ಹೀರೋಯಿನ್ ಕಾರ್ ಮೇಲೆ ಬಿಯರ್ ಬಾಟಲ್ ದಾಳಿ, ಗನ್ ತಂದ ಮೆಗಾಸ್ಟಾರ್ ಚಿರಂಜೀವಿ... ಮುಂದೇನಾಯ್ತು?

ಸ್ಟಾರ್ ನಟಿಯ ಕಾರಿನ ಮೇಲೆ ಕಿಡಿಗೇಡಿಗಳು ಬಿಯರ್ ಬಾಟಲಿಗಳಿಂದ ದಾಳಿ ಮಾಡಿದಾಗ ಮೆಗಾಸ್ಟಾರ್ ಚಿರಂಜೀವಿ ಒಂದು ಕ್ಷಣವೂ ಯೋಚನೆ ಮಾಡದೇ ತಮ್ಮ ಬಳಿ ಇದ್ದ ಗನ್ ತೆಗೆದುಕೊಂಡು.. ಮುಂದೆನಾಯ್ತು ಗೊತ್ತಾ?  

ಮೆಗಾಸ್ಟಾರ್ ಚಿರಂಜೀವಿ ನಿಜ ಜೀವನದಲ್ಲೂ ಹೀರೋ ಎಂಬುದಕ್ಕೆ ಒಂದು ಘಟನೆ ಸಾಕ್ಷಿಯಾಗಿದೆ. ಹಿಂದೊಮ್ಮೆ ಒಂದು ಕಾಡಿನಲ್ಲಿ ನಟಿಯೊಬ್ಬರ ಕಾರಿನ ಮೇಲೆ ಕೆಲವು ಕಿಡಿಗೇಡಿಗಳು ದಾಳಿ ಮಾಡಲು ಮುಂದಾದಾಗ ಚಿರಂಜೀವಿ ಧೈರ್ಯ ತೋರಿದ್ದಾರೆ.

ಹೌದು! 80-90 ರ ದಶಕದಲ್ಲಿ ಸುಹಾಸಿನಿ ಸ್ಟಾರ್ ನಟಿ. ಸುಹಾಸಿನಿ ನಟ ಕಮಲ್ ಹಾಸನ್ ಅವರ ಸೋದರ ಸಂಬಂಧಿ. ಚಿರಂಜೀವಿ-ಸುಹಾಸಿನಿ ಜೋಡಿ ಹಲವು ಹಿಟ್ ಸಿನಿಮಾಗಳನ್ನು ನೀಡಿದೆ. ಮಂಚು ಪಲ್ಲಕಿ ಸಿನಿಮಾ ಮೂಲಕ ಸುಹಾಸಿನಿ-ಚಿರಂಜೀವಿ ಮೊದಲ ಬಾರಿಗೆ ಜೋಡಿ ಸೇರಿದರು. ನಂತರ ಮಗಮಹಾರಾಜು, ಚಾಲೆಂಜ್, ಚಂಟಬ್ಬಾಯಿ, ಆರಾಧನ, ಕಿರಾತಕುಡು, ರಾಕ್ಷಸುಡು ಸೇರಿದಂತೆ ಹಲವು ಚಿತ್ರಗಳಲ್ಲಿ ಚಿರಂಜೀವಿ ಜೊತೆ ಸುಹಾಸಿನಿ ತೆರೆ ಹಂಚಿಕೊಂಡಿದ್ದಾರೆ. ಹಲವು ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದರಿಂದ ಇವರಿಬ್ಬರ ನಡುವೆ ಉತ್ತಮ ಬಾಂಧವ್ಯವಿತ್ತು. 

ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಚಿರಂಜೀವಿ-ಸುಹಾಸಿನಿ ಅವರ ವೀಡಿಯೊ ವೈರಲ್ ಆಗುತ್ತಿದೆ. ಆ ವೀಡಿಯೊದಲ್ಲಿ ಇಬ್ಬರೂ ವಿಡಿಯೊ ಕಾಲ್‌ನಲ್ಲಿ ಮಾತನಾಡುತ್ತಿದ್ದಾರೆ. ಈ ವೇಳೆ ಸುಹಾಸಿನಿ ಚಿರಂಜೀವಿ ನಿಜ ಜೀವನದಲ್ಲೂ ಹೀರೋ ಎಂದು ಹೆಮ್ಮೆಯಿಂದ ಹೇಳಿದ್ದಾರೆ. ಈ ಬಗ್ಗೆ ಸುಹಾಸಿನಿ ಮಾತನಾಡಿ, ಚಿರಂಜೀವಿ ನನ್ನ ಹೀರೋ. ನಿಮಗೆ ಒಂದು ಘಟನೆ ಹೇಳಬೇಕು. ಒಮ್ಮೆ ಕೇರಳದಲ್ಲಿ ಶೂಟಿಂಗ್ ನಡೆಯುತ್ತಿತ್ತು. ಮೊದಲು ಕಾರಿನಲ್ಲಿ ಚಿರಂಜೀವಿ ಹೋಗುತ್ತಿದ್ದರು. ಅವರ ಹಿಂದೆ ಮತ್ತೊಂದು ಕಾರಿನಲ್ಲಿ ನಾನು, ನೃತ್ಯ ನಿರ್ದೇಶಕರು ಮತ್ತು ಕೇಶ ವಿನ್ಯಾಸಕರು ಹೋಗುತ್ತಿದ್ದೆವು. 

ಕೆಲವು ಕುಡುಕರು ನಮ್ಮ ಮೇಲೆ ಕಿರುಕುಳ ನೀಡಲು ಪ್ರಾರಂಭಿಸಿದರು. ನಮ್ಮ ಕಾರನ್ನು ಹಿಂಬಾಲಿಸಿ ಬಿಯರ್ ಬಾಟಲಿಗಳನ್ನು ಎಸೆದರು. ಇದನ್ನು ಗಮನಿಸಿದ ಚಿರಂಜೀವಿ ತಕ್ಷಣ ಕಾರನ್ನು ನಿಲ್ಲಿಸಿದರು. ಒಳಗಿದ್ದ ಗನ್ ತೆಗೆದುಕೊಂಡು ಅವರನ್ನು ಹೆದರಿಸಿದರು. ಚಿರಂಜೀವಿ ಕೈಯಲ್ಲಿ ಗನ್ ನೋಡಿ ಕುಡುಕರು ಅಲ್ಲಿಂದ ಓಡಿ ಹೋದರು. ಕ್ಯಾಮೆರಾ ಮುಂದೆ ಮಾತ್ರವಲ್ಲ, ನಿಜ ಜೀವನದಲ್ಲೂ ಚಿರಂಜೀವಿ ಹೀರೋ ಎಂದು ಸಾಬೀತುಪಡಿಸಿದರು ಎಂದು ಸುಹಾಸಿನಿ ಆ ಘಟನೆಯನ್ನು ನೆನಪಿಸಿಕೊಂಡರು. ಸುಹಾಸಿನಿ ಮಾತುಗಳಿಗೆ ಚಿರಂಜೀವಿ, ಹೌದು, ಆ ಘಟನೆ ಇನ್ನೂ ನಿಮ್ಮ ನೆನಪಲ್ಲಿದೆಯೇ? ಅವರು ನಿಮ್ಮನ್ನು ಹಿಂಬಾಲಿಸಿದ್ದು ನಂಬಲಾಗದ ಸಂಗತಿ ಎಂದರು. ಈ ಘಟನೆ ತಿಳಿದ ಅಭಿಮಾನಿಗಳು ಖುಷಿಪಟ್ಟಿದ್ದು, ತಮ್ಮ ನೆಚ್ಚಿನ ನಟನ ಧೈರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 

ಚಿರಂಜೀವಿ ಶೂಟಿಂಗ್ ಸೆಟ್‌ಗಳಲ್ಲಿ ತುಂಬಾ ಕಷ್ಟಪಡುತ್ತಾರೆ ಎಂಬ ಮಾಹಿತಿ ಇದೆ. ಕಠಿಣ ಸಾಹಸ ದೃಶ್ಯಗಳನ್ನು ಅವರು ಡೂಪ್ ಇಲ್ಲದೆ ಮಾಡುತ್ತಿದ್ದರು ಎನ್ನಲಾಗಿದೆ. ಇತ್ತೀಚಿನ ಚಿತ್ರ ವಿಶ್ವಂಭರಕ್ಕಾಗಿ ಚಿರಂಜೀವಿ ಈ ವಯಸ್ಸಿನಲ್ಲಿಯೂ ಅಪಾಯಕಾರಿ ಸಾಹಸ ದೃಶ್ಯಗಳನ್ನು ಮಾಡಿದ್ದಾರೆ ಎಂಬ ವರದಿಗಳು ಬಂದಿದ್ದವು. ಪ್ರಸ್ತುತ ಚಿರಂಜೀವಿ ವಿಶ್ವಂಭರ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಸಾಮಾಜಿಕ ಫ್ಯಾಂಟಸಿ ಹಿನ್ನೆಲೆಯಲ್ಲಿ ವಿಶ್ವಂಭರ ನಿರ್ಮಾಣವಾಗುತ್ತಿದೆ. ಈ ಚಿತ್ರದಲ್ಲಿ ಚಿರಂಜೀವಿಗೆ ಜೋಡಿಯಾಗಿ ತ್ರಿಷಾ ನಟಿಸುತ್ತಿದ್ದಾರೆ. ವಿಶ್ವಂಭರ 2025 ರ ಸಂಕ್ರಾಂತಿ ಹಬ್ಬಕ್ಕೆ ಜನವರಿ 10 ರಂದು ಬಿಡುಗಡೆಯಾಗಲಿದೆ.

ವಿಶ್ವಂಭರ ಚಿತ್ರದ ಮೇಲೆ ಭಾರಿ ನಿರೀಕ್ಷೆ ಇದೆ. ಈ ಚಿತ್ರಕ್ಕೆ ಎಂ ಎಂ ಕೀರವಾಣಿ ಸಂಗೀತ ನೀಡುತ್ತಿದ್ದಾರೆ. ಸುರಭಿ, ಈಶಾ ಚಾವ್ಲಾ, ಆಶಿಕಾ ರಂಗನಾಥ್ ಇತರ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಜಗದೇಕವೀರುಡು ಅತಿಲೋಕ ಸುಂದರಿ ಚಿತ್ರದಂತೆಯೇ ಚಿರಂಜೀವಿ ಪಾತ್ರ ಇರಲಿದೆ ಎನ್ನಲಾಗಿದೆ. ಇತ್ತೀಚೆಗೆ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಇತ್ತೀಚೆಗೆ ಬಿಡುಗಡೆಯಾಗಿತ್ತು. ಇದು ಸ್ವಲ್ಪ ವಿವಾದಕ್ಕೆ ಕಾರಣವಾಗಿತ್ತು. ವಿಶ್ವಂಭರ ಚಿತ್ರವನ್ನು ವಶಿಷ್ಠ ನಿರ್ದೇಶಿಸುತ್ತಿದ್ದಾರೆ. ಯುವಿ ಕ್ರಿಯೇಷನ್ಸ್ ಬ್ಯಾನರ್‌ನಲ್ಲಿ ಚಿತ್ರ ನಿರ್ಮಾಣವಾಗುತ್ತಿದೆ.