ್ಮ ಕುಟುಂಬವನ್ನು ಆರಂಭಿಸೋ ಯೋಚನೆಯಲ್ಲಿದ್ದಾರೆ.