ಕೊರೋನಾ ನಂತರ ಬಪ್ಪಿ ದಾ ಧ್ವನಿ ಕಳೆದು ಕೊಂಡಿದ್ರಾ?

First Published | Feb 16, 2022, 3:52 PM IST

ಡಿಸ್ಕೋ ಸಂಗೀತವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ದ ಖ್ಯಾತ ಗಾಯಕ ಮತ್ತು ಸಂಯೋಜಕ ಬಪ್ಪಿ ಲಹಿರಿ (Bappi Lahiri) ಮಂಗಳವಾರ ರಾತ್ರಿ 11 ಗಂಟೆಗೆ ಮುಂಬೈನ ಕ್ರಿಟಿ ಕೇರ್ ಆಸ್ಪತ್ರೆಯಲ್ಲಿ ನಿಧನರಾದರು. ಅವರು ಹಲವು ದಿನಗಳಿಂದ ಅನಾರೋಗ್ಯದಿಂದ (Ill) ಬಳಲುತ್ತಿದ್ದರು. ಕಳೆದ ವರ್ಷವೂ ಅವರಿಗೆ ಕೊರೋನಾ (Covid19) ಸೋಂಕು ತಗುಲಿತ್ತು. ಅಂದಿನಿಂದ ಅವರ ಆರೋಗ್ಯ ನಿರಂತರವಾಗಿ ಕ್ಷೀಣಿಸುತ್ತಿತ್ತು. ಅಂದಹಾಗೆ, ಕಳೆದ ವರ್ಷ ಅವರ ಧ್ವನಿಯ ಬಗ್ಗೆ ವದಂತಿಯೂ ಇತ್ತು, ವಾಸ್ತವವಾಗಿ, ಅವರು ತಮ್ಮ ಧ್ವನಿಯನ್ನು ಕಳೆದುಕೊಂಡಿದ್ದಾರೆ ಎಂದು ವದಂತಿಗಳಿತ್ತು. ನಂತರ ಬಪ್ಪಿ ದಾ ಇದಕ್ಕೆ ಹೇಗೆ ಪ್ರತಿಕ್ರಿಯೆ ನೀಡಿದ್ದರು ಗೊತ್ತಾ?

ಈ ವದಂತಿ ಬಪ್ಪಿ ದಾ ಅವರ ಕಿವಿಗೆ ಬಿದ್ದಾಗ, ಅವರು ತುಂಬಾ ನೊಂದು ಕೊಂಡಿದ್ದರು, ಕೋಪಗೊಂಡರು. ವದಂತಿಯನ್ನು ಸುಳ್ಳು ಎಂದು ಹೇಳಿದರು. ಅವರೇ ಮುಂದೆ ಬಂದು ಅವರ ಧ್ವನಿಯನ್ನು ಕೇಳಿಸುವ ಮೂಲಕ ಎಲ್ಲರನ್ನೂ ಆಶ್ಚರ್ಯಗೊಳಿಸಿದರು.

ಸೆಪ್ಟೆಂಬರ್ 2021 ಅಂದರೆ ಸುಮಾರು 6 ತಿಂಗಳ ಹಿಂದೆ ಅವರ ಆರೋಗ್ಯ (Health) ಸರಿಯಿಲ್ಲ. ಅವರ ಆರೋಗ್ಯ ತುಂಬಾ ಹದಗೆಟ್ಟಿತ್ತು. ಆದರೆ, ಅವರು ಧ್ವನಿ ಕಳೆದುಕೊಂಡಿದ್ದಾರೆ ಎನ್ನುವುದರಲ್ಲಿ ಯಾವುದೇ ಸತ್ಯವಿರಲಿಲ್ಲ. ಈ ವದಂತಿ ಇಡೀ ದೇಶದಲ್ಲಿ ಕಾಡ್ಗಿಚ್ಚಿನಂತೆ ಹರಡಿತ್ತು. ಅವರ ಅಭಿಮಾನಿಗಳು ತುಂಬಾ ಅಸಮಾಧಾನಗೊಂಡಿದ್ದರು. ಒಂಬ ಗಾಯಕನಿಗೆ ಧ್ವನಿ ಹೋಗಿದೆ ಎಂಬ ಸುದ್ದಿ ಎಷ್ಟು ಹರ್ಟ್ ಮಾಡುತ್ತದೆ ಎಂಬುದನ್ನು ಯಾರು ಬೇಕಾದರೂ ಊಹಿಸಬಹುದು.

Tap to resize

ಈ ವಿಷಯ ತಿಳಿದ ಬಪ್ಪಿಗೆ ಇದು ಇಷ್ಟವಾಗಲಿಲ್ಲ ಎಂದು ಸ್ವತಃ ಅವರೇ ಹೇಳಿಕೆ ನೀಡಿ, ಈ ವದಂತಿಗಳನ್ನು ಸಾರಾಸಗಟಾಗಿ ಅಲ್ಲಗಳೆದಿದ್ದು, ಚೇತರಿಸಿಕೊಂಡಿರುವ ಬಗ್ಗೆ ತಿಳಿದ್ದರು. ಮಾಧ್ಯಮಗಳಲ್ಲಿ ನನ್ನ ಆರೋಗ್ಯದ ಬಗ್ಗೆ ಸುಳ್ಳು ಸುದ್ದಿಗಳನ್ನು ನೋಡಿ ನನಗೆ ತುಂಬಾ ಬೇಸರವಾಗಿದೆ. ನನ್ನ ಪ್ರೀತಿಪಾತ್ರರ ಪ್ರಾರ್ಥನೆಯಿಂದ ನಾನು ಚೆನ್ನಾಗಿದ್ದೇನೆ ಎಂದು ಅವರು ಇನ್ಸ್ಟಾಗ್ರಾಮ್‌ನಲ್ಲಿ (Instagram) ಬರೆದಿದ್ದರು.

ಈ ವದಂತಿಯ ನಂತರ, ಪ್ರಪಂಚದಾದ್ಯಂತದ ಅಭಿಮಾನಿಗಳು ತುಂಬಾ ಕೋಪಗೊಂಡಿದ್ದರು. ಅದೇ ಸಮಯದಲ್ಲಿ, ಅನೇಕ ಸೆಲೆಬ್ರಿಟಿಗಳು ಇಂತಹ ಅನಗತ್ಯ ವದಂತಿಗಳ ಬಗ್ಗೆ ಅಸಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ.ಇದು ತುಂಬಾ ಕೆಟ್ಟದು. ಅನಗತ್ಯವಾಗಿ ಇಂತಹ ವದಂತಿಗಳನ್ನು ಹಬ್ಬಿಸಲಾಗುತ್ತಿದೆ ಎಂದು ಆ ಸಮಯದಲ್ಲಿ ಗಾಯಕ ಶಾನ್ ಹೇಳಿದ್ದರು.

ಇದಾದ ನಂತರ ಅಭಿಮಾನಿಗಳು ಅವರ ಆರೋಗ್ಯಕ್ಕಾಗಿ ಪ್ರಾರ್ಥಿಸಿ, ಅಭಿನಂದಿಸುತ್ತಿರುವುದು ಕಂಡು ಬಂತು. ಬಪ್ಪಿ ದಾ ಅವರ ಆರೋಗ್ಯದ ಸುದ್ದಿ ಹೊರಬಿದ್ದ ನಂತರ ಅಭಿಮಾನಿಗಳು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದರು

ವದಂತಿ ಹರಡಿದ 6 ತಿಂಗಳ ನಂತರ ಫೆಬ್ರವರಿ 15 ರಂದು ರಾತ್ರಿ 11 ಗಂಟೆಗೆ ಅವರು ಕ್ರಿಟಿ ಕೇರ್ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು. ಲಹರಿ ಅವರ ನೆರೆಹೊರೆಯವರು ಹಾಗೂ ಬಾಲಿವುಡ್ ಲೆಂಜೆಂಡ್‌ (Bollywood Legend), ಚಲನಚಿತ್ರ ನಿರ್ಮಾಪಕ ಅಶೋಕ್ ಪಂಡಿತ್ ಅವರು ಸಾವಿಗೆ ಸಂತಾಪ ಸೂಚಿಸಿದವರಲ್ಲಿ ಮೊದಲಿಗರು. ಇವರು ಟ್ವೀಟ್ ಮಾಡಿ ಸಂತಾಪ ತಿಳಿಸಿದ್ದರು.

ಬಪ್ಪಿ ಲಹಿರಿ ಬಾಲಿವುಡ್ ಹಾಡುಗಳಿಗೆ ಪಾಪ್ ಶೈಲಿ ಸೇರಿಸಿದರು ಮತ್ತು ಸಂಗೀತ ಪ್ರಿಯರಿಗೆ ಕೇಳಲು ಹೊಸದನ್ನು ನೀಡಿದರು. ಮೂರು ವರ್ಷದವರಾಗಿದ್ದಾಗ, ಅವರು ತಬಲಾವನ್ನು ಕಲಿಯಲು ಪ್ರಾರಂಭಿಸಿದರು. ಕಿಶೋರ್ ಕುಮಾರ್ ಅವರ ಮಾಮಾ ಆಗಿದ್ದರು ಮತ್ತು ಬಪ್ಪಿ ದಾ ಅವರನ್ನು ಸಂಗೀತ ಕ್ಷೇತ್ರಕ್ಕೆ ತಂದ ಕೀರ್ತಿ ಅವರಿಗೆ ಸಲ್ಲುತ್ತದೆ.

ಅವರು 19 ವರ್ಷದವರಾಗಿದ್ದಾಗ ಕೋಲ್ಕತ್ತಾದಿಂದ ಮುಂಬೈಗೆ ಬಂದರು. 1973ರಲ್ಲಿ ಪುಟ್ಟ ಶಿಕಾರಿ ಚಿತ್ರದಲ್ಲಿ ಸಂಗೀತ ನೀಡುವ ಅವಕಾಶ ಸಿಕ್ಕಿತು. ಅವರು 1975 ರ ಝಖ್ಮಿ ಚಲನಚಿತ್ರದಿಂದ ಮನ್ನಣೆ ಪಡೆದರು. ಈ ಚಿತ್ರದಲ್ಲ ಅವರು ಮೊಹಮ್ಮದ್ ಪಾತ್ರವನ್ನು ಸಹ ನಿರ್ವಹಿಸಿದರು. ರಫಿ ಮತ್ತು ಕಿಶೋರ್ ಕುಮಾರ್ (Kishore Kumar) ಅವರೊಂದಿಗೆ ಹಾಡನ್ನು ಹಾಡಿದ್ದಾರೆ.

ಕೊರೋನಾ ನಂತರ ಬಪ್ಪಿ ದಾ ಧ್ವನಿ ಕಳೆದು ಕೊಂಡಿದ್ರಾ?

Latest Videos

Related Posts

LATEST NEWS

Recent Videos