'ಅವಳನ್ನ ಯಾರ್‌ ಮದ್ವೆ ಆಗ್ತಾರೆ..' ನಟಿಯಾದ ಬಳಿಕ ತೃಪ್ತಿ ದಿಮ್ರಿ ತಂದೆಗೆ ಹೀಗೆ ಹೇಳಿದ್ರಂತೆ ಸಂಬಂಧಿಗಳು!

ಆನಿಮಲ್‌ ಸಿನಿಮಾದ ಬೋಲ್ಡ್‌ ದೃಶ್ಯದ ಬೆನ್ನಲ್ಲಿಯೇ ನಟಿ ತೃಪ್ತಿ ದಿಮ್ರಿ ಸಿನಿಮಾ ರಂಗದಲ್ಲಿ ಹಾಟ್‌ ಟಾಪಿಕ್‌ ಆಗಿ ಬಿಟ್ಟಿದ್ದರು. ಅವರ ನಟನೆ ಮಾತ್ರವಲ್ಲ, ಪ್ರೇಕ್ಷಕರು ಆಕೆಯ ಸೌದರ್ಯಕ್ಕೂ ಮಾರು ಹೋಗಿದ್ದರು.

Triptii Dimri

ತ್ರಿಪ್ತಿ ಡಿಮ್ರಿ ಈಗ ಜನಪ್ರಿಯ ಹೆಸರು, 'ಲೈಲಾ ಮಜ್ನು', 'ಅನಿಮಲ್' ಮತ್ತು 'ಬ್ಯಾಡ್ ನ್ಯೂಸ್' ನಂತಹ ಹಿಟ್‌ ಚಿತ್ರಗಳನ್ನು ಅವರು ನೀಡಿದ್ದಾರೆ. ಪ್ರೇಕ್ಷಕರು ಪರದೆಯ ಮೇಲಿನ ಅವರ ಮೋಡಿ ಮತ್ತು ಸೌಂದರ್ಯಕ್ಕೆ ಮಾರುಹೋದಂತೆ ಅವರು 'ನ್ಯಾಷನಲ್ ಕ್ರಶ್' ಎಂಬ ಬಿರುದನ್ನು ಸಹ ಪಡೆದುಕೊಂಡಿದ್ದಾರೆ.  ಆದರೆ, ನಟಿಯಾಗುವ ಹಾದಿಯಲ್ಲಿ ಎದುರಿಸಿದ ಹೋರಾಟ ಮತ್ತು ಹಿನ್ನಡೆಗಳ ಬಗ್ಗೆ ನಟಿ ಇತ್ತೀಚೆಗೆ ಮನಬಿಚ್ಚಿ ಮಾತನಾಡಿದ್ದಾರೆ.

ಕತ್ರೀನಾ ಕೈಫ್‌ ಅವರ  ಬ್ರ್ಯಾಂಡ್ ಕೇ ಬ್ಯೂಟಿಯಲ್ಲಿ ಕತ್ರಿನಾ ಅವರ YouTube ಚಾನೆಲ್‌ನಲ್ಲಿ ನೀಡಿದ ಸಂದರ್ಶನದಲ್ಲಿ, ತೃಪ್ತಿ ತಮ್ಮ ಉತ್ತರಾಖಂಡ ಮೂಲದ ಬಗ್ಗೆ ಹೇಳಿಕೊಂಡಿದ್ದಾರೆ, ಹಲವಾರು ಜನರಿಂದ ಬಂದ 'ಕೆಟ್ಟ' ಕಾಮೆಂಟ್‌ಗಳು ಅವರ ಮೇಲೆ ಹೇಗೆ ಪರಿಣಾಮ ಬೀರಿತು ಮತ್ತು ಜನರು ಅವರನ್ನು ಹೇಗೆ ಹಿಂದಕ್ಕೆ ಎಳೆಯಲು ಪ್ರಯತ್ನಿಸಿದರು ಎಂಬುದನ್ನು ಹಂಚಿಕೊಂಡಿದ್ದಾರೆ. 

ಸಂದರ್ಶನದಲ್ಲಿ ಮುಕ್ತವಾಗಿ ಮಾತನಾಡಿದ ಆಕೆ,  "ನಾನು ಉತ್ತರಾಖಂಡದವಳು, ಆದರೆ ಹುಟ್ಟಿ ಬೆಳೆದಿದ್ದು ದೆಹಲಿಯಲ್ಲಿ. ಆದ್ದರಿಂದ ನನ್ನ ಹೆತ್ತವರು ಮತ್ತು ಕುಟುಂಬ ದೆಹಲಿಯಲ್ಲಿಯೇ ಇದೆ.. ನಾನು ಬಾಂಬೆಗೆ ಹೋದಾಗ ನನಗೆ ಕಷ್ಟವಾಯಿತು. ಪ್ರತಿದಿನ ಹೊರಗೆ ಹೋಗಲು ಮುಜುಗರ ಪಡುತ್ತಿದ್ದ ನಾನು, 50-60 ಜನರ ಮುಂದೆ ನಿಲ್ಲುವಂಥ ಪರಿಸ್ಥಿತಿ ನಿರ್ಮಾಣವಾಯಿತು. 

ಈ ವೇಳೆ ನನ್ನ ಕುಟುಂಬದಲ್ಲಿಯೂ ನನ್ನ ಹೆತ್ತವರಿಗೆ ಕೆಟ್ಟ ಮಾತುಗಳನ್ನು ಹೇಳಿದ ಜನರಿದ್ದಾರೆ. 'ನೀವು ನಿಮ್ಮ ಮಗಳನ್ನು ಈ ವೃತ್ತಿಗೆ ಏಕೆ ಕಳುಹಿಸಿದ್ದೀರಿ? ಅವಳು ಹಾಳಾಗಲಿದ್ದಾಳೆ; ಅವಳು ಕೆಟ್ಟ ಜನರೊಂದಿಗೆ ಸುತ್ತಾಡುತ್ತಾಳೆ, ಅವಳು ತಪ್ಪು ಆಯ್ಕೆಗಳನ್ನು ಮಾಡಲಿದ್ದಾಳೆ, ಮುಂದೆ ಅವಳನ್ನು ಯಾರೂ ಮದುವೆಯಾಗಲು ಬಯಸುವುದಿಲ್ಲ, ಅವಳಿಗೆ ಮದುವೆಯೇ ಆಗೋದಿಲ್ಲ ಎನ್ನುವಂಥ ಮಾತುಗಳನ್ನು ಪೋಷಕರಿಗೆ ಹೇಳಿದ್ದರು.

ಈ ಹಂತದಲ್ಲಿ ನಾನು ಗೊಂದಲಕ್ಕೊಳಗಾದ ಸಮಯವಿತ್ತು. ಯಾವುದೇ ಕೆಲಸವಿಲ್ಲದೇ ಇದ್ದಾಗ ಭರವಸೆ ಕಳೆದುಕೊಳ್ಳುತ್ತೀರಿ. ಆದರೆ, ಒಂದಂತೂ ವಿಚಾರ ತಿಳಿದಿತ್ತು. ಹೆತ್ತವರ ಬಳಿಗೆ ಹೋಗಿ, 'ಇಲ್ಲ, ನಾನು ಅದನ್ನು ಮಾಡಿಲ್ಲ' ಎಂದು ಹೇಳಬಹುದಿತ್ತು. 30 ವರ್ಷದ ನಟಿ ತಮ್ಮ 'ಲೈಲಾ ಮಜ್ನು' ಚಿತ್ರ ಬಿಡುಗಡೆಯಾದ ನಂತರ ತಮ್ಮ ಹೆತ್ತವರು ತುಂಬಾ ಹೆಮ್ಮೆಪಟ್ಟಿದ್ದರು ಎಂದು ಬಹಿರಂಗಪಡಿಸಿದ್ದಾರೆ. ತನ್ನ ಮೊದಲ ಚಿತ್ರ ಬಿಡುಗಡೆಯಾದ ನಂತರ ತನ್ನ ತಂದೆ ಕರೆ ಮಾಡಿದ್ದನ್ನು ಅವರು ನೆನಪಿಸಿಕೊಂಡರು. ಅವರು ಆಗ ಬಹಳ ಖುಷಿ ಪಟ್ಟಿದ್ದರು ಎಂದಿದ್ದಾರೆ.

'ಅನಿಮಲ್' ಬಿಡುಗಡೆಯಾದ ನಂತರ, ತೃಪ್ತಿ ನ್ಯಾಷನ್‌ ಕ್ರಶ್‌ ಎನಿಸಿಕೊಂಡಿದ್ದಾರೆ. ಮುಂಬೈನಲ್ಲಿ ನಡೆದ ಒಂದು ಕಾರ್ಯಕ್ರಮದಲ್ಲಿ ಅವರ 'ನ್ಯಾಷನಲ್ ಕ್ರಶ್' ಟ್ಯಾಗ್ ನಿಮ್ಮ ಮೇಲೆ ಪರಿಣಾಮ ಬೀರಿದೆಯೇ ಎಂದು ಪ್ರಶ್ನೆ ಕೇಳಲಾಗಿತ್ತು. ಆದರೆ, ಇದರಿಂದ ನನಗೆ ಯಾವುದೇ ಸಮಸ್ಯೆ ಆಗಿಲ್ಲ ಎಂದಿದ್ದರು. ತ್ರಿಪ್ತಿ ಡಿಮ್ರಿ ಅಭಿನಯದ 'ವಿಕಿ ವಿದ್ಯಾ ಕ ವೋ ವಾಲಾ ವಿಡಿಯೋ'ದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ, ಇದು ಅಕ್ಟೋಬರ್ 11 ರಂದು ಬಿಡುಗಡೆಯಾಗಲಿದೆ.