ನಾವು ಪ್ರತಿದಿನ ಒಂದೊಂದು ಖಾದ್ಯ ಮಾಡಿ ತಿನ್ನುತ್ತೇವೆ. ಯಾಕಂದ್ರೆ ಹೊಟ್ಟೆ ತುಂಬಲೇಬೇಕು. ಅದಕ್ಕಾಗಿಯೇ ಅಲ್ವಾ ರುಚಿರುಚಿಯಾದ ಅಡುಗೆ ಮಾಡಿ ತಿನ್ನೋದು. ನೀವು ರೆಗ್ಯುಲರ್ ಆಗಿ ಮಾದಿ ತಿನ್ನೋ ಕೆಲವೊಂದು ಆಹಾರಗಳು ಭಾರತದ್ದೇ ಅಲ್ಲ, ಮೊಘಲರು ಅದನ್ನ ಇಲ್ಲಿ ತಂದಿದ್ದು ಅನ್ನೋದು ನಿಮಗೆ ಗೊತ್ತಾ?
ಭಾರತ ವೈವಿಧ್ಯಮಯ ಸಂಸ್ಕೃತಿ, ಧರ್ಮಗಳ ತವರೂರು. ಇಲ್ಲಿನ ವೈಬ್ರೆಂಟ್ ಸಂಸ್ಕೃತಿ, ಆಚರಣೆಗಳಿಗೆ ಹೆಚ್ಚಿನ ಜನ ಮನಸೋಲುತ್ತಾರೆ. ಅದರ ಜೊತೆಗೆ ಜನರಿಗೆ ಭಾರತ ತುಂಬಾನೆ ಇಷ್ಟವಾಗೋದು ಇಲ್ಲಿನ ರುಚಿಯಾದ ಆಹಾರಗಳಿಂದ. ಭಾರತದ ಅದೆಷ್ಟೋ ಆಹಾರಗಳು, ಇವತ್ತು ವಿದೇಶಿಯರ ಬಾಯಲ್ಲಿ ನಲಿದಾಡುತ್ತಿದೆ ಅಂದ್ರೆ, ಅದಕ್ಕೆ ಇಲ್ಲಿನ ಆಹಾರಗಳ ರುಚಿಯೇ ಕಾರಣ. ಹಾಗಂತ ಇಲ್ಲಿ ನಾವು ತಿನ್ನೋ ಎಲ್ಲಾ ರುಚಿಕರವಾದ ತಿಂಡಿ ನಮ್ಮ ದೇಶದಲ್ಲೇ ಹುಟ್ಟಿಕೊಂಡಿದ್ದು ಅಲ್ಲ ಅನ್ನೋದು ನಿಮಗೆ ಗೊತ್ತಾ? ಹೌದು ಈ ಎಂಟು ಜನಪ್ರಿಯ ಆಹಾರಗಳು (popular Indian dishes) ಭಾರತದ್ದೆ ಅಲ್ವಂತೆ, ಮೊಘಲರು ಇಲ್ಲಿಗೆ ತಂದಂತಹ ಆಹಾರಗಳಿವು.
ಬಿರಿಯಾನಿ (Biriyani) : ಬಿರಿಯಾನಿ ಹೆಸರು ಕೇಳೋವಾಗ್ಲೇ ಬಾಯಲ್ಲಿ ನೀರು ಬರುತ್ತೆ ಅಲ್ವಾ? ಚಿಕನ್, ಮಟನ್, ಕೆಲವೊಮ್ಮೆ ವೆಜಿಟೇಬಲ್ಸ್, ಮೊಟ್ಟೆಯಿಂದಲೂ ತಯಾರಿಸಬಹುದಾದಂತಹ, ವಿವಿಧ ಪರಿಮಳಯುಕ್ತ ಮಸಾಲೆಯಿಂದ ಮಾಡಿದ ಈ ರುಚಿಕರವಾದ ರೈಸ್ ಭಾರತದ್ದು ಅಲ್ವೇ ಅಲ್ಲ ಅನ್ನೋದು ಗೊತ್ತಾ ನಿಮಗೆ?
ಕಬಾಬ್ (kebab) : ಮಟನ್ -ಚಿಕನ್ ನ್ನು ಗ್ರಿಲ್ ಅಥವಾ ಡೀಪ್ ಫ್ರೈ ಮಾಡಿ ಮಾಡಬಹುದಾದಂತಹ ಟೇಸ್ಟಿಯಾದ ಕಬಾಬ್ ನೀವು ಬಾಯಿ ಚಪ್ಪರಿಸಿಕೊಂಡು ತಿಂದಿರಬಹುದು ಅಲ್ವಾ? ಇದು ಕೂಡ ನಮ್ಮ ದೇಶದ್ದಲ್ಲ.
ಪುಲಾವ್ (Pulao) : ಹೆಚ್ಚಾಗಿ ಪ್ರತಿ ಮನೆಮನೆಯಲ್ಲೂ ಮಾರ್ನಿಂಗ್ ಬ್ರೇಕ್ ಫಾಸ್ಟ್ ಗೆ ತಯಾರಿಸುವ ವಿವಿಧ ತರಕಾರಿಗಳನ್ನು ಬೆರೆಸಿ ಮಾಡಿರುವ ಪುಲಾವ್ ನಮ್ಮದ್ದೆ ಅಂದ್ಕೊಂಡ್ರಾ? ಅದು ಕೂಡ ನಮದ್ದಲ್ಲ.
ನಾನ್ (Naan) : ಇದು ನಮ್ಮ ದೇಶದ್ದಲ್ಲ ಅನ್ನೋದು ನಿಮಗೆ ಗೊತ್ತೇ ಇರಬಹುದು ಅಲ್ವಾ? ಮೈದಾದಿಂದ ಮಾಡುವಂತಹ ನಾನ್ ಕೂಡ ಮೊಘಲರು ಭಾರತಕ್ಕೆ ಬಂದಾಗ ಬಳಸುತ್ತಿದ್ದಂತಹ ಆಹಾರವಾಗಿದೆ.
ಜಿಲೇಬಿ (Jalebi) : ಸಿಹಿ ತಿಂಡಿಗಳ ಸಾಲಿನಲ್ಲಿ ಪ್ರಮುಖ ಸ್ಥಾನ ಪಡೆದಿರುವ ಮೈದಾವನ್ನು ಡೀಪ್ ಫ್ರೈ ಮಾಡಿ, ನಂತ್ರ ಶುಗರ್ ಸಿರಪ್ ನಲ್ಲಿ ಅದ್ದಿ ತೆಗೆಯುವಂತಹ ಜಿಲೇಬಿ ಮೊಘಲರ ತಿಂಡಿ.
ಶಾಹಿ ಟುಕ್ಡಾ (Shahi Tukda): ಬ್ರೆಡ್ ನ್ನು ತುಪ್ಪದಲ್ಲಿ ಕರಿದು, ಅದನ್ನ ಸಿಹಿಯಾದ ಹಾಲಿನಲ್ಲಿ ಅದ್ದಿ, ಅದರ ಮೇಲೆ ಡ್ರೈ ಫ್ರುಟ್ಸ್ ಗಳನ್ನು ಹಾಕಿ ತಿನ್ನುವಂತಹ ರುಚಿಕರವಾದ ಸಿಹಿ ತಿನಿಸು ಶಾಹಿ ಟುಕ್ಡಾ ಮೊಘಲರ ಕೊಡುಗೆ.
ಕೂರ್ಮ (Kurma) : ಚಪಾತಿ, ರೋಟಿ, ಪೂರಿ ಜೊತೆ ಅಥವಾ ಗೀ ರೈಸ್, ಅನ್ನದ ಜೊತೆ ಬೆರೆಸಿ ತಿನ್ನಬಹುದಾದಂತಹ ಟೇಸ್ಟಿಯಾದ ಮಾಂಸದಿಂದ ಅಥವಾ ತರಕಾರಿ ಹಾಕಿ ಮಾಡಿರುವಂತಹ ಡಿಶ್ ಕೂರ್ಮ. ಇದು ಕೂಡ ಮೊಘಲರಿಂದ ಬಂದದ್ದು.
ಫಲೂಡ (Falooda) : ಐಸ್ ಕ್ರೀಂ ನ ಸಾಲಿನಲ್ಲಿ ಸ್ಥಾನ ಪಡೆದಿರುವ ಹಾಲು, ರೋಸ್ ಸಿರಪ್, ಶ್ಯಾವಿಗೆ, ಕಸ್ ಕಸ್ ಅಥವಾ ಸಬ್ಜಾ ಬೀಜಗಳನ್ನು ಬಳಸಿ ಮಾಡುವಂತಹ ಫಲೂಡ ಪರ್ಷಿಯನ್ ಸಂಸ್ಕೃತಿಯಿಂದ ಪ್ರೇರಣೆ ಪಡೆದಿದೆ.