ದಕ್ಷಿಣ ಭಾರತದ ಎಲ್ಲಾ ರಾಜ್ಯಗಳಲ್ಲೂ ಬಾಳೆ ಎಲೆಯಲ್ಲಿ ತಿನ್ನುವ ಸಂಪ್ರದಾಯವಿದೆ. ಹಬ್ಬ, ಹರಿದಿನ, ಮದುವೆ ಯಾವುದೇ ಸಮಾರಂಭ ಇದ್ದರೂ ಆ ಸಮಯದಲ್ಲಿ ಬಾಳೆ ಎಲೆ ಊಟ ಮಾಡಲಾಗುತ್ತದೆ. ಆದರೆ ಈ ಎಲೆಗಳಲ್ಲಿ ಆಹಾರ ಸೇವಿಸುವುದರಿಂದಲೂ ಅನೇಕ ಆರೋಗ್ಯಕರ ಪ್ರಯೋಜನಗಳು ದೊರೆಯುವವು ಎಂದು ನಿಮಗೆ ತಿಳಿದಿದೆಯೇ?
ದಕ್ಷಿಣ ಭಾರತದ ಅನೇಕ ರಾಜ್ಯಗಳಲ್ಲಿ ಬಾಳೆಲೆಗಳ ಮೇಲೆ ಆಹಾರ ಪೂರೈಸುವುದು ಸಾಂಪ್ರದಾಯಿಕ ಪದ್ಧತಿ. ಓಣಂನಂತಹ ಹಬ್ಬದಂದು ವಿಶೇಷವಾಗಿ ಬಾಳೆ ಎಲೆಗಳ ಮೇಲೆ ಆಹಾರವನ್ನು ಸೇವಿಸಲಾಗುತ್ತದೆ. ಜೊತೆಗೆ ಮದುವೆ ಸಮಾರಂಭ, ಹಬ್ಬಗಳ ಸಮಯದಲ್ಲೂ ಅತಿಥಿಗಳಿಗೆ ಎಲೆಯಲ್ಲಿ ಆಹಾರವನ್ನು ನೀಡಲಾಗುತ್ತದೆ, ಬಾಳೆ ಎಲೆ ತಟ್ಟೆಯಲ್ಲಿ ಅನ್ನ, ತರಕಾರಿಗಳು, ಬೇಳೆ ಕಾಳುಗಳು, ಪಾಯಸ ಮತ್ತು ಉಪ್ಪಿನಕಾಯಿ ಸೇರಿವೆ, ಏಕೆಂದರೆ ಇದು ಇಡೀ ಊಟಕ್ಕೆ ಸ್ಥಳಾವಕಾಶ ನೀಡುತ್ತದೆ. ಬಾಳೆ ಎಲೆಗಳಲ್ಲಿ ತಿನ್ನುವ ಪದ್ಧತಿ ಸಾವಿರಾರು ವರ್ಷಗಳಷ್ಟು ಹಳೆಯದು ಮತ್ತು ಅದರ ಆರೋಗ್ಯ ಪ್ರಯೋಜನಗಳ ಬಗ್ಗೆ ಇಲ್ಲಿದೆ ಮಾಹಿತಿ.
ಎಲೆಗಳು ಖನಿಜಗಳನ್ನು ಹೊಂದಿರುತ್ತದೆ ಮತ್ತು ಕೀಟಾಣುಗಳನ್ನು ನಾಶಪಡಿಸುತ್ತವೆ. ಬಾಳೆ ಎಲೆಗಳು ಸಸ್ಯ ಆಧಾರಿತ ಸಂಯುಕ್ತಗಳಿಂದ ಸಮೃದ್ಧವಾಗಿವೆ, ಅಥವಾ ಪಾಲಿಫಿನಾಲ್ ಎಂದು ಕರೆಯಲ್ಪಡುವ ಎಪಿಗಲೊಟೆಚಿನ್ ಗ್ಯಾಲಟ್ ಅಥವಾ ಇಜಿಸಿಜಿ, ಹಸಿರು ಚಹಾದಲ್ಲಿ ಸಹ ಕಂಡುಬರುತ್ತವೆ. ಪಾಲಿಫಿನಾಲ್ ನೈಸರ್ಗಿಕ ಉತ್ಕರ್ಷಣ ನಿರೋಧಕಗಳಾಗಿವೆ, ಅವು ಮುಕ್ತ ರಾಡಿಕಲ್‌ಗಳಿಂದ ದೇಹವನ್ನು ರಕ್ಷಿಸುತ್ತವೆ ಮತ್ತು ರೋಗಗಳನ್ನು ತಡೆಯುತ್ತವೆ.
ಬಾಳೆ ಎಲೆ ಮೇಲೆ ಬಡಿಸುವ ಆಹಾರವು ಪಾಲಿಫಿನಾಲ್ ಗಳನ್ನು ಹೀರಿಕೊಳ್ಳುತ್ತದೆ, ಇದು ಆರೋಗ್ಯವನ್ನು ಪೋಷಿಸುತ್ತದೆ. ಬಾಳೆ ಎಲೆಗಳಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳಿವೆ. ಅದು ಎಲ್ಲಾ ಆಹಾರ ಕೀಟಾಣುಗಳನ್ನು ಕೊಲ್ಲುತ್ತದೆ, ಇದು ಅನಾರೋಗ್ಯಕ್ಕೆ ಒಳಗಾಗುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ.
ಬಾಳೆ ಎಲೆಗಳು ಆಹಾರದ ರುಚಿಯನ್ನು ಹೆಚ್ಚಿಸುತ್ತೆ
ಬಾಳೆ ಎಲೆಗಳಲ್ಲಿ ಮೇಣದ ಪೇಸ್ಟ್ ಇದೆ, ಇದು ತುಂಬಾ ಸೂಕ್ಷ್ಮವಾಗಿದೆ ಮತ್ತು ಆಹಾರದ ರುಚಿಯನ್ನು ಹೆಚ್ಚಿಸುತ್ತದೆ. ಬಿಸಿ ಆಹಾರವನ್ನು ಎಲೆಗಳ ಮೇಲೆ ಇಟ್ಟಾಗ, ಮೇಣ ಕರಗುತ್ತದೆ ಮತ್ತು ಆಹಾರಕ್ಕೆ ಅದರ ರುಚಿಯನ್ನು ನೀಡುತ್ತದೆ, ಆ ಮೂಲಕ ಅದರ ರುಚಿಯನ್ನು ಸುಧಾರಿಸುತ್ತದೆ ಎಂದು ಹೇಳಲಾಗುತ್ತದೆ.
ಪರಿಸರ ಸ್ನೇಹಿ
ಹೆಚ್ಚಿನ ಜನರು ಪ್ಲಾಸ್ಟಿಕ್ ಅಥವಾ ಸ್ಟೈರಪ್ ಹೋಮ್ ಪ್ಲೇಟ್‌ಗಳನ್ನು ಬಳಸುತ್ತಾರೆ, ಅಲ್ಲದೇ ಬಿಸಾಡ ಬಹುದಾದ ಪಾತ್ರೆಗಳನ್ನು ಬಳಸುತ್ತಾರೆ. ಇದರಿಂದ ಪರಿಸರಕ್ಕೆ ಹಾನಿ. ಬಾಳೆ ಎಲೆಗಳು ಹೆಚ್ಚು ಪರಿಸರ ಸ್ನೇಹಿ ಆಯ್ಕೆಗಳಾಗಿವೆ. ಪ್ಲಾಸ್ಟಿಕ್ ಗಿಂತ ಭಿನ್ನವಾಗಿ, ಅವು ಬಹಳ ಕಡಿಮೆ ಸಮಯದಲ್ಲಿ ಅಂದರೆ ಮಣ್ಣಿನಲ್ಲಿ ವಿಘಟನೆಗೊಳ್ಳುತ್ತವೆ.
ಬಾಳೆ ಎಲೆಗಳು ಸ್ವಚ್ಛವಾಗಿರುತ್ತವೆ
ಬಾಳೆ ಎಲೆಗಳಿಗೆ ಹೆಚ್ಚು ಸ್ವಚ್ಛಗೊಳಿಸುವ ಅಗತ್ಯವಿಲ್ಲ. ಅವುಗಳನ್ನು ಸ್ವಲ್ಪ ನೀರಿನಿಂದ ಮಾತ್ರ ಸ್ವಚ್ಛಗೊಳಿಸಬಹುದು ಮತ್ತು ತಟ್ಟೆಯಾಗಿ ತಯಾರಿಸಲಾಗುತ್ತದೆ. ನೈರ್ಮಲ್ಯದ ಮಾನದಂಡಗಳನ್ನು ಪ್ರಶ್ನಿಸುವ ಸ್ಥಳದಲ್ಲಿ ನೀವು ತಿನ್ನುತ್ತಿದ್ದರೆ, ಬಾಳೆ ಎಲೆಗಳಲ್ಲಿ ಯೋಚನೆ ಮಾಡದೆ ತಿನ್ನಬಹುದು.
ರಾಸಾಯನಿಕ ಮುಕ್ತ ಎಲೆಗಳು
ತಟ್ಟೆಗಳನ್ನು ಸಾಬೂನು ಮತ್ತು ನೀರಿನಿಂದ ತೊಳೆಯುವುದರಿಂದ, ಸಾಬೂನಿನಲ್ಲಿರುವ ರಾಸಾಯನಿಕಗಳ ಅಂಶಗಳು ತಟ್ಟೆಗಳಲ್ಲಿ ಉಳಿಯಬಹುದು, ಇದು ಆಹಾರವನ್ನು ಕಲುಷಿತಗೊಳಿಸಬಹುದು. ಬಾಳೆ ಎಲೆಗಳನ್ನು ಸ್ವಲ್ಪ ನೀರಿನಿಂದ ಮಾತ್ರ ತೊಳೆಯಬೇಕು, ಮತ್ತು ಸಾಬೂನಿನಿಂದ ತೊಳೆಯುವ ಅಗತ್ಯವಿಲ್ಲ, ಆದ್ದರಿಂದ ನಿಮ್ಮ ಆಹಾರವು ರಾಸಾಯನಿಕ ಮುಕ್ತವಾಗಿರುತ್ತದೆ. ಅಲ್ಲದೆ ಬಾಳೆ ಎಲೆ ಬಹಳ ದೊಡ್ಡದಾಗಿದ್ದು, ಇದರಲ್ಲಿ ಇಡೀ ಊಟವನ್ನು ಏಕಕಾಲದಲ್ಲಿ ಬಡಿಸಬಹುದು. ಬಾಳೆ ಎಲೆಗಳು ಹೆಚ್ಚಾಗಿ ಜಲ ನಿರೋಧಕವಾಗಿವೆ.
ಬಾಳೆ ಎಲೆಗಳ ಮೇಲೆ ಆಹಾರವನ್ನು ತಿನ್ನುವುದರಿಂದ ಹೆಚ್ಚುವರಿ ಪ್ರಯೋಜನಗಳು
ಬಾಳೆ ಎಲೆಗಳಲ್ಲಿ ಪ್ರತಿದಿನ ಆಹಾರ ಸೇವನೆ ಕೂದಲನ್ನು ಆರೋಗ್ಯವಾಗಿಡುತ್ತದೆ.
ಬಾಳೆ ಎಲೆಯಲ್ಲಿ ತಿನ್ನುವುದರಿಂದ ಹೊಟ್ಟೆಗೆ ಸಂಬಂಧಿಸಿದ ರೋಗಗಳಾದ ಮಲಬದ್ಧತೆ, ಅಜೀರ್ಣ, ಗ್ಯಾಸ್ ಸಮಸ್ಯೆ ದೂರಮಾಡುತ್ತದೆ.
ಸೊಪ್ಪು ತರಕಾರಿಗಳಂತೆ ಬಾಳೆಎಲೆಗಳಲ್ಲಿ ವಿವಿಧ ರೀತಿಯ ಆಂಟಿ ಆಕ್ಸಿಡೆಂಟುಗಳಿವೆ.