IPL ಟಿಕೆಟ್‌ಗೆ ಶೇ.40 ಜಿಎಸ್‌ಟಿ! 500 ರುಪಾಯಿ ಟಿಕೆಟ್‌ಗೆ GST ಸೇರಿಸಿದರೆ ಎಷ್ಟಾಗುತ್ತೆ?

ನವದೆಹಲಿ: ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಜಿಎಸ್‌ಟಿಯನ್ನು ಜಾರಿಗೆ ತಂದಿದ್ದು, ಇದೇ ಸೆಪ್ಟೆಂಬರ್ 22ರಿಂದ ಜಾರಿಗೆ ಬರಲಿದೆ. ಸಾಮಾನ್ಯ ಜನಕ್ಕೆ ಸಾಕಷ್ಟು ಪ್ರಯೋಜನಕಾರಿಯಾಗುವಂತ ಬದಲಾವಣೆಗಳಾಗಿವೆ. ಆದರೆ ಐಪಿಎಲ್‌ ಟಿಕೆಟ್‌ಗೆ 40% ಜಿಎಸ್‌ಟಿ ವಿಧಿಸಲಾಗಿದೆ. ಇದರ ಪರಿಣಾಮವೇನು ನೋಡೋಣ ಬನ್ನಿ 

ಕೇಂದ್ರದ ಜಿಎಸ್‌ಟಿ ಸುಧಾರಣೆ ನೀತಿಯಿಂದ ಐಪಿಎಲ್ ಟಿಕೆಟ್‌ ದರಗಳು ಮತ್ತಷ್ಟು ದುಬಾರಿಯಾಗಲಿದೆ.

ಸರ್ಕಾರ ಕ್ಯಾಸಿನೋ, ರೇಸ್‌ ಕ್ಲಬ್‌ ಅಥವಾ ಐಪಿಎಲ್‌ ಟಿಕೆಟ್‌ಗಳ ಮೇಲಿನ ತೆರಿಗೆಯನ್ನು ಶೇ.28ರ ಬದಲು ಶೇ.40ರ ಸ್ಲ್ಯಾಬ್‌ಗೆ ಸೇರಿಸಲಾಗಿದೆ. ಇದರಿಂದ ಸಹಜವಾಗಿಯೇ ಟಿಕೆಟ್‌ ದರದಲ್ಲಿ ಏರಿಕೆಯಾಗಲಿದೆ.

ಐಪಿಎಲ್ ಟಿಕೆಟ್‌ಗಳನ್ನು 'ಲಕ್ಸುರಿ ಗೂಡ್ಸ್' ವಿಭಾಗಕ್ಕೆ ಸೇರಿಸಲಾಗಿದೆ. ಹೀಗಾಗಿ ಐಪಿಎಲ್‌ ಟಿಕೆಟ್‌ ಜಿಎಸ್‌ಟಿಯಲ್ಲಿ 40% ತೆರಿಗೆ ವಿಧಿಸಲಾಗಿದೆ.

ಮೊದಲು ₹500 ಟಿಕೆಟ್‌ಗೆ ₹140 ಜಿಎಸ್‌ಟಿ ಸೇರಿ ಒಟ್ಟು 640 ರು. ಇತ್ತು. ಆದರೆ ಇನ್ನು ₹500 ಟಿಕೆಟ್‌ಗೆ 40 ಶೇ. ಜಿಎಸ್‌ಟಿ ಇರಲಿದ್ದು, ಬೆಲೆ ₹700 ಆಗಲಿದೆ.

ಆದರೆ ಭಾರತದ ಕ್ರಿಕೆಟ್‌ ಪಂದ್ಯ ಹಾಗೂ ಇತರ ಕ್ರೀಡೆಗಳ ಟಿಕೆಟ್‌ಗೆ ಶೇ.18 ತೆರಿಗೆ ಸ್ಲ್ಯಾಬ್‌ ನಿಗದಿಪಡಿಸಲಾಗಿದೆ. ಇದರಲ್ಲಿ ₹500ರ ಒಳಗಿನ ಟಿಕೆಟ್‌ಗೆ ಜಿಎಸ್‌ಟಿ ಅನ್ವಯಿಸಲ್ಲ. ₹500 ಮೇಲ್ಪಟ್ಟರೆ ಶೇ.18 ಜಿಎಸ್‌ಟಿ ಇರಲಿದೆ.