☰
×

Valentine's Day 2022- ವಿದೇಶಿಯರ ಮದುವೆಯಾದ ನಟಿಯರು!

First Published | Feb 14, 2022, 7:23 PM IST

Valentine's Day 2022 ಅನ್ನು ಫೆಬ್ರವರಿ 14 ರಂದು ಪ್ರಪಂಚದಾದ್ಯಂತ ಆಚರಿಸಲಾಗುತ್ತದೆ. ಬಾಲಿವುಡ್‌ನಿಂದ ಟಿವಿ ಸೆಲೆಬ್ರಿಟಿಗಳವರೆಗೆ, ಈ ದಿನವನ್ನು ತಮ್ಮದೇ ಆದ ಶೈಲಿಯಲ್ಲಿ ಆಚರಿಸುತ್ತಾರೆ. ಮನೋರಂಜನಾ ಉದ್ಯಮಕ್ಕೆ ಸಂಬಂಧಿಸಿದ ಅನೇಕ ನಾಯಕಿಯರು ತಮ್ಮ ಹೃದಯವನ್ನು ವಿದೇಶಿಯರಿಗೆ ನೀಡಿದ್ದಾರೆ. ಮೊದಲು ಜೋಡಿಗಳು ಪ್ರೀತಿಸಿ ನಂತರ ಮದುವೆಯಾದರು. ಇವರಲ್ಲಿ ಕೆಲವರು ಮದುವೆಯ ನಂತರ ವಿದೇಶಕ್ಕೆ ಹೋಗಿ ನೆಲೆಸಿದ್ದರೆ, ಕೆಲವರು ದೇಶಕ್ಕೆ ಮರಳಿದವರೂ ಇದ್ದಾರೆ. ಪ್ರೇಮಿಗಳ ದಿನದ ಸಮಯದಲ್ಲಿ, ವಿದೇಶಿಯರಿಗೆ ಮನಸೋತ ಬಾಲಿವುಡ್‌ (Bollywood) ಚೆಲುವೆಯರ ಬಗ್ಗೆ ಮಾಹಿತಿ ಇಲ್ಲಿದೆ.
 

ಯಾರಿಗೂ ತಿಳಿಸದೆ ಮದುವೆಯಾದ ಹಲವು ಬಾಲಿವುಡ್‌ ನಟಿಯರಿದ್ದಾರೆ. ಅಷ್ಟೇ ಅಲ್ಲ ವಿದೇಶಿಯರ ಜೊತೆಗಿನ ಸಂಬಂಧದ ವಿಷಯವನ್ನು ಎಲ್ಲರಿಂದ ಮುಚ್ಚಿಟ್ಟಿದ್ದರು. ನಂತರ ಇವರು ಇದ್ದಕ್ಕಿದ್ದಂತೆ ಮದುವೆಯಾಗಿ ಎಲ್ಲರನ್ನು ಅಚ್ಚರಿಗೊಳಿಸಿದರು

ಮಾಧುರಿ ದೀಕ್ಷಿತ್:
ಮಾಧುರಿ ದೀಕ್ಷಿತ್ 1999 ರಲ್ಲಿ ಯುಎಸ್ (US) ನಲ್ಲಿರುವ ಹಾರ್ಟ್‌ ಸರ್ಜನ್‌ ಕ ಡಾ. ಶ್ರೀರಾಮ್ ನೆನೆ ಅವರನ್ನು ವಿವಾಹವಾದರು. ಮದುವೆಯ ನಂತರ ಮಾಧುರಿ ಅಮೆರಿಕಕ್ಕೆ ಹೋದರು. ಹಾಗಂಥ ಮುಂಬೈ ನಂಟನ್ನೇನೂ ಬಿಟ್ಟಿಲ್ಲ. ಕೆಲವು ಚಿತ್ರಗಳಿಯೂ ನಟಿಸಿರುವ ಮಾಧುರಿ, ತಮ್ಮ ಡ್ಯಾನ್ಸ್ ಕ್ಲಾಸನ್ನೂ ಮುಂದುವರಿಸಿದ್ದಾರೆ. ದಂಪತಿಗೆ ಇಬ್ಬರು ಗಂಡು ಮಕ್ಕಳಿವೆ. ನೆನೆ ಮಾಧುರಿ ಅವರನ್ನು ಭೇಟಿಯಾದಾಗ ಆಕೆ ಬಾಲಿವುಡ್ ಸೂಪರ್‌ಸ್ಟಾರ್ ಎಂದೇ ಗೊತ್ತಿರಲಿಲ್ಲವಂತೆ.
 

Latest Videos


ಶಿಲ್ಪಾ ಶೆಟ್ಟಿ:
ಶಿಲ್ಪಾ ಶೆಟ್ಟಿ ಲಂಡನ್ ಮೂಲದ ಉದ್ಯಮಿ ರಾಜ್ ಕುಂದ್ರಾ ಅವರನ್ನು 2009 ರಲ್ಲಿ ವಿವಾಹವಾದರು. ಮದುವೆಯ ನಂತರ, ರಾಜ್ ತನ್ನ ಹೆಂಡತಿಯೊಂದಿಗೆ ಮುಂಬೈನಲ್ಲಿ ನೆಲೆಸಿದರು. ದಂಪತಿಗೆ 2 ಮಕ್ಕಳಿವೆ

ಪ್ರೀತಿ ಜಿಂಟಾ:
ಪ್ರೀತಿ ಜಿಂಟಾ ಹಿಂದೆ ನೆಸ್ ವಾಡಿಯಾ ಅವರೊಂದಿಗೆ ಸಂಬಂಧ ಹೊಂದಿದ್ದರು. ಆದರೆ, ಸ್ವಲ್ಪ ಸಮಯದ ನಂತರ ಇಬ್ಬರೂ ಬೇರ್ಪಟ್ಟರು. ಇದಾದ ನಂತರ ಪ್ರೀತಿ ಅಮೆರಿಕದ ಉದ್ಯಮಿ ಜೀನ್ ಗುಡೆನಾಫ್ ಅವರನ್ನು 2016 ರಲ್ಲಿ ರಹಸ್ಯವಾಗಿ ವಿವಾಹವಾದರು. ಮದುವೆಯಾದ 6 ತಿಂಗಳ ನಂತರ ಅವರು ಇದನ್ನು ಬಹಿರಂಗಪಡಿಸಿದ್ದಾರೆ. ಇತ್ತೀಚೆಗೆ ಪ್ರೀತಿ-ಜೀನ್ ಬಾಡಿಗೆ ತಾಯ್ತನದ ಮೂಲಕ ಅವಳಿ ಮಕ್ಕಳ ಪೋಷಕರಾಗಿದ್ದಾರೆ.

ಪ್ರಿಯಾಂಕಾ ಚೋಪ್ರಾ:
ಪ್ರಿಯಾಂಕಾ ಚೋಪ್ರಾರ ಹೃದಯ ತಮ್ಮಗಿಂತ ಕಿರಿಯ ಹಾಲಿವುಡ್ ಗಾಯಕ ನಿಕ್ ಜೋನಾಸ್‌ಗೆ ಸೋತಿತು. ಇಬ್ಬರೂ 2018 ರಲ್ಲಿ ವಿವಾಹವಾದರು. ಆದರೆ, ಪ್ರಿಯಾಂಕಾ ತನ್ನ ಅಫೇರ್ ಬಗ್ಗೆ ಯಾರಿಗೂ ತಿಳಿಸಿರಲಿಲ್ಲ. ಕೆಲ ದಿನಗಳ ಹಿಂದೆ ಬಾಡಿಗೆ ತಾಯ್ತನದ ಮೂಲಕ ದಂಪತಿ ಮಗಳ ಪೋಷಕರಾಗಿದ್ದರು.

ಶ್ರಿಯಾ ಸರನ್:
ಸೌತ್ ನಟಿ ಶ್ರಿಯಾ ಸರನ್ ಅವರು ಟೆನಿಸ್ ಆಟಗಾರ ಆಂಡ್ರೇ ಕೊಶೆವ್ ಅವರನ್ನು ವಿವಾಹವಾಗಿದ್ದಾರೆ. ಇಬ್ಬರೂ ಮಾಲ್ಡೀವ್ಸ್‌ನಲ್ಲಿ ಭೇಟಿಯಾದರು ಮತ್ತು ನಂತರ  ಪ್ರೀತಿಗೆ ತಿರುಗಿತು. 2018 ರಲ್ಲಿ, ಶ್ರಿಯಾ ಮತ್ತು ಆಂಡ್ರೇ ಉದಯಪುರದಲ್ಲಿ ವಿವಾಹವಾದರು. ದಂಪತಿಗೆ ಒಬ್ಬ ಮಗಳಿದ್ದಾಳೆ.

ರಾಧಿಕಾ ಆಪ್ಟೆ :
ನಟಿ ರಾಧಿಕಾ ಆಪ್ಟೆ 2012 ರಲ್ಲಿ  ಸಂಗೀತಗಾರ ಬೆನೆಡಿಕ್ಟ್ ಟೇಲರ್ ಅವರನ್ನು ರಹಸ್ಯವಾಗಿ ವಿವಾಹವಾದರು. ಇವರ ಮದುವೆಯ ಆರತಕ್ಷತೆ 2013ರಲ್ಲಿ ನೆರವೇರಿತು.

ಸೆಲಿನಾ ಜೇಟ್ಲಿ:
ಸೆಲಿನಾ ಜೇಟ್ಲಿ 2011 ರಲ್ಲಿ ಆಸ್ಟ್ರೇಲಿಯಾದ ಹೋಟೆಲ್ ಉದ್ಯಮಿ ಪೀಟರ್ ಹಾಗ್ ಅವರನ್ನು ವಿವಾಹವಾದರು. ಪೀಟರ್ ಅವರನ್ನು ಮದುವೆಯಾದ ನಂತರ, ಸೆಲಿನಾ ಬಾಲಿವುಡ್‌ನಿಂದ ದೂರವಾಗಿದ್ದರು. ದಂಪತಿಗೆ 3 ಮಕ್ಕಳಿವೆ,

ಲಿಸಾ ರೇ:
ಲಿಸಾ ರೇ 2012 ರಲ್ಲಿ ಕ್ಯಾಲಿಫೋರ್ನಿಯಾ ಮೂಲದ ಮ್ಯಾನೇಜ್ಮೆಂಟ್ ಕನ್ಸಲ್ಟೆಂಟ್  (Management Consultant) ಜೇಸನ್ ಡೆಹ್ನಿ ಅವರನ್ನು ವಿವಾಹವಾದರು. ಲಿಸಾ ಕೆನಡಾದಲ್ಲಿ  ಮೊದಲು ಜೇಸನ್ ಅವರನ್ನು ಭೇಟಿಯಾದರು. ದಂಪತಿಗೆ ಅವಳಿ ಹೆಣ್ಣು ಮಕ್ಕಳವೆ.

ಮಧು ಸಪ್ರೆ:
ಸೂಪರ್ ಮಾಡೆಲ್ ಮಧು ಸಪ್ರೆ  2001 ರಲ್ಲಿ ಇಟಾಲಿಯನ್ (Italian) ಉದ್ಯಮಿ ಗಿಯಾನ್ ಮಾರಿಯಾ ಅವರನ್ನು ವಿವಾಹವಾದರು. ಮದುವೆಯಾದ ನಂತರ ಮಧು ವಿದೇಶದಲ್ಲಿ ನೆಲೆಸಿದ್ದಾರೆ. ಈ ದಂಪತಿಗೆ ಒಬ್ಬ ಮಗಳಿದ್ದಾಳೆ.

ಆಶ್ಕಾ ಗೊರಾಡಿಯಾ :
ಟಿವಿ ನಟಿ ಆಶ್ಕಾ ಗೊರಾಡಿಯಾ ಅವರು ಡಿಸೆಂಬರ್ 2017 ರಲ್ಲಿ ಅಮೆರಿಕನ್ ಗೆಳೆಯ ಬ್ರೆಂಟ್ ಗೋಬಲ್ ಅವರನ್ನು ವಿವಾಹವಾದರು. ಬ್ರೆಂಟ್‌ನೊಂದಿಗಿನ ಆಶ್ಕಾ ಅವರ ಮೊದಲ ಭೇಟಿಯು ಯುಎಸ್‌ಎಯ ಲಾಸ್ ವೇಗಾಸ್‌ನಲ್ಲಿತ್ತು.

Related Posts

LATEST NEWS

Recent Videos

click me!