Indian Dishes: ಯಾವ ಟೈಮಲ್ಲೂ ತಿನ್ನೋದಕ್ಕೆ ಬೆಸ್ಟ್ ಆಗಿರುತ್ತೆ ಭಾರತದ ಈ 7 ತಿಂಡಿಗಳು

ಭಾರತದ ಪ್ರತಿಯೊಂದು ಪ್ರದೇಶದಲ್ಲೂ,ಅದರದ್ದೇ ಆದ ವಿಭಿನ್ನವಾದ ಆಹಾರಗಳಿವೆ. ಎಲ್ಲವೂ ಬೇರೆ ಬೇರೆ ರುಚಿಯನ್ನು ಹೊಂದಿರುತ್ತೆ. ಅಂತಹ ಬಲು ರುಚಿಯಾದ, ಬಾಯಲ್ಲಿ ನೀರೂರಿಸುವ ಭಾರತದ ಕೆಲವು ಪ್ರಸಿದ್ಧ ಆಹಾರಗಳ ಬಗ್ಗೆ ತಿಳಿಯೋಣಾ.

ಭಾರತವು ಸಂಸ್ಕೃತಿ ಮತ್ತು ಸಂಪ್ರದಾಯಗಳ ದೇಶ ಮಾತ್ರವಲ್ಲ, ಅದರ ಆಹಾರವು ಪ್ರಪಂಚದಾದ್ಯಂತ ಬಹಳ ಪ್ರಸಿದ್ಧವಾಗಿದೆ. ಪ್ರತಿಯೊಂದು ರಾಜ್ಯ, ಪ್ರತಿಯೊಂದು ನಗರ ಮತ್ತು ಪ್ರತಿಯೊಂದು ಬೀದಿ ತನ್ನದೇ ಆದ ವಿಶೇಷತೆಯನ್ನು ಹೊಂದಿದೆ. ಮಸಾಲೆಗಳು, ದೇಸಿ ತಡ್ಕಾ ಮತ್ತು ವಿವಿಧ ರೀತಿಯ ಭಕ್ಷ್ಯಗಳ ಸುವಾಸನೆಯು ಭಾರತಕ್ಕೆ ಅಂತರರಾಷ್ಟ್ರೀಯ ಮಾನ್ಯತೆಯನ್ನು ನೀಡಿದೆ. ನೀವು ಆಹಾರ ಪ್ರಿಯರಾಗಿದ್ರೆ ಈ 7 ಭಾರತೀಯ ಆಹಾರಗಳನ್ನು(Indian cuisines) ಟ್ರೈ ಮಾಡ್ಲೇಬೇಕು, ಏಕೆಂದರೆ ಅವುಗಳ ಹೆಸರನ್ನು ಕೇಳಿದ್ರೆ, ಹಸಿವು ಹೆಚ್ಚಾಗಿ, ಬಾಯಲ್ಲಿ ನೀರು ಬರೋದು ಖಚಿತಾ.

ಬಟರ್ ಚಿಕನ್

ಮಾಂಸಾಹಾರಿಗಳ ಮೊದಲ ಆಯ್ಕೆ ಬಟರ್ ಚಿಕನ್ (Butter Chicken), ಅವರು ಇದನ್ನು ಇಷ್ಟಪಟ್ಟು ತಿನ್ನುತ್ತಾರೆ. ಕ್ರೀಮಿ ಗ್ರೇವಿಯಲ್ಲಿ ತಯಾರಿಸಿದ ಈ ಖಾದ್ಯವನ್ನು ಭಾರತದಲ್ಲಿ ಮಾತ್ರವಲ್ಲದೆ ವಿದೇಶಗಳಲ್ಲಿಯೂ ಹೆಚ್ಚಾಗಿ ತಿನ್ನಲಾಗುತ್ತದೆ. ನಾನ್ ಅಥವಾ ಬಟರ್ ನಾನ್ ನೊಂದಿಗೆ ತಿನ್ನುವುದರಿಂದ ಅದರ ರುಚಿ ತುಂಬಾ ಹೆಚ್ಚಾಗುತ್ತದೆ.

ಹೈದರಾಬಾದಿ ಬಿರಿಯಾನಿ

ನೀವು ಬಿರಿಯಾನಿ ಪ್ರಿಯರಾಗಿದ್ದರೆ, ಹೈದರಾಬಾದಿ ಬಿರಿಯಾನಿ (Hyderabadi Biriyani) ತಿನ್ನದೇ ಇದ್ದರೆ ಹೇಗೆ ಅಲ್ವಾ?. ತೆಲಂಗಾಣದ ಹೈದರಾಬಾದ್ ನಗರದಿಂದಲೇ ಪ್ರಸಿದ್ಧವಾಗಿರುವ ಹೈದರಾಬಾದಿ ಬಿರಿಯಾನಿ, ಮಸಾಲೆಗಳು, ಅನ್ನ ಮತ್ತು ಮಟನ್ ಅಥವಾ ಕೋಳಿ ಮಾಂಸದ ಅತ್ಯುತ್ತಮ ಕಾಂಬಿನೇಶನ್ ಆಗಿದೆ. ಇದರಿಂದ ಹೊರಹೊಮ್ಮುವ ಸುವಾಸನೆಯು ಬಾಯಲ್ಲಿ ನೀರೂರಿಸುತ್ತೆ.

ದೋಸೆ

ನೀವು ದಕ್ಷಿಣ ಭಾರತಕ್ಕೆ ಹೋದರೆ, ನಿಮಗೆ ಬಹಳ ವೆರೈಟಿ ದೋಸೆ (dosa varieties)ತಿನ್ನಲು ಅವಕಾಶ ಸಿಗುತ್ತದೆ. ಈಗ ಇದು ಕೇವಲ ದಕ್ಷಿಣ ಭಾರತೀಯ ಆಹಾರವಲ್ಲ, ಬದಲಾಗಿ ದೇಶದ ಪ್ರತಿಯೊಂದು ಮೂಲೆಯಲ್ಲೂ ದೋಸೆ ತಿನ್ನಲು ಅವಕಾಶ ಸಿಗುತ್ತದೆ. ಸಾಂಬಾರ್ ಮತ್ತು ತೆಂಗಿನಕಾಯಿ ಚಟ್ನಿಯೊಂದಿಗೆ ಇದರ ರುಚಿ ಡಬಲ್ ಆಗಿರುತ್ತೆ.

ಚೋಲೆ ಭತುರೆ

ಉತ್ತರ ಭಾರತದಲ್ಲಿ ಚೋಲೆ ಭತುರೆ (Chole Bhatura) ಬಹಳ ಪ್ರಸಿದ್ಧ. ಪೂರಿಗಿಂತಲೂ ದೊಡ್ಡದಾದ ಬತೂರೆ ಮತ್ತು ಖಾರದ ಕಡಲೆಯ ಮಸಾಲೆ ಹೆಚ್ಚಿನ ಎಲ್ಲಾ ಆಹಾರ ಪ್ರಿಯರ ಮೊದಲ ಆಯ್ಕೆಯಾಗಿರುತ್ತೆ. ಅನೇಕ ಜನರು ಇದನ್ನ ಬೆಳಗ್ಗೆ ಬ್ರೇಕ್ ಫಾಸ್ಟ್ ಗೆ ಸೇವಿಸಿದ್ರೆ, ಇನ್ನೂ ಕೆಲವರು ಸಂಜೆ ಸೇವಿಸ್ತಾರೆ. ಆದರೆ ಇದನ್ನ ಹೆಚ್ಚಾಗಿ ತಿನ್ನೋದು ಆರೋಗ್ಯಕ್ಕೆ ಹಾನಿಕಾರಕ.

ಪಾವ್ ಭಾಜಿ

ನೀವು ಮುಂಬೈಗೆ ಹೋದರೆ, ಪಾವ್ ಭಾಜಿ (Pav Bhaji) ಮಿಸ್ ಮಾಡುವಂತಿಲ್ಲ. ಬೆಣ್ಣೆಯಲ್ಲಿ ಹುರಿದ ಪಾವ್ ಅನ್ನು, ಭಾಜಿಯೊಂದಿಗೆ ಬಡಿಸಲಾಗುತ್ತದೆ. ಇದು ದೇಶದ ಬಹುತೇಕ ಎಲ್ಲಾ ನಗರಗಳಲ್ಲಿ ಲಭ್ಯವಿದೆ, ಆದರೆ ನೀವು ಮುಂಬೈನಲ್ಲಿ ಬೆಸ್ಟ್ ಪಾವ್ ಭಾಜಿಯನ್ನು ತಿನ್ನಬಹುದು.

ರೋಗನ್ ಜೋಶ್

ನೀವು ಕಾಶ್ಮೀರಕ್ಕೆ ಭೇಟಿ ನೀಡಿದರೆ, ರೋಗನ್ ಜೋಶ್ (Rogan Josh) ತಿನ್ನಲು ಮರೆಯಬೇಡಿ. ಇದು ಜನಪ್ರಿಯ ಮತ್ತು ಐಕಾನಿಕ್ ಕಾಶ್ಮೀರಿ ಮಟನ್ ಕರಿ ಆಗಿದೆ. ಇದು ಮೊಸರು, ಮಸಾಲೆಗಳು ಮತ್ತು ಆರೊಮ್ಯಾಟಿಕ್ ಗಿಡಮೂಲಿಕೆಗಳ ಅದ್ಭುತ ಮಿಶ್ರಣವಾಗಿದೆ.

ಪುರಿ ಸಬ್ಜಿ

ಮದುವೆಯಾಗಿರಲಿ, ಹಬ್ಬವಾಗಲಿ, ಪುರಿ ಸಬ್ಜಿ (Puri and Sabji) ಉತ್ತರ ಭಾರತದಲ್ಲಿ ಸಾಕಷ್ಟು ಪ್ರಸಿದ್ಧವಾಗಿರುವ ಆಹಾರವಾಗಿದೆ. ಪುರಿಯೊಂದಿಗೆ ಮಸಾಲೆಯುಕ್ತ ಆಲೂಗಡ್ಡೆ-ಬಟಾಣಿ ಅಥವಾ ಆಲೂಗಡ್ಡೆ-ಹೂಕೋಸು ಕರಿ ಜನರಿಗೆ ಅಚ್ಚುಮೆಚ್ಚಿನದು.