ಭಾರತದ ಜನಪ್ರಿಯ ನಟರ ಪಟ್ಟಿಯಲ್ಲಿ ಬಿಟೌನ್‌ ಕಲಾವಿದರನ್ನು ಹಿಂದಿಕ್ಕಿದ ಸೌಥ್ ಸ್ಟಾರ್‌

Top South Indian Actors : ಭಾರತದಲ್ಲಿ ಜನಪ್ರಿಯರಾಗಿರುವ ಟಾಪ್ 10 ನಟರ ಪಟ್ಟಿಯನ್ನು ಓರ್ಮ್ಯಾಕ್ಸ್ ಮೀಡಿಯಾ ಬಿಡುಗಡೆ ಮಾಡಿದೆ. ಯಾರ್ಯಾರು ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ ಅಂತ ನೋಡೋಣ.

ಭಾರತದ ಟಾಪ್ 10 ನಟರು : ಭಾರತದ ಟಾಪ್ 10 ಜನಪ್ರಿಯ ನಟರ ಪಟ್ಟಿ ಬಿಡುಗಡೆಯಾಗಿದೆ. ಓರ್ಮ್ಯಾಕ್ಸ್ ಮೀಡಿಯಾ ಈ ಪಟ್ಟಿ ಬಿಡುಗಡೆ ಮಾಡಿದೆ. ಫೆಬ್ರವರಿ 2025ರ ಮಾಹಿತಿ ಆಧರಿಸಿ ಈ ಪಟ್ಟಿ ಸಿದ್ಧವಾಗಿದೆ. ದಕ್ಷಿಣ ಭಾರತದ ನಟರದ್ದೇ ಹವಾ ಇದ್ದು, ಬಾಲಿವುಡ್ ನಟರು ಹಿಂದೆ ಬಿದ್ದಿದ್ದಾರೆ.

ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿರುವುದು ಪ್ರಭಾಸ್. ಈಗ ಯಾವ ಸಿನಿಮಾ ಬಿಡುಗಡೆಯಾಗಿಲ್ಲದಿದ್ದರೂ, ಮುಂಬರುವ ಸಿನಿಮಾಗಳ ಮೂಲಕ ಸುದ್ದಿಯಲ್ಲಿದ್ದಾರೆ. ಇದೇ ಅವರು ಮೊದಲ ಸ್ಥಾನದಲ್ಲಿರಲು ಕಾರಣ. 

ವಿಜಯ್

ಜನಪ್ರಿಯ ಭಾರತೀಯ ನಟರ ಪಟ್ಟಿಯಲ್ಲಿ ವಿಜಯ್ ಎರಡನೇ ಸ್ಥಾನದಲ್ಲಿದ್ದಾರೆ. ರಾಜಕೀಯ ಪ್ರವೇಶದ ಸುದ್ದಿಯಿಂದಲೂ ಅವರು ಸುದ್ದಿಯಲ್ಲಿದ್ದಾರೆ. 'ಜನನಾಯಕ' ಚಿತ್ರೀಕರಣ ನಡೆಯುತ್ತಿದೆ. ಎಚ್.ವಿನೋದ್ ನಿರ್ದೇಶನದ ಈ ಚಿತ್ರದ ಚಿತ್ರೀಕರಣ ಜೂನ್ ವೇಳೆಗೆ ಮುಗಿಯಲಿದೆ ಎನ್ನಲಾಗಿದೆ. 2026ರ ಜನವರಿಯಲ್ಲಿ ಸಿನಿಮಾ ಬಿಡುಗಡೆಯಾಗುವ ನಿರೀಕ್ಷೆಯಿದೆ. 

ಜನನಾಯಕ

'ಜನನಾಯಕ' ಚಿತ್ರಕ್ಕೆ ಅನಿರುದ್ ಸಂಗೀತ ನೀಡಿದ್ದಾರೆ. ಬಾಬಿ ಡಿಯೋಲ್, ಪೂಜಾ ಹೆಗ್ಡೆ, ಪ್ರಕಾಶ್ ರೈ, ಗೌತಮ್ ವಾಸುದೇವ್ ಮೆನನ್, ನರೇನ್, ಪ್ರಿಯಾಮಣಿ, ಮಮಿತಾ ಮುಂತಾದವರಿದ್ದಾರೆ. ಕೆ.ವಿ.ಎನ್ ಪ್ರೊಡಕ್ಷನ್ಸ್‌ನ ವೆಂಕಟ್ ಕೆ. ನಾರಾಯಣ ನಿರ್ಮಾಣ ಮಾಡಿದ್ದಾರೆ.

ವಿಜಯ್ ಅವರ ನೆಚ್ಚಿನ ನಿರ್ದೇಶಕರಾದ ಲೋಕೇಶ್ ಕನಕರಾಜ್, ಅಟ್ಲಿ, ನೆಲ್ಸನ್ ಒಂದು ಹಾಡಿನಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ. ಈ ಸುದ್ದಿಯೂ ವಿಜಯ್‌ರನ್ನು ಸುದ್ದಿಯಲ್ಲಿರಿಸಿದೆ.

ಟಾಪ್ 10 ನಟರು

ಭಾರತದ ಟಾಪ್ 10 ಜನಪ್ರಿಯ ನಟರ ಪಟ್ಟಿಯಲ್ಲಿ 'ಪುಷ್ಪ 2' ನಾಯಕ ಅಲ್ಲು ಅರ್ಜುನ್ ಮೂರನೇ ಸ್ಥಾನದಲ್ಲಿದ್ದಾರೆ. ಶಾರುಖ್ ಖಾನ್ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಈ ಹಿಂದೆ ಶಾರುಖ್ ಖಾನ್ ಮೊದಲ ಸ್ಥಾನದಲ್ಲಿದ್ದರು. 'ಗೇಮ್ ಚೇಂಜರ್' ನಾಯಕ ರಾಮ್ ಚರಣ್ ಐದನೇ ಸ್ಥಾನದಲ್ಲಿದ್ದಾರೆ.

ಮಹೇಶ್ ಬಾಬು ಆರನೇ ಸ್ಥಾನದಲ್ಲಿದ್ದರೆ, ಅಜಿತ್ ಕುಮಾರ್ ಏಳನೇ ಸ್ಥಾನದಲ್ಲಿದ್ದಾರೆ. ಜೂನಿಯರ್ ಎನ್‌ಟಿಆರ್ ಎಂಟನೇ ಸ್ಥಾನದಲ್ಲಿದ್ದಾರೆ. ಸಲ್ಮಾನ್ ಖಾನ್ ಮತ್ತು ಅಕ್ಷಯ್ ಕುಮಾರ್ ಕೊನೆಯ ಎರಡು ಸ್ಥಾನಗಳಲ್ಲಿದ್ದಾರೆ.