ಊಟದ ಮಧ್ಯೆ ಪದೇಪದೆ ನೀರು ಕುಡ್ತೀರಾ? ಈ ಅಪಾಯ ತಿಳಿದಿರಲಿ! ಯಾವಾಗ ಕುಡಿಯಬೇಕು?

ನೀರು ಕುಡಿಯೋದು ಆರೋಗ್ಯಕ್ಕೆ ಎಷ್ಟು ಮುಖ್ಯ ಅಂತ ಗೊತ್ತೇ ಇದೆ. ಆದ್ರೆ ಯಾವಾಗ ಬೇಕಾದ್ರೂ ನೀರು ಕುಡಿಯೋದು ಒಳ್ಳೆಯದಲ್ಲ ಅಂತಾರೆ ತಜ್ಞರು. ಅದ್ರಲ್ಲೂ ಊಟದ ಮಧ್ಯೆ ನೀರು ಕುಡಿದ್ರೆ ತುಂಬಾ ಅಪಾಯ ಅಂತೆ.

ಆರೋಗ್ಯವಾಗಿರೋಕೆ ಪ್ರತಿದಿನ ಸಾಕಷ್ಟು ನೀರು ಕುಡಿಯೋದು ಮುಖ್ಯ. ದಿನಾ ಕನಿಷ್ಠ 2 ರಿಂದ 3 ಲೀಟರ್ ನೀರು ಕುಡಿಯಲೇಬೇಕು ಅಂತಾರೆ ತಜ್ಞರು. ದಿನಕ್ಕೆ ಬೇಕಾದಷ್ಟು ನೀರು ಕುಡಿಯೋದು ಒಳ್ಳೆಯದೇ, ಆದ್ರೆ ನೀರು ಕುಡಿಯೋಕೆ ಸರಿಯಾದ ಸಮಯ ಗೊತ್ತಿರಬೇಕು.

ಯಾವಾಗ ಬೇಕಾದ್ರೂ ನೀರು ಕುಡಿದ್ರೂ ಆರೋಗ್ಯ ಹಾಳಾಗುತ್ತೆ ಅಂತ ಆಯುರ್ವೇದ ಹೇಳುತ್ತೆ. ಊಟ ಮಾಡುವಾಗ ಮಧ್ಯೆ ಮಧ್ಯೆ ನೀರು ಕುಡಿಯಬಹುದಾ ಅನ್ನೋ ಡೌಟ್ ಅನೇಕರಿಗೆ ಇರುತ್ತೆ. ಕುಡಿಯಬಹುದೋ ಇಲ್ವೋ ಈಗ ನೋಡೋಣ.

ಇದನ್ನೂ ಓದಿ: ಮಧ್ಯಾಹ್ನದ ಊಟಕ್ಕೆ ಅನ್ನದ ಬದಲು ಇವನ್ನು ತಿಂದ್ರೆ ತೂಕ ಹೆಚ್ಚಾಗೋ ಭಯವಿಲ್ಲ

ಊಟದ ಜೊತೆ ನೀರು ಕುಡಿಯಬಹುದಾ?

ತಜ್ಞರ ಪ್ರಕಾರ, ಊಟ ಮಾಡುವಾಗ ನೀರು ಕುಡಿಯೋದು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತೆ. ಇದು ಜೀರ್ಣಕ್ರಿಯೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತೆ. ಜೀರ್ಣಕ್ರಿಯೆ ಆಗುವಾಗ, ಹೊಟ್ಟೆಯಲ್ಲಿರೋ ಆಮ್ಲ ಆಹಾರವನ್ನ ವಿಭಜಿಸುತ್ತೆ. ಆಗ ನೀರು ಕುಡಿದ್ರೆ, ಹೊಟ್ಟೆಯ ಆಮ್ಲ ತೆಳುವಾಗುತ್ತೆ. ಇದು ಜೀರ್ಣಕ್ರಿಯೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತೆ. ಹೊಟ್ಟೆ ಸಂಬಂಧಿ ಸಮಸ್ಯೆಗಳಿಗೆ ಕಾರಣವಾಗುತ್ತೆ.

ಇದನ್ನೂ ಓದಿ: ಬೆಳಗ್ಗೆ ಈ 4 ತಪ್ಪುಗಳನ್ನು ಎಂದಿಗೂ ಮಾಡ್ಬೇಡಿ, ನಿಮ್ಮ ಆರೋಗ್ಯ ಕೈಕೊಡುತ್ತೆ ಎಚ್ಚರ!

ಊಟದ ಜೊತೆ ನೀರು ಕುಡಿದ್ರೆ?

ತೂಕ ಹೆಚ್ಚುತ್ತೆ:

ಊಟದ ಜೊತೆ ನೀರು ಕುಡಿದ್ರೆ ಜೀರ್ಣಶಕ್ತಿ ಕಡಿಮೆಯಾಗಿ ತೂಕ ಹೆಚ್ಚುತ್ತೆ. ಇದು ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತೆ. ಹಾಗಾಗಿ ಊಟದ ಜೊತೆ ನೀರು ಕುಡಿಯಬೇಡಿ.

ಗ್ಯಾಸ್, ಎಸಿಡಿಟಿ:

ಊಟ ಮಾಡುವಾಗ ನೀರು ಕುಡಿದ್ರೆ ಆಹಾರ ಜೀರ್ಣ ಆಗಲ್ಲ. ಇದು ಅಜೀರ್ಣ, ಗ್ಯಾಸ್, ಎಸಿಡಿಟಿಗೆ ಕಾರಣವಾಗುತ್ತೆ.

ಇದನ್ನೂ ಓದಿ: ಖಾಲಿ ಹೊಟ್ಟೆಯಲ್ಲಿ ಮೆಂತೆಕಾಳು ನೆನೆಸಿದ ನೀರು ಕುಡಿದ್ರೆ ಹತ್ತಾರು ಲಾಭ!

ಯಾವಾಗ ನೀರು ಕುಡಿಯಬೇಕು?

ತಜ್ಞರ ಪ್ರಕಾರ, ಆಹಾರ ಜೀರ್ಣ ಆಗೋಕೆ ಸುಮಾರು 2 ಗಂಟೆ ಬೇಕು. ಹಾಗಾಗಿ ಊಟ ಮಾಡಿ 2 ಗಂಟೆ ಆದ್ಮೇಲೆ ನೀರು ಕುಡಿಯಬೇಕು. ಖಾರ ತಿಂದಿದ್ರೆ, ಒಂದು ಸಲ ಮಾತ್ರ ನೀರು ಕುಡಿಯಬಹುದು. ಸರಿಯಾದ ಸಮಯದಲ್ಲಿ ನೀರು ಕುಡಿದ್ರೆ, ತೂಕನೂ ನಿಯಂತ್ರಣದಲ್ಲಿರುತ್ತೆ. ಜೀರ್ಣಕ್ರಿಯೆ ಸರಿಯಾಗಿ ಆಗುತ್ತೆ.