ಶುಂಠಿ ಟೀ ಶೀತ ಕೆಮ್ಮಿನಿಂದ ಹಿಡಿದು, ಮುಟ್ಟಿನ ನೋವಿನವರೆಗೆ ಅನೇಕ ಕಾಯಿಲೆಗಳಿಗೆ ಬೆಸ್ಟ್‌ ಮನೆ ಮದ್ದು.
ವಾಕರಿಕೆ ನಿವಾರಿಸಲು ಜಿಂಜರ್‌ ಟೀ ತುಂಬಾ ಪರಿಣಾಮಕಾರಿ. ದೂರದೂರಿಗೆ ಪಯಣಿಸುವಾಗ ಮೋಷನ್‌ ಸಿಕ್ನೆಸ್‌ನಿಂದ ಆಗುವ ವಾಂತಿಯನ್ನು ಕೇವಲ ಒಂದು ಕಪ್ಚಹಾ ತಡೆಯಬಲ್ಲದು..
ಜೀರ್ಣಕ್ರಿಯೆ ಮತ್ತು ಹೊಟ್ಟೆಸಮಸ್ಯೆಯಿಂದ ಬಳಲುತ್ತಿದ್ದರೆ, ಶುಂಠಿ ಚಹಾ ಇದಕ್ಕೆ ರೆಮಿಡಿ. ಜೀರ್ಣಕ್ರಿಯೆಯನ್ನು ಸುಧಾರಿಸಲು ಮತ್ತು ಆಹಾರದ ಹೀರಿಕೊಳ್ಳುವಿಕೆಯನ್ನು ಹೆಚ್ಚಿಸಲು ಬೆಸ್ಟ್‌.
ಪ್ರತಿ ಊಟದ ನಂತರದ ಹೊಟ್ಟೆಉಬ್ಬರಿಸುವಿಕೆಯನ್ನು ಒಂದು ಕಪ್ ಶುಂಠಿ ಚಹಾ ನಿವಾರಿಸುತ್ತದೆ.
ದೀರ್ಘಕಾಲದವರೆಗೆ ಕೀಲು ನೋವಿಂದ ಬಳಲುತ್ತಿರುವವರಿಗೆ ಶುಂಠಿ ಚಹಾದಿಂದ ಹೆಲ್ಪ್‌ ಆಗುತ್ತದೆ. ಚಹಾ ಚರಟವನ್ನು ನೋವಿನ ಜಾಗಗಳಿಗೆ ಸಹ ಹಚ್ಚಬಹುದು.
ಉಸಿರಾಟದ ಸಮಸ್ಯೆಗೆ ಪರಿಹಾರ. ನೆಗಡಿಯಿಂದ ಉಂಟಾಗುವ congestion ನಿವಾರಿಸಲು ಶುಂಠಿ ಚಹಾ ಸಹಾಯ ಮಾಡುತ್ತದೆ. ಅಲರ್ಜಿಗೆ ಸಂಬಂಧಿಸಿದ ಉಸಿರಾಟದ ಖಾಯಿಲೆಗಳಿಗೆ ಈ ಟೀಯಲ್ಲಿರುವ ಅಂಶಗಳು ಉತ್ತಮ.
ರಕ್ತ ಚಲನೆ ಸುಧಾರಿಸಲು ಸಹಾಯ ಮಾಡುತ್ತದೆ. ಜೀವಸತ್ವಗಳು, ಖನಿಜಗಳು ಮತ್ತು ಅಮೈನೋ ಆಸಿಡ್‌ ಸಮೃದ್ಧವಾಗಿರುವ ಜಿಂಜರ್‌ ಟೀ ರಕ್ತ ಚಲನೆಯನ್ನು ಪುನಾ ಸ್ಥಾಪಿಸಲು ಮತ್ತು ಸುಧಾರಿಸಲು ಸಹಾಯ ಮಾಡುತ್ತದೆ.
ಇದು ಹೃದಯ ಸಂಬಂಧಿ ಸಮಸ್ಯೆಗಳ ಸಾಧ್ಯತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಅಪಧಮನಿಗಳಲ್ಲಿ ಕೊಬ್ಬು ಸಂಗ್ರಹವಾಗದಂತೆ ಇದು ತಡೆಯುವುದರ ಜೊತೆಗೆ ಹೃದಯಾಘಾತ ಮತ್ತು ಪಾರ್ಶ್ವವಾಯು ರಿಸ್ಕ್‌ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಋತು ಚಕ್ರದ ನೋವಿಗೆ ಬೆಸ್ಟ್‌. ಮುಟ್ಟಿನ ಸಮಯದ ಕ್ರ್ಯಾಂಪ್ಸ್‌ಗೆ ಉತ್ತಮ ಪರಿಹಾರ.
ಹೊಟ್ಟೆಯ ಕೆಳಭಾಗದಲ್ಲಿ ಬೆಚ್ಚಗಿನ ಶುಂಠಿ ಚಹಾದಲ್ಲಿ ನೆನೆಸಿದ ಟವೆಲ್ ಇರಿಸಿದರೆ ಸ್ನಾಯುಗಳನ್ನು ಸಡಿಲಗೊಳಿಸುವುದಲ್ಲದೆ, ನೋವನ್ನು ನಿವಾರಿಸುತ್ತದೆ. ಅದೇ ಸಮಯದಲ್ಲಿ, ಜೇನುತುಪ್ಪದೊಂದಿಗೆ ಒಂದು ಕಪ್ ಶುಂಠಿ ಚಹಾ ಕುಡಿಯುವುದರಿಂದ ಋತು ಚಕ್ರದ ಹೊಟ್ಟೆ ನೋವಿಗೆ ಪರಿಹಾರ ಸಿಗುತ್ತದೆ.
ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಒತ್ತಡವನ್ನು ನಿವಾರಿಸುತ್ತದೆ. ಶುಂಠಿ ಚಹಾವು ಮನಸ್ಸನ್ನು ಶಾಂತಗೊಳಿಸುತ್ತದೆ ಮತ್ತು ಮನಸ್ಸಿನ ವಿಶ್ರಾಂತಿಗೆ ಉತ್ತಮವೆಂದು ಪರಿಗಣಿಸಲಾಗುತ್ತದೆ.
ಆಂಟಿಆಕ್ಸಿಡೆಂಟ್‌ಗಳು ಸಮೃದ್ಧವಾಗಿರುವ ಇದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.