15 ದಿನಗಳವರೆಗೆ ಕೆಡದಂತೆ ಹಸಿಮೆಣಸಿನಕಾಯಿ ತಾಜಾ ಇರಲು ಏನು ಮಾಡಬೇಕು? ಗೃಹಿಣಿಯರೇ ಇಲ್ಲಿವೆ ಸಿಂಪಲ್ ಟಿಪ್ಸ್!

ಹಸಿಮೆಣಸಿನಕಾಯಿ ತಾಜಾ ಆಗಿಡೋಕೆ ಏನ್ ಮಾಡ್ಬೇಕು ಗೊತ್ತಾ? ಸಿಂಪಲ್ ಟಿಪ್ಸ್ ಇಲ್ಲಿವೆ, ಒಮ್ಮೆ ನೋಡೋಣ...    

ಅಡುಗೆ ಮನೇಲಿ ಹಸಿಮೆಣಸಿನಕಾಯಿ ತುಂಬಾ ಉಪಯೋಗಿಸ್ತೀವಿ. ಖಾರಕ್ಕೆ ಮಾತ್ರ ಅಲ್ಲ, ರುಚಿ ಹೆಚ್ಚಿಸೋಕೂ ಹಸಿಮೆಣಸಿನಕಾಯಿ ಬೇಕೇ ಬೇಕು. ಚಟ್ನಿಗೆ ಮಾತ್ರ ಅಲ್ಲ, ಪಲ್ಯ, ಸಾರುಗೂ ಹಸಿಮೆಣಸಿನಕಾಯಿ ರುಚಿ ತರುತ್ತೆ. ತಾಜಾ ಹಸಿಮೆಣಸಿನಕಾಯಿ ತಂದ್ರೂ ಸ್ವಲ್ಪ ದಿನದಲ್ಲೇ ಒಣಗಿ ಹೋಗುತ್ತೆ. ಹೆಚ್ಚು ದಿನ ಇದ್ರೆ ಹಾಳಾಗುತ್ತೆ. ಹಾಗಾದ್ರೆ ಹಸಿಮೆಣಸಿನಕಾಯಿ ತಾಜಾ ಆಗಿಡೋಕೆ ಏನ್ ಮಾಡ್ಬೇಕು?

ಜಿಪ್‌ಲಾಕ್ ಬ್ಯಾಗ್: ಹಸಿಮೆಣಸಿನಕಾಯಿ ತಂದ ತಕ್ಷಣ ತೊಳೆದು ಒಣಗಿಸಿ. ಕಾಂಡ ತೆಗೆದು ಜಿಪ್‌ಲಾಕ್ ಬ್ಯಾಗ್‌ನಲ್ಲಿಟ್ಟರೆ 15 ದಿನ ತಾಜಾ ಇರುತ್ತೆ. ಗಾಳಿ ಹೋಗದ ಹಾಗೆ ನೋಡ್ಕೊಳ್ಳಿ. ಫ್ರಿಡ್ಜ್‌ನಲ್ಲೂ ಇಡಬಹುದು.

ಪ್ಲಾಸ್ಟಿಕ್ ಬ್ಯಾಗ್: ಜಿಪ್‌ಲಾಕ್ ಬ್ಯಾಗ್ ಇಲ್ದಿದ್ರೆ ಪ್ಲಾಸ್ಟಿಕ್ ಬ್ಯಾಗ್‌ನಲ್ಲಿ ಗಾಳಿ ಹೋಗದ ಹಾಗೆ ಇಡಿ. ಮೆಣಸಿನಕಾಯಿ ಒಣಗಿದ ಮೇಲೆ ಪ್ಲಾಸ್ಟಿಕ್ ಬ್ಯಾಗ್‌ನಲ್ಲಿ ಗಾಳಿ ಹೋಗದ ಹಾಗೆ ಪ್ಯಾಕ್ ಮಾಡಿ ಫ್ರಿಡ್ಜ್‌ನಲ್ಲಿಡಿ. ಹೀಗೆ ಮಾಡಿದ್ರೆ ಮೆಣಸಿನಕಾಯಿ ತಾಜಾ ಇರುತ್ತೆ.

ಟಿಶ್ಯೂ ಪೇಪರ್: ಹಸಿಮೆಣಸಿನಕಾಯಿ ತಾಜಾ ಆಗಿರೋಕೆ ಟಿಶ್ಯೂ ಪೇಪರ್ ಉಪಯೋಗಿಸಬಹುದು. ಮೆಣಸಿನಕಾಯಿ ತೊಳೆದು ಕಾಂಡ ತೆಗೆಯಿರಿ. ನೀರು ಸೋರಿ ಹೋದ ಮೇಲೆ ಟಿಶ್ಯೂ ಪೇಪರ್‌ನಲ್ಲಿ ಸುತ್ತಿಡಿ. ಹೀಗೆ ಮಾಡಿದ್ರೆ ಒಂದು ತಿಂಗಳು ತಾಜಾ ಇರುತ್ತೆ.

ಹಾಳಾದ ಹಸಿಮೆಣಸಿನಕಾಯಿ: ಹಸಿಮೆಣಸಿನಕಾಯಿ ಕಪ್ಪಾಗ್ತಾ ಇದ್ರೆ ಹಾಳಾಗಿದೆ ಅಂತ ಅರ್ಥ. ಹಾಳಾದ ಮೆಣಸಿನಕಾಯಿ ಬೇಗ ತೆಗೆದು ಹಾಕಿ. ಇಲ್ಲಾಂದ್ರೆ ಉಳಿದ ಮೆಣಸಿನಕಾಯಿಗೂ ಹರಡುತ್ತೆ.