ಸಾಂಪ್ರದಾಯಿಕ ಭಾರತೀಯ ತಿನಿಸುಗಳಲ್ಲಿ ತಂದೂರಿ ರೋಟಿ ಮತ್ತು ಗ್ರೇವಿ ತುಂಬಾನೆ ಜನಪ್ರಿಯತೆ ಪಡೆದಿದೆ. ಹಬ್ಬಗಳು, ಮದುವೆಗಳು ಅಥವಾ ಯಾವುದೇ ಪಾರ್ಟಿಗಳಲ್ಲಿ, ಸಸ್ಯಾಹಾರಿ ಮತ್ತು ಮಾಂಸಾಹಾರಿ ಭಕ್ಷ್ಯಗಳಾದ ಕಸೂತಿ ಚೀಸ್, ಪನೀರ್ ಮಸಾಲ, ದಾಲ್, ಚಿಕನ್ ಕೊರ್ಮಾ ಅಥವಾ ಮೊಟ್ಟೆ ಪಲ್ಯ, ಜೊತೆ ತಂದೂರಿ ರೊಟ್ಟಿ ತಿನ್ನುತ್ತಾರೆ ಆದರೆ ಇದು ಆರೋಗ್ಯಕ್ಕೆ ಉತ್ತಮ ಅಲ್ಲ ಅನ್ನೋದು ನಿಮಗೆ ಗೊತ್ತಾ?
ಹೆಚ್ಚಿನ ಜನ ಇಷ್ಟಪಟ್ಟು ಸೇವಿಸುವ ತಿನಿಸುಗಳಲ್ಲಿ ತಂದೂರಿ ರೋಟಿ (tandoori roti) ಕೂಡ ಒಂದು. ಇದು ಸಾಮಾನ್ಯವಾಗಿ ಎಲ್ಲಾ ರೀತಿಯ ವೆಜ್ - ನಾನ್ ವೆಜ್ ಸೈಡ್ ಡಿಶ್ ಗಳೊಂದಿಗೆ ಚೆನ್ನಾಗಿಯೇ ಹೊಂದಿಕೊಳ್ಳುತ್ತೆ. ಆದರೆ ಇದನ್ನು ಸೇವಿಸೋದು ಅನಾರೋಗ್ಯಕರ ಅನ್ನೋದು ಗೊತ್ತಾ? ತಂದೂರಿ ರೋಟಿ, ಜೇಡಿಮಣ್ಣಿನ ಒಲೆ ಮತ್ತು ಕೋಲ್ ನ ವಾಸನೆಯಲ್ಲಿ ಬೇಯಿಸಲಾಗುತ್ತದೆ. ಇದರಿಂದ ಆರೋಗ್ಯಕ್ಕೆ ತೊಂದರೆ ಆಗುತ್ತೆ.
ಅನಾರೋಗ್ಯಕರ ಪದಾರ್ಥಗಳಿಂದ ತುಂಬಿದೆ: ಮೈದಾದಿಂದ (Maida) ತಯಾರಿಸಿ ಮೊಸರು, ಬೆಣ್ಣೆ, ನಿಗೆಲ್ಲಾ ಬೀಜಗಳು ಮತ್ತು ಕೆಲವೊಮ್ಮೆ ಒಣದ್ರಾಕ್ಷಿಗಳೊಂದಿಗೆ ತುಂಬಿದ ತಂದೂರಿ ರೊಟ್ಟಿ ಹೆಚ್ಚಿನ ಪ್ರಮಾಣದಲ್ಲಿ ಕಾರ್ಬೋಹೈಡ್ರೇಟ್ಗಳು ಮತ್ತು ಕ್ಯಾಲೊರಿಗಳನ್ನು ಹೊಂದಿದೆ. ಒಂದು ಕಪ್ ಮೈದಾದಲ್ಲಿ ಸುಮಾರು 455 ಕ್ಯಾಲೊರಿಗಳಿವೆ (calory), ಅಂದರೆ ರೊಟ್ಟಿಯಲ್ಲಿ ಸುಮಾರು 120 ಕ್ಯಾಲೊರಿಗಳಿರುತ್ತವೆ. ಇವು ಆರೋಗ್ಯಕ್ಕೆ ಹಾನಿಕಾರಕ.
ರೆಸ್ಟೋರೆಂಟ್ ನಿಂದ ತಯಾರಿಸಿದ ತಂದೂರಿ ರೊಟ್ಟಿಗಳು ಆರೋಗ್ಯಕ್ಕೆ ಕೆಟ್ಟದ್ದೇ?: ರೆಸ್ಟೋರೆಂಟ್ನಲ್ಲಿ, ತಂದೂರಿ ರೊಟ್ಟಿಗಳು ಬೆಣ್ಣೆ ಮತ್ತು ಅನಾರೋಗ್ಯಕರ ಕೊಬ್ಬುಗಳಿಂದ ತುಂಬಿರುತ್ತವೆ. ಆರೋಗ್ಯ ತಜ್ಞರ ಪ್ರಕಾರ, ಇವು ಕರುಳಿನ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಮೈದಾವನ್ನು ಆಗಾಗ್ಗೆ ಸೇವಿಸುವುದರಿಂದ irritable bowel syndrome, ದೀರ್ಘಕಾಲದ ಮಲಬದ್ಧತೆ, ಜೀರ್ಣಕಾರಿ ಸಮಸ್ಯೆಗಳು, ಟ್ರೈಗ್ಲಿಸರೈಡ್ ಮತ್ತು ಕೊಲೆಸ್ಟ್ರಾಲ್ ನಂತಹ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸುತ್ತದೆ.
ರೆಸ್ಟೋರೆಂಟ್ ನಿಂದ ತಂದೂರಿ ರೊಟ್ಟಿಗಳನ್ನು ತಿಂದ್ರೆ ಏನೇನು ಸಮಸ್ಯೆ ಕಾಡುತ್ತೆ ನೋಡೋಣ :
ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ. ಮೈದಾದ ಮೊದಲ ನೇರ ಪರಿಣಾಮವೆಂದರೆ ಇದು ದೇಹದಲ್ಲಿ ಸಕ್ಕರೆ ಮಟ್ಟವನ್ನು (blood sugar level) ಹೆಚ್ಚಿಸುತ್ತದೆ ಏಕೆಂದರೆ ಇದು ಹೆಚ್ಚಿನ ಗ್ಲೈಸೆಮಿಕ್ ಸೂಚ್ಯಂಕವನ್ನು ಹೊಂದಿದೆ. ಮೈದಾ ತಿನ್ನುವುದು ಆಗಾಗ್ಗೆ ಇನ್ಸುಲಿನ್ ಉತ್ಪಾದನೆಯನ್ನು ಹೆಚ್ಚಿಸಲು ಕಾರಣವಾಗುತ್ತದೆ, ಇದು ದೀರ್ಘಾವಧಿಯಲ್ಲಿ ಮಧುಮೇಹಕ್ಕೆ (diabetes) ಕಾರಣವಾಗುತ್ತದೆ.
ಹೃದ್ರೋಗದ ಅಪಾಯವನ್ನು ಹೆಚ್ಚಿಸುತ್ತದೆ: ರೆಸ್ಟೋರೆಂಟ್ನಲ್ಲಿ, ತಂದೂರಿ ರೊಟ್ಟಿಗಳನ್ನು ಕಲ್ಲಿದ್ದಲು, ಮರ ಅಥವಾ ಇದ್ದಿಲಿನಿಂದ ಸ್ಥಾಪಿಸಲಾದ ತಂದೂರ್ ಗಳಲ್ಲಿ ತಯಾರಿಸಲಾಗುತ್ತದೆ. ದೀರ್ಘಾವಧಿಯಲ್ಲಿ, ಇದು ವಾಯುಮಾಲಿನ್ಯಕ್ಕೆ ಕಾರಣವಾಗುತ್ತದೆ ಮತ್ತು ಹೃದ್ರೋಗದ ಅಪಾಯವನ್ನು ಹೆಚ್ಚಿಸುತ್ತದೆ. ಯುಕೆಯ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದ ಅಧ್ಯಯನದ ಪ್ರಕಾರ, ಕಲ್ಲಿದ್ದಲು, ಮರ ಅಥವಾ ಇದ್ದಿಲಿನಂತಹ ಘನ ಇಂಧನಗಳಲ್ಲಿ ಬೇಯಿಸಿದ ಆಹಾರವನ್ನು ತಿನ್ನುವುದು ವಾಯುಮಾಲಿನ್ಯಕ್ಕೆ ಕಾರಣವಾಗುವುದಲ್ಲದೆ ಹೃದ್ರೋಗದ ಅಪಾಯವನ್ನು (heart problem) ಹೆಚ್ಚಿಸುತ್ತದೆ.
ಎನ್ವಿರಾನ್ಮೆಂಟಲ್ ರಿಸರ್ಚ್ ಅಂಡ್ ಪಬ್ಲಿಕ್ ಹೆಲ್ತ್ನಲ್ಲಿ ಪ್ರಕಟವಾದ ಅಧ್ಯಯನವು ಅಡುಗೆಗೆ ಘನ ಇಂಧನಗಳನ್ನು ಬಳಸುವ ಜನರು ಹೃದಯಾಘಾತ, ಹೃದಯ ವೈಫಲ್ಯ ಅಥವಾ ಪಾರ್ಶ್ವವಾಯುವಿನಿಂದ ಸಾಯುವ ಸಾಧ್ಯತೆ ಶೇಕಡಾ 12 ರಷ್ಟು ಹೆಚ್ಚಿದೆ ಎಂದು ತಿಳಿಸಿದ್ದಾರೆ.
ತೂಕ ಹೆಚ್ಚಳ ಮತ್ತು ಸ್ಥೂಲಕಾಯತೆ: ಸ್ಥೂಲಕಾಯತೆಯ ಸಾಂಕ್ರಾಮಿಕ ರೋಗವು ಪ್ರಪಂಚದಾದ್ಯಂತ ಹೆಚ್ಚುತ್ತಿದೆ, ಜನರು ಸೆರೆಬ್ರಲ್ ಆಫ್ಟರ್ ಎಫೆಕ್ಟ್ನಿಂದ ಬಳಲುತ್ತಿದ್ದಾರೆ. ಮೈದಾ ಈ ಸಾಂಕ್ರಾಮಿಕ ರೋಗಕ್ಕೆ ಪ್ರಮುಖ ಕೊಡುಗೆಯಾಗಿದೆ, ಏಕೆಂದರೆ ಅದರ ಸೇವನೆಯು ದೇಹದಲ್ಲಿ ಕೊಬ್ಬನ್ನು ಉತ್ತೇಜಿಸುತ್ತದೆ ಮತ್ತು ಕೊಬ್ಬಿನ ಆಕ್ಸಿಡೀಕರಣವನ್ನು ಪ್ರಚೋದಿಸುತ್ತದೆ. ಇದರಿಂದ ತೂಕ ಹೆಚ್ಚಳ ಮತ್ತು ಸ್ಥೂಲಕಾಯತೆ ಉಂಟಾಗುತ್ತೆ.
ಒತ್ತಡ ಮತ್ತು ಖಿನ್ನತೆ: ಸಂಸ್ಕರಿತ ಕಾರ್ಬೋಹೈಡ್ರೇಟ್ ಗಳು ಅಧಿಕವಾಗಿರುವ ಆಹಾರವು ಒತ್ತಡ, ಖಿನ್ನತೆ ಮತ್ತು ಇತರ ಮಾನಸಿಕ ಆರೋಗ್ಯ ಸಮಸ್ಯೆಗಳ ಹೆಚ್ಚಿನ ಅಪಾಯದೊಂದಿಗೆ ಸಂಬಂಧ ಹೊಂದಿದೆ. ಮೈದಾ ಸೇವನೆಯಿಂದ ಬ್ಲಡ್ ಶುಗರ್ ಲೆವೆಲ್ ಏರಿಳಿತವಾಗುವ ಮೂಲಕ ಜನರು ಒತ್ತಡಕ್ಕೆ ಒಳಗಾಗುವಂತೆ ಮಾಡುತ್ತದೆ.