ಅಂಬಾನಿ ಮನೆಯಲ್ಲಿ ಪ್ರತಿ ದಿನ ಬೆಳಗ್ಗೆ ಬೇಕು 4,000 ರೋಟಿ, ಈತನ ಸ್ಯಾಲರಿ ಸಿಇಒಗಿಂತ ಹೆಚ್ಚು

ಮುಕೇಶ್ ಅಂಬಾನಿ ಆ್ಯಂಟಿಲಿಯಾ ಮನೆಯಲ್ಲಿ ಪ್ರತಿ ದಿನ ಬೆಳಗ್ಗೆ ತಿಂಡಿಗೆ ಬರೋಬ್ಬರಿ 4,000 ರೋಟಿ ಬೇಕು. ರೋಟಿ ಮಾಡಲು ಒಬ್ಬ ಕುಕ್ ನೇಮಕ ಮಾಡಲಾಗಿದೆ. ಈತನ ಕೆಲಸ ಪ್ರತಿ ದಿನ ಬೆಳಗ್ಗೆ 4,000 ರೋಟಿ ಮಾಡುವುದು.ಈತನ ತಿಂಗಳ ಸ್ಯಾಲರಿ ಎಷ್ಟು ಗೊತ್ತಾ?

ಮುಕೇಶ್ ಅಂಬಾನಿ ವಿಶ್ವದ ಶ್ರೀಮಂತ ಉದ್ಯಮಿಗಳಲ್ಲೊಬ್ಬರು. ಅಂಬಾನಿ ಕುಟುಂಬ ಕೂಡ ಶ್ರೀಮಂತ ಕುಟುಂಬ. ಬರೋಬ್ಬರಿ 15,000 ಕೋಟಿ ರೂಪಾಯಿಯ ಆ್ಯಂಟಿಲಿಯಾ ಮನೆಯಲ್ಲಿ ಅಂಬಾನಿ ಕುಟುಂಬ ವಾಸವಿದೆ. 27 ಮಹಡಿಗಳ ಈ ಮನೆಯಲ್ಲಿ ಎಲ್ಲಾ ಐಷಾರಾಮಿತ ತನ ಇದೆ. ಸಿಬ್ಬಂದಿಗಳು,  ಭದ್ರತೆ ಸೇರಿದಂತೆ ಪ್ರತಿಯೊಂದು ಅಚ್ಚುಕಟ್ಟಾಗಿ ನಿರ್ವಹಣೆ ಮಾಡಲಾಗುತ್ತದೆ.  ದಿನದ 24 ಗಂಟೆ ಅಂಬಾನಿ ಮನೆಯಲ್ಲಿ ಸಿಬ್ಬಂದಿಗಳಿರುತ್ತಾರೆ. ವಿಶೇಷ ಅಂದರೆ ಮುಕೇಶ್ ಅಂಬಾನಿಯ ಆ್ಯಂಟಿಲಿಯಾ ಮನೆಯಲ್ಲಿ ಬೆಳಗ್ಗೆ ತಿಂಡಿ ಮಾಡಲು ಎಷ್ಟು ರೋಟಿ ಬೇಕು? ಈ ಪ್ರಶ್ನೆಗೆ ಉತ್ತರ ಬರೋಬ್ಬರಿ 4,000 ಎಂದು ವರದಿಯಾಗಿದೆ.

ಮುಕೇಶ್ ಅಂಬಾನಿಯ ಆ್ಯಂಟಿಲಿಯಾ ಮನೆಯಲ್ಲಿ ಪ್ರತಿ ದಿನ ಬೆಳಗ್ಗೆ ತಿಂಡಿಗೆ 4,000 ರೋಟಿ ಬೇಕು. ಕಾರಣ ಈ ಮನೆಯಲ್ಲಿ ಒಟ್ಟು 600 ಸಿಬ್ಬಂದಿಗಳಿದ್ದಾರೆ. ಈ ಸಿಬ್ಬಂದಿಗಳ ಬೆಳಗಿನ ಉಪಹಾರಕ್ಕೆ ಒಟ್ಟು 4,000 ರೋಟಿ ಮಾಡಲಾಗುತ್ತದೆ. ಇದು ಕೇವಲ 600 ಸಿಬ್ಬಂದಿಗೆ ಮಾತ್ರವಲ್ಲ, ಅಂಬಾನಿ ಮನಗೆ ಹಲವರು ಭೇಟಿ ನೀಡುತ್ತಿರುತ್ತಾರೆ. ಇವರಿಗೂ ಸೇರಿಸಿ ಈ ರೋಟಿ ಮಾಡಲಾಗುತ್ತದೆ. ಪ್ರತಿಯೊಬ್ಬ ಸಿಬ್ಬಂದಿಗೂ ಎಷ್ಟು ಬೇಕಾದರೂ ರೋಟಿ ಪಡೆಯಬಹುದು. ಯಾರಿಗೂ ನಿರ್ಬಂಧವಿಲ್ಲ.

ಅಂಬಾನಿಯ ಆ್ಯಂಟಿಲಿಯಾ ಮನೆಯಲ್ಲಿ ಕುಕಿಂಗ್ ವಿಭಾಗವೇ ಬೇರೆ ಇದೆ. ಅಂಬಾನಿ ಕುಟುಂಬಕ್ಕೆ, ಅಂಬಾನಿ ಮನೆಯ ಸಿಬ್ಬಂದಿಗಳಿಗೆ ಅಡುಗೆ ಮಾಡಲು ಅತೀ ದೊಡ್ಡ ಕುಕಿಂಗ್ ತಂಡವಿದೆ. ಹಲವು ಚೆಫ್‌ಗಳು ಕೆಲಸ ಮಾಡುತ್ತಿದ್ದಾರೆ. ವಿವಿದ ಖಾದ್ಯ ತಯಾರಿಸಿ ಬಡಿಸುತ್ತಾರೆ. ಈ ಪೈಕಿ ರೋಟಿ ಮಾಡಲು ಒಬ್ಬ ಚೆಫ್ ಹಾಗೂ ಸಿಬ್ಬಂದಿ ಇದ್ದಾರೆ. ಇದು ಪ್ರತಿ ದಿನ ಬೆಳಗಿನ ಉಪಾಹರಕ್ಕಾಗಿ ಮಾಡುವ ರೋಟಿ. ಈ ರೋಟಿ ಮಾಡಲು ಒಂದು ತಂಡವಿದೆ.

ರೋಟಿ ಮಾಡುವ ಚೆಫ್ ಈ ವಿಭಾಗದ ಹೆಡ್. ಇನ್ನುಳಿದ ಸಿಬ್ಬಂದಿಗಳು ಈ ಚೆಫ್ ಕೈಕೆಳಗೆ ಕೆಲಸ ಮಾಡುತ್ತಾರೆ. ಈ ಚೆಫ್‌ಗೆ ಮುಕೇಶ್ ಅಂಬಾನಿ ನೀಡುವ ತಿಂಗಳ ಸ್ಯಾಲರಿ ಬರೋಬ್ಬರಿ 2 ಲಕ್ಷ ರೂಪಾಯಿ ಎಂದು ಕೆಲ ಮಾಧ್ಯಮಗಳು ವರದಿ ಮಾಡಿದೆ. ಇದು ಹಲವು ಕಂಪನಿಗಳ ಸಿಇಒ ಸ್ಯಾಲರಿಗಿಂತ ಹೆಚ್ಚು. ಈತನ ಕೆಳಗೆ ಕೆಲಸ ಮಾಡುವ ಸಿಬ್ಬಂದಿಗಳಿಗೂ ಅವರ ಜವಾಬ್ದಾರಿ ಹಾಗೂ ಅನುಭವಕ್ಕೆ ತಕ್ಕಂತೆ ವೇತನ ನೀಡಲಾಗುತ್ತಿದೆ.

ಆ್ಯಂಟಿಲಿಯಾದಲ್ಲಿ ಪ್ರತಿ ದಿನ 4,000 ರೋಟಿ ಮಾಡಲು ಅತ್ಯಾಧುನಿಕ ತಂತ್ರಜ್ಞಾನದ ಮಶಿನ್ ಬಳಕೆ ಮಾಡಲಾಗುತ್ತಿದೆ. ಈ ಮೂಲಕ ಬೆಳಗಿನ ಉಪಹಾರಕ್ಕೆ ತಾಜಾ ರೋಟಿ ಹಾಗೂ ಯಾವುದೇ ಅಡೆ ತಡೆ, ವಿಳಂಬವಿಲ್ಲದ ರೋಟಿ ಮಾಡಲು ಸಾಧ್ಯವಾಗುತ್ತಿದೆ ಎಂದು ವರದಿಯಾಗಿದೆ. ಹಲವು ಮಶಿನ್ ಬಳಕೆ ಮಾಡುವ ಕಾರಣ ಕಡಿಮೆ ಸಮಯದಲ್ಲಿ 4,000 ರೋಟಿ ಮಾಡಲು ಸಾಧ್ಯವಾಗುತ್ತಿದೆ. ಇಷ್ಟೇ ಅಲ್ಲ ಇದಕ್ಕಾಗಿ ಹೆಚ್ಚಿನ ಸಿಬ್ಬಂಧಿಗಳ ಅವಶ್ಯಕತೆ ಇಲ್ಲ.

ಅಂಬಾನಿ ತನ್ನ ಸಿಬ್ಬಂದಿಗಳ ಯೋಗಕ್ಷೇಮ ಕುರಿತು ಕಾಳಜಿ ವಹಿಸುತ್ತಾರೆ. ತಯಾರಿಸುವ ಆಹಾರ, ಖಾದ್ಯಗಳು ಹೈಜೀನಿಕ್ ಆಗಿರಬೇಕು. ಇದು ಕಡ್ಡಾಯ. ಇನ್ನು ಅತೀವ ಮುತುವರ್ಜಿಯಿಂದ ಆಹಾರವನ್ನು ಸಿಬ್ಬಂದಿಗಳಿಗೆ ನೀಡಲು ಸೂಚಿಸಿದ್ದಾರೆ. ಕೆಲಸದ ಸಮಯ, ವೇತನ ಸೇರಿದಂತೆ ಎಲ್ಲಾ ವಿಚಾರದಲ್ಲಿ ಮುಕೇಶ್ ಅಂಬಾನಿ ಶಿಸ್ತು ಕಾಪಾಡಿಕೊಂಡು ಬಂದಿದ್ದಾರೆ. ಹೀಗಾಗಿ ಅಂಬಾನಿ ಮನೆಯಲ್ಲಿ ಕೆಲಸ ಗಿಟ್ಟಿಸಿಕೊಂಡ ಉದ್ಯೋಗಿಗಳು ನಿವೃತ್ತಿವರೆಗೆ ತಲೆಬಿಸಿ ಇಲ್ಲದೆ ಇರುತ್ತಾರೆ.