ನಮ್ಮ ಕೈಗಳು ಎಲ್ಲೆಲ್ಲಿಯೂ ಮುಟ್ಟುತ್ತೆ. ದಿನಾಲೂ ಏನೇನೋ ವಸ್ತುಗಳನ್ನು ಮುಟ್ಟುತ್ತೇವೆ. ಹೀಗಾಗಿ ಕೈಯಲ್ಲಿ ಲಕ್ಷಾಂತರ ಬ್ಯಾಕ್ಟೀರಿಯಾ, ಕ್ರಿಮಿ, ಕೊಳೆ ಇರುತ್ತೆ. ಆದ್ದರಿಂದ ದೇಹದ ಕೆಲವು ಭಾಗಗಳನ್ನು ಬೇಕಿಲ್ಲದೆ ಮುಟ್ಟಬಾರದು. ಇದು ಸೋಂಕು ಹರಡದಂತೆ ತಡೆಯುತ್ತೆ, ಆರೋಗ್ಯ ಕಾಪಾಡುತ್ತೆ. ಈ ಬ್ಯಾಕ್ಟೀರಿಯಾ ದೇಹ ಸೇರಿ ಸೋಂಕು ಉಂಟುಮಾಡಬಹುದು.
26
1.ಮುಖ
ನಮ್ಮ ಮುಖ ತುಂಬಾ ಸೂಕ್ಷ್ಮ. ಕೈಯಲ್ಲಿರೋ ಕೊಳೆ, ಕ್ರಿಮಿಗಳು ಮುಖದ ರಂಧ್ರಗಳನ್ನು ಮುಚ್ಚಿ ಮೊಡವೆ, ಅಲರ್ಜಿ, ಚರ್ಮದ ಸಮಸ್ಯೆ ಉಂಟುಮಾಡಬಹುದು. ಮುಖ ಮುಟ್ಟೋದ್ರಿಂದ ಕ್ರಿಮಿಗಳು ಕಣ್ಣು, ಮೂಗು, ಬಾಯಿ ಮೂಲಕ ದೇಹ ಸೇರಿ ಕಣ್ಣಿನ ಅಲರ್ಜಿ, ಶೀತ ಇತ್ಯಾದಿ ಸೋಂಕು ಉಂಟುಮಾಡುತ್ತೆ. ಮುಖ ತೊಳೆಯುವಾಗ, ಸ್ನಾನ ಮಾಡುವಾಗ, ಚರ್ಮದ ಉತ್ಪನ್ನ ಬಳಸುವಾಗ ಮಾತ್ರ ಮುಖ ಮುಟ್ಟಬೇಕು. ಬೇರೆ ಸಮಯದಲ್ಲಿ ಬೇಕಿಲ್ಲದೆ ಮುಖ ಮುಟ್ಟಬಾರದು.
36
2.ಕಿವಿ
ಕೆಲವರು ಕಿವಿ ತುರಿಕೆ ಅಂತ ಕಿವಿ ಕೆರೆಯುತ್ತಲೇ ಇರ್ತಾರೆ. ಅದು ಚಟವಾಗಬಹುದು. ಕಿವಿಯ ಕಾಲುವೆ ತುಂಬಾ ಮೃದು. ಬೆರಳು, ಉಕ್ಕು, ಹೇರ್ಪಿನ್ಗಳನ್ನು ಕಿವಿಗೆ ಹಾಕೋದು, ಉಗುರುಗಳಿಂದ ಕೆರೆಯೋದು ಕಿವಿಯ ಒಳಚರ್ಮಕ್ಕೆ ಹಾನಿ ಮಾಡಬಹುದು. ಇದರಿಂದ ಕಿವಿ ಸೋಂಕು, ನೋವು, ತುರಿಕೆ ಉಂಟಾಗಬಹುದು. ಕೆಲವೊಮ್ಮೆ ಕೇಳುವ ಶಕ್ತಿ ಕಡಿಮೆಯಾಗಬಹುದು.
46
3.ಕಣ್ಣುಗಳು
ಕಣ್ಣುಗಳು ದೇಹದ ಅತಿಸೂಕ್ಷ್ಮ ಭಾಗ. ಕಣ್ಣುಗಳನ್ನು ಆಗಾಗ ಕೈಗಳಿಂದ ಉಜ್ಜುವುದು ಅಥವಾ ಮುಟ್ಟುವುದರಿಂದ ಕೈಯಲ್ಲಿರುವ ಕ್ರಿಮಿಗಳು ಕಣ್ಣಿಗೆ ಸೇರಿ ಸೋಂಕು ಉಂಟುಮಾಡಬಹುದು. ಧೂಳು ಅಥವಾ ಬೇರೆ ವಸ್ತುಗಳು ಕಣ್ಣಿಗೆ ಬಿದ್ದರೆ ಸ್ವಚ್ಛ ನೀರಿನಿಂದ ತೊಳೆಯಬೇಕು. ಕಣ್ಣುಗಳನ್ನು ಜೋರಾಗಿ ಉಜ್ಜುವುದು, ಒತ್ತುವುದು ರೆಟಿನಾಗೆ ಹಾನಿ ಮಾಡಬಹುದು. ಕಣ್ಣುಗಳನ್ನು ಆಗಾಗ ನೀರಿನಿಂದ ತೊಳೆಯುವುದು, ವೈದ್ಯರ ಸಲಹೆಯಂತೆ ಡ್ರಾಪ್ಸ್ ಬಳಸುವುದು ಒಳ್ಳೆಯದು. ಕೊಳಕು ಕೈಗಳಿಂದ ಕಣ್ಣು ಮುಟ್ಟಬಾರದು.
56
4. ಬಾಯಿ
ನಮ್ಮ ಬಾಯಲ್ಲಿ ಹಲವು ಬಗೆಯ ಬ್ಯಾಕ್ಟೀರಿಯಾ ಇರುತ್ತೆ. ಆದರೆ ಇವು ಹೆಚ್ಚಾಗಿ ಹಾನಿ ಮಾಡೋದಿಲ್ಲ. ಆದರೆ ಕೈಯಲ್ಲಿರೋ ಬ್ಯಾಕ್ಟೀರಿಯಾ ಬಾಯಿ ಮೂಲಕ ದೇಹ ಸೇರಿ ಸೋಂಕು ಉಂಟುಮಾಡಬಹುದು. ವಿಶೇಷವಾಗಿ ಹೊಟ್ಟೆ ಸಂಬಂಧಿ ಸೋಂಕುಗಳು ಉಂಟಾಗಬಹುದು. ಶೀತ, ಕೆಮ್ಮಿನ ಸಮಯದಲ್ಲಿ ಬಾಯಿ ಮುಟ್ಟೋದ್ರಿಂದ ಬೇರೆ ಕ್ರಿಮಿಗಳು ಹರಡಬಹುದು. ಆದ್ದರಿಂದ ಕೈ ಸ್ವಚ್ಛವಾಗಿ ತೊಳೆದ ಮೇಲೆ ಮಾತ್ರ ಬಾಯಿ ಮುಟ್ಟಬೇಕು. ಅದೇ ರೀತಿ ಮೂಗಿನೊಳಗೆ ಬೆರಳು ಹಾಕೋದು, ಮೂಗು ಸ್ವಚ್ಛ ಮಾಡೋಕೆ ಕೆರೆಯೋದನ್ನೂ ಮಾಡಬಾರದು.
66
5. ಉಗುರು
ಉಗುರು ಮತ್ತು ಉಗುರಿನ ಒಳಭಾಗದಲ್ಲಿ ಕ್ರಿಮಿ, ಬ್ಯಾಕ್ಟೀರಿಯಾ ಇರುತ್ತೆ. ಈ ಭಾಗಗಳನ್ನು ಬೇಕಿಲ್ಲದೆ ಮುಟ್ಟೋದು ಅಥವಾ ಉಗುರು ಕಚ್ಚೋದು ಮಾಡಬಾರದು. ಇದರಿಂದ ಉಗುರಿನ ಭಾಗದಲ್ಲಿರೋ ಕ್ರಿಮಿ, ಬ್ಯಾಕ್ಟೀರಿಯಾ ದೇಹ ಸೇರಬಹುದು. ಕೈ ತೊಳೆಯುವಾಗ ಉಗುರಿನ ಒಳಭಾಗವನ್ನು ಸ್ವಚ್ಛವಾಗಿ ತೊಳೆಯಬೇಕು ಮತ್ತು ಉಗುರುಗಳನ್ನು ಸರಿಯಾಗಿ ಕತ್ತರಿಸಿ ಪಾಲಿಶ್ ಮಾಡಬೇಕು. ಕನಿಷ್ಠ 20 ಸೆಕೆಂಡುಗಳ ಕಾಲ ಸೋಪು, ನೀರು ಬಳಸಿ ಕೈ ತೊಳೆಯಬೇಕು. ಸೋಪು, ನೀರು ಇಲ್ಲದ ಜಾಗದಲ್ಲಿ ಆಲ್ಕೋಹಾಲ್ ಇರೋ ಸ್ಯಾನಿಟೈಸರ್ ಬಳಸಬಹುದು. ಈ ಸರಳ ಸ್ವಚ್ಛತಾ ಅಭ್ಯಾಸಗಳಿಂದ ನಾವು ಆರೋಗ್ಯವಾಗಿರಬಹುದು.
