ಮತ್ತಿ, ದಾಸವಾಳ ಸೊಪ್ಪು ಸಿಗಲಿಲ್ಲವೆಂದರೆ ಈ ತರಕಾರಿ ಬಳಸಿ, ರೇಷ್ಮೆಯಂಥ ಕೂದಲು ಪಡೀರಿ

ಇತ್ತೀಚಿನ ದಿನಗಳಲ್ಲಿ ಜನರು ಕೂದಲಿನ ಹಲವು ಸಮಸ್ಯೆಯಿಂದ ತೊಂದರೆಗೀಡಾಗಿದ್ದಾರೆ. ಕೂದಲಿನ ಸಮಸ್ಯೆಗೆ ಕಾರಣಗಳು ಹಲವು. ಅನೇಕ ಬಾರಿ ತಪ್ಪು ಆಹಾರ ಮತ್ತು ರಾಸಾಯನಿಕ ಹೊಂದಿರುವ ಕೂದಲಿನ ಉತ್ಪನ್ನಗಳ ಬಳಕೆಯು ಕೂದಲಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಬೆಂಡೆಕಾಯಿ ನೀರನ್ನು ಬಳಸುವ ಮೂಲಕ ನೀವು ಕೂದಲಿನ ಸಮಸ್ಯೆಗಳನ್ನು ತೊಡೆದುಹಾಕಬಹುದು.  

ಬೆಂಡೆಕಾಯಿ (ladies finger) ತಿನ್ನುವುದು ಆರೋಗ್ಯಕ್ಕೆ ಅನೇಕ ಪ್ರಯೋಜನಗಳನ್ನು ನೀಡುತ್ತದೆ, ಆದರೆ ಬೆಂಡೆಕಾಯಿ ಕೂದಲಿಗೆ ತುಂಬಾ ಪ್ರಯೋಜನಕಾರಿ ಅನ್ನೋದು ನಿಮಗೆ ತಿಳಿದಿದೆಯೇ. ವಾಸ್ತವವಾಗಿ, ಬೆಂಡೆಕಾಯಿಯ ಬಳಕೆಯು ಕೂದಲು ಉದುರುವಿಕೆ, ಒಡೆಯುವಿಕೆ, ತೆಳುವಾಗುವಿಕೆ ಮುಂತಾದ ಸಮಸ್ಯೆಗಳನ್ನು ತೊಡೆದುಹಾಕಬಹುದು. ಇದು ಅನೇಕ ಪೋಷಕಾಂಶಗಳ ನಿಧಿ. ಇದರಲ್ಲಿ ವಿಟಮಿನ್-ಎ, ವಿಟಮಿನ್-ಸಿ ಮತ್ತು ವಿಟಮಿನ್-ಕೆ ಕಂಡುಬರುತ್ತವೆ. ಇದು ಕ್ಯಾಲ್ಸಿಯಂ, ಮೆಗ್ನೀಸಿಯಮ್ ಮತ್ತು ಕಬ್ಬಿಣವನ್ನು ಸಹ ಹೊಂದಿರುತ್ತದೆ, ಇವು ಕೂದಲನ್ನು ಆರೋಗ್ಯಕರವಾಗಿಡಲು ಬಹಳ ಮುಖ್ಯವಾದ ಪೋಷಕಾಂಶಗಳು ಎಂದು ಪರಿಗಣಿಸಲಾಗಿದೆ.

ಪ್ರತಿದಿನ ಬೆಂಡೆಕಾಯಿ ನೀರನ್ನು (Okra water) ಬಳಸುವುದರಿಂದ ಕೂದಲಿನ ಬೇರುಗಳು ಬಲಗೊಳ್ಳುತ್ತವೆ, ಇದು ಒಡೆಯುವಿಕೆ ಮತ್ತು ಉದುರುವಿಕೆಯನ್ನು ನಿಲ್ಲಿಸುತ್ತದೆ. ಇದಲ್ಲದೆ, ಇದರಲ್ಲಿರುವ ಜೀವಸತ್ವಗಳು ಕೂದಲನ್ನು ಒಳಗಿನಿಂದ ಪೋಷಿಸುತ್ತದೆ. ಆದ್ದರಿಂದ, ಬೆಂಡೆಕಾಯಿ ನೀರನ್ನು ಕೂದಲಿಗೆ ಬಳಸುವುದರಿಂದ ಆಗುವ ಪ್ರಯೋಜನಗಳು ಯಾವುವು ಎಂದು ತಿಳಿಯೋಣ.

ಬೇರುಗಳು ಬಲವಾಗುತ್ತದೆ (Strong rout)
ಪ್ರತಿದಿನ ಬೆಂಡೆಕಾಯಿ ನೀರನ್ನು ಬಳಸುವುದರಿಂದ ಕೂದಲಿನ ಬೇರುಗಳು ಬಲಗೊಳ್ಳುತ್ತವೆ, ಇದು ಕೂದಲು ಒಡೆಯುವಿಕೆ ಮತ್ತು ಉದುರುವಿಕೆಯನ್ನು ಕಡಿಮೆ ಮಾಡುತ್ತದೆ. ಇದರಲ್ಲಿರುವ ಗುಣಲಕ್ಷಣಗಳು ಕೂದಲನ್ನು ಒಳಗಿನಿಂದ ಪೋಷಿಸುತ್ತದೆ.

ನೈಸರ್ಗಿಕ ಕಂಡೀಷನರ್ (Natural Conditioner)
ಬೆಂಡೆಕಾಯಿ ನೀರು ಕೂದಲಿಗೆ ನೈಸರ್ಗಿಕ ಕಂಡೀಷನರ್ ನಂತೆ ಕಾರ್ಯನಿರ್ವಹಿಸುತ್ತದೆ. ಇದು ಕೂದಲನ್ನು ಮೃದುವಾಗಿ, ನಯವಾಗಿ ಮತ್ತು ರೇಷ್ಮೆಯಂತೆ ಮೃದುವಾಗಿಸುತ್ತೆ. ಜೊತೆಗೆ ಕೂದಲು ಸಿಕ್ಕಾಗೋದನ್ನು ತಡೆಯುತ್ತದೆ.  

ನೆತ್ತಿಯನ್ನು ಆರೋಗ್ಯಕರವಾಗಿರಿಸುತ್ತೆ (healthy scalp)
ಬೆಂಡೆಕಾಯಿ ನೀರಿನಲ್ಲಿರುವ ಉರಿಯೂತ ನಿವಾರಕ ಗುಣಗಳು ನೆತ್ತಿಯನ್ನು ಆರೋಗ್ಯಕರವಾಗಿರಿಸುತ್ತದೆ, ಇದು ತಲೆಹೊಟ್ಟು ಮತ್ತು ತುರಿಕೆ ಇತ್ಯಾದಿಗಳನ್ನು ತೊಡೆದುಹಾಕುತ್ತದೆ.

ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ
ಬೆಂಡೆಕಾಯಿಯಲ್ಲಿರುವ ವಿಟಮಿನ್-ಸಿ ಕಾಲಜನ್ ಉತ್ಪಾದನೆಗೆ ಸಹಾಯ ಮಾಡುತ್ತದೆ, ಇದು ಕೂದಲನ್ನು ಬಲಪಡಿಸುತ್ತದೆ ಮತ್ತು ಕಡಿಮೆ ಒಡೆಯುತ್ತದೆ. ಅಲ್ಲದೆ, ಕೂದಲಿನ ಬೆಳವಣಿಗೆಯೂ ಉತ್ತಮವಾಗಿರುತ್ತದೆ.

ರಕ್ತ ಪರಿಚಲನೆ (blood circulation)

ಬೆಂಡೆಕಾಯಿ ನೀರು ನೆತ್ತಿಯಲ್ಲಿ ರಕ್ತ ಪರಿಚಲನೆಯನ್ನು ಉತ್ತೇಜಿಸುತ್ತದೆ, ತಲೆಯಲ್ಲಿ ರಕ್ತ ಪರಿಚಲನೆ ಚೆನ್ನಾಗಿ ಆದರೆ, ಇದು ಉತ್ತಮ ಕೂದಲಿನ ಬೆಳವಣಿಗೆಗೆ ಕಾರಣವಾಗುತ್ತದೆ. ಇದರಿಂದ ದಟ್ಟ ಕೂದಲನ್ನು ನೀವು ಪಡೆಯಬಹುದು.

ಕೂದಲು ಉದುರುವುದನ್ನು ತಡೆಯಿರಿ
ಬೆಂಡೆಕಾಯಿ ನೀರಿನ ಬಳಕೆಯು ಕೂದಲು ಒಡೆಯುವುದನ್ನು ಕಡಿಮೆ ಮಾಡುತ್ತದೆ. ಇದರ ಬಳಕೆಯು ಕೂದಲಿನ ಬೇರುಗಳನ್ನು ಬಲಪಡಿಸುತ್ತದೆ, ಇದು ಒಡೆಯುವುದನ್ನು ನಿಲ್ಲಿಸುತ್ತದೆ. ಕೂದಲು ಉದುರೋದು ಸಹ ನಿಲ್ಲುತ್ತದೆ. 

ಹೊಳೆಯುವ ಕೂದಲಿಗಾಗಿ
ಬೆಂಡೆಕಾಯಿ ನೀರು ಕೂದಲಿನ ಹೊಳಪನ್ನು ಮರಳಿ ತರುತ್ತದೆ. ನಿಮ್ಮ ಕೂದಲು ತನ್ನ ಹೊಳಪನ್ನು ಕಳೆದುಕೊಂಡಿದ್ದರೆ, ನೀವು ಪ್ರತಿದಿನ ಬೆಂಡೆಕಾಯಿ ನೀರನ್ನು ಬಳಸಬಹುದು. ಇದರಿಂದ ಸುಂದರ ಕೂದಲು ನಿಮ್ಮದಾಗುತ್ತೆ.