ಭರ್ಜರಿ ಊಟದ ನಂತ್ರ ಹೊಟ್ಟೆ ಅಸ್ವಸ್ಥ: ಜೀರಾ ಕೂಲರ್ ಕುಡೀರಿ, ಇಲ್ಲಿದೆ ಸುಲಭ ರೆಸಿಪಿ

ಆಹಾ ಬಾಯಿಗೆ ರುಚಿ ಅಂತ ಸಿಕ್ಕಿದ್ದೆಲ್ಲಾ ತಿಂದು ಹೊಟ್ಟೆ ಭಾರ ಆಗೋದು ಸಹಜ. ಇನ್ನು ವಿಶೇಷ ಔತಣ ಅಂದ್ರೆ ಹೊಟ್ಟೆ ಸಾಕು ಅಂದ್ರೂ ನಾಲಗೆಯ ಒತ್ತಾಯಕ್ಕೆ ಮಣಿದು ತುಸು ಹೆಚ್ಚೇ ತಿನ್ನುತ್ತೇವೆ.

211

ತಟ್ಟೆ ತುಂಬಾ ವಿವಿಧ ಖಾದ್ಯ ಇಟ್ಟು ತಿನ್ನೋದೇನೋ ಚಂದ.. ಆಮೇಲಿನ ಕಷ್ಟ ಬೇಕಾ..?

311

ಬೇಕಾಬಿಟ್ಟಿ ತಿಂದು ಹೊಟ್ಟೆ ತಳಮಳ, ಉಬ್ಬರಿಸೋದು, ಸುಸ್ತು ಹೀಗೆ ಏನೇನೋ ಆಗಲಾರಂಭಿಸಿ ಯಾಕಾದ್ರೂ ತಿಂದೆನೋ ಎಂದೆನಿಸಿಬಿಡುವಂತಾಗುತ್ತದೆ.

411

ಇದರಿಂದ ಅಸಿಡಿಟಿ, ಅಜೀರ್ಣ ಸೇರಿ ಹಲವು ಸಮಸ್ಯೆಗಳೂ ಉಂಟಾಗಬಹುದು.

511

ಜೀರಾ ನೀರು ಕುಡಿಯೋದರ ಬದಲು ನಿಮ್ಮ ಹೊಟ್ಟೆ ತಳಮಳ ತಕ್ಷಣ ಗುಣಮಾಡಲು ಇಲ್ಲಿದೆ ಜೀರಾ ಕೂಲರ್ ರೆಸಿಪಿ

611

ಈ ರೆಸಿಪಿಯಲ್ಲಿ ಜೀರಿಗೆ ಜೊತೆ ಉಪ್ಪು, ಲಿಂಬೆ ರಸದ ಗುಣವೂ ಸೇರುತ್ತದೆ.

711

ಜೀರಾ ಕೂಲರ್ ತಯಾರಿಸೋಕೆ ಏನೇನು ಬೇಕು: 2 ಗ್ಲಾಸ್ ನೀರು, 2-3 ಚಮಚ ಜೀರಿಗೆ, ಉಪ್ಪು, ಅರ್ಧ ಚಮಚಕ್ಕಿಂತ ಕಡಿಮೆ ಮೆಣಸಿನ ಹುಡಿ, ರುಚಿಗೆ ತಕ್ಕಂತೆ ಲಿಂಬೆ ರಸ, ಸಕ್ಕರೆ/ಜೇನು, ಒಂದೆರಡು ಪುದೀನಾ ಎಲೆ, ಸೋಡಾ

811

ಮಾಡುವ ವಿಧಾನ: ಪುದೀನಾ ಸೊಪ್ಪನ್ನು ಸಣ್ಣಗೆ ಜಜ್ಜಿ ಬದಿಗಿಡಿ. ಜೀರಿಗೆಯನ್ನು ಪರಿಮಳ ಬಿಡುವಷ್ಟು ಹುರಿಯಿರಿ. ಜೀರಿಗೆಗೆ ನೀರು ಸೇರಿಸಿ ಕುದಿಸಿ.

911

ಮೀಡಿಯಂ ಫ್ಲೇಮ್‌ನಲ್ಲಿಟ್ಟು 5-10 ನಿಮಿಷ ಕುದಿಸಿ. ನಂತರ ಇಳಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.

1011

ಇನ್ನನು ಗ್ಲಾಸ್ ತಗೊಂಡು ಕಾಲು ಗ್ಲಾಸ್‌ನಷ್ಟು ಜೀರಾ ರಸ ಹಾಕಿ. ಜಜ್ಜಿದ ಪುದೀನಾ ಸೊಪ್ಪು ಹಾಕಿ, ಉಪ್ಪು, ಲಿಂಬೆ ರಸ, ಮೆಣಸಿನ ಹುಡಿ, ಸಕ್ಕರೆ/ ಜೇನು ಬೆರೆಸಿ ಮಿಕ್ಸ್ ಮಾಡಿ.

1111

ನಂತರ ಸೋಡಾ ಬೆರೆಸಿ. ಸ್ವಲ್ಪ ಐಸ್ ಸೇರಿಸಿಕೊಳ್ಳಿ. ಸೋಡಾ ಇಷ್ಟವಿಲ್ಲದಿದ್ದರೆ ತಣ್ಣೀರು ಸೇರಿಸಬಹುದು. ಹಾಗೆ ನೀರು ಸೇರಿಸೋದಾದರೆ ಅರ್ಧ ಗ್ಲಾಸ್ ಜೀರಾ ನೀರು ಸೇರಿಸಿ

ಭರ್ಜರಿ ಊಟದ ನಂತ್ರ ಜಡವಾಗಿ ಸುಸ್ತು ಅನಿಸುತ್ತಾ..? ಹಾಗಾದ್ರೆ ಜೀರಾ ಕೂಲರ್ ಮಾಡಿ ಕುಡೀರಿ.. ಇಲ್ಲಿದೆ ಸುಲಭ ರೆಸಿಪಿ

Download App

Recommended Stories