ಸಿನೆಮಾ ಮನೋರಂಜನಾತ್ಮಕ ವಿಷಯವಾಗಿರುವುದರಿಂದ ಪ್ರತಿಯೊಬ್ಬರಿಗೂ ಇಷ್ಟ. ಹಲವಾರು ಚಿತ್ರಗಳು ಸಾಮಾಜಿಕ ಸಂದೇಶ ನೀಡುತ್ತದೆ. ಆದರೆ ಕೆಲವೊಮ್ಮೆ ಚಲನಚಿತ್ರಗಳು ಪ್ರೇಕ್ಷಕರ ಭಾವನೆಗಳಿಗೆ ಧಕ್ಕೆ ತರುತ್ತವೆ. ಅಂತಹ ಚಿತ್ರಗಳನ್ನು ನಿಷೇಧಿಸುವಂತೆ ಆಕ್ರೋಶ ಕೂಡ ಕೇಳಿ ಬರುತ್ತದೆ. ಈ ಬಹಿಷ್ಕಾರ ಸಂಸ್ಕೃತಿ ಇತ್ತೀಚಿಗೆ ಶುರುವಾಗಿಲ್ಲ, 42 ವರ್ಷಗಳ ಹಿಂದೆ ಒಂದು ಚಿತ್ರವು ಸಾಕಷ್ಟು ವಿವಾದಗಳನ್ನು ಎದುರಿಸಿತು ಆದರೆ ನಂತರ ಸೂಪರ್‌ ಹಿಟ್ ಆಯ್ತು
ಆ ವಿವಾದಕ್ಕೆ ಗುರಿಯಾಗಿ ಆಕ್ರೋಶಕ್ಕೆ ಒಳಗಾದ ಚಿತ್ರ ನಿಖಾ. ಈ ಚಿತ್ರವನ್ನು ಪ್ರಸಿದ್ಧ ಚಲನಚಿತ್ರ ನಿರ್ಮಾಪಕರು ನಿರ್ದೇಶಿಸಿದ್ದಾರೆ. ಚಿತ್ರವು ವಿವಾದ ಸೃಷ್ಟಿಸಿದರೂ ಅದು ಇನ್ನೂ ಭಾರಿ ಯಶಸ್ಸನ್ನು ಗಳಿಸಿತು ಮತ್ತು ಚೊಚ್ಚಲ ಚಿತ್ರದಲ್ಲೇ ನಟಿಯನ್ನು ರಾತ್ರೋರಾತ್ರಿ ಸ್ಟಾರ್ ಮಾಡಿತು.
BR ಚೋಪ್ರಾ ಅವರು ನಿರ್ದೇಶಿಸಿದ, 1982 ರ ಚಲನಚಿತ್ರ ನಿಖಾದಲ್ಲಿ ರಾಜ್ ಬಬ್ಬರ್, ದೀಪಕ್ ಪರಾಶರ್ ಮತ್ತು ಸಲ್ಮಾ ಅಘಾ ನಟಿಸಿದ್ದಾರೆ. ಈ ಚಿತ್ರ ತ್ರಿವಳಿ ತಲಾಖ್ ಅನ್ನು ಆಧರಿಸಿದೆ. ಚಿತ್ರಕ್ಕೆ ಮೊದಲು ತಲಾಕ್ ತಲಾಕ್ ತಲಾಕ್ ಎಂದು ಹೆಸರಿಸಲಾಗಿತ್ತು, ಆದರೆ ನಂತರ ತಯಾರಕರು ಹೆಸರನ್ನು ಬದಲಾಯಿಸಿದರು.
ಚಿತ್ರದ ಶೀರ್ಷಿಕೆ ಮತ್ತು ಕಥಾಹಂದರವು ಸಂಪ್ರದಾಯವಾದಿ ಮುಸ್ಲಿಮರ ಭಾವನೆಗಳಿಗೆ ತುಂಬಾ ನೋವುಂಟು ಮಾಡಿತ್ತು. ಅವರು ಬೀದಿಗಿಳಿದಿದ್ದಾರೆ ಮತ್ತು ಚಿತ್ರದ ನಿರ್ಮಾಪಕರ ವಿರುದ್ಧ 34 ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂದು ವರದಿಯಾಗಿತ್ತು. ಈ ಚಿತ್ರದ ಪ್ರದರ್ಶನವನ್ನು ನಿಲ್ಲಿಸುವಂತೆ ಆಕ್ರೋಶ ವ್ಯಕ್ತವಾಗಿತ್ತು. ಕೆಲವರು ಚಿತ್ರಮಂದಿರಗಳ ಹೊರಗೆ ಪೋಸ್ಟರ್‌ಗಳನ್ನು ಸಹ ಚಿತ್ರ ವೀಕ್ಷಿಸದಂತೆ ಮನವಿ ಮಾಡಿದರು.
ಅಷ್ಟೇ ಅಲ್ಲ ನಾಯಕ ನಟಿ ಸಲ್ಮಾ ಅಘಾ ಅವರಿಗೂ ಬೆದರಿಕೆ ಹಾಕಿ ಕಿರುಕುಳ ನೀಡಲಾಗಿತ್ತು. ಅಮೃತಾ ಸಿಂಗ್ ಅವರ ತಾಯಿ ರುಖ್ಸಾನಾ ಸುಲ್ತಾನ್ ಅವರು ಅಮೃತಾ ಸಿಂಗ್ ಅವರನ್ನು ಚಿತ್ರಕ್ಕೆ ಸಹಿ ಹಾಕಲು ಬಿ.ಆರ್.ಚೋಪ್ರಾ ಮೇಲೆ ಪ್ರಭಾವ ಬೀರಲು ತುಂಬಾ ಪ್ರಯತ್ನಿಸಿದರು, ಆದಾಗ್ಯೂ, ಚೋಪ್ರಾ ತಾಜಾ ಮುಖಕ್ಕಾಗಿ ಹುಡುಕಾಟದಲ್ಲಿದ್ದರು ಮತ್ತು ಸಲ್ಮಾ ಅಘಾವನ್ನು ಕಂಡು ಹಿಡಿದು ಚಿತ್ರಕ್ಕೆ ಕರೆತಂದರು.
ಹೊಸ ನಾಯಕಿಯನ್ನು ಚಿತ್ರಕ್ಕೆ ಕರೆತಂದದ್ದು ರುಖ್ಸಾನಾಗೆ ಅತೀವ ಕೋಪವನ್ನುಂಟು ಮಾಡಿತು. ಈ ವೇಳೆ ಸಲ್ಮಾ ಅಘಾ ಅವರಿಗೆ ಕಿರುಕುಳ ಮತ್ತು ಬೆದರಿಕೆ ಪತ್ರಗಳು ಮತ್ತು ಫೋನ್ ಕರೆಗಳು ಬರಲಾರಂಭಿಸಿದವು. ಪತ್ರಗಳು ಸಲ್ಮಾರನ್ನು ಲಂಡನ್‌ಗೆ ಹಿಂತಿರುಗಿ ಹೋಗುವಂತೆ ಎಚ್ಚರಿಸಿತ್ತು, ಇಲ್ಲದಿದ್ದರೆ ಭೀಕರ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ ಎಂದು ಬೆದರಿಕೆ ಹಾಕಲಾಯ್ತು. ಆದರೆ ಸಲ್ಮಾ ಅಘಾ ಅವರು ಎಚ್ಚರಿಕೆಗಳನ್ನು ನಿರ್ಲಕ್ಷಿಸಲು ನಿರ್ಧರಿಸಿದರು ಮತ್ತು ಭಾರತದಲ್ಲಿಯೇ ಇದ್ದರು. ಈ ಪತ್ರಗಳ ಹಿಂದೆ ಅಮೃತಾ ಸಿಂಗ್ ಅವರ ಕೈವಾಡ ಇದೆ ಎಂದು ವರದಿಯಾಗಿದೆ. ಆದರೆ ಯಾವುದೂ ಸ್ಪಷ್ಟವಾಗಿಲ್ಲ.
ಇಷ್ಟೆಲ್ಲ ಗಲಾಟೆ, ಆಕ್ರೋಶ ಆದರೂ ಚಿತ್ರ ನೋಡಲು ಜನ ಥಿಯೇಟರ್‌ಗಳ ಹೊರಗೆ ಉದ್ದನೆಯ ಸರತಿ ಸಾಲಿನಲ್ಲಿ ನಿಂತು ಟಿಕೆಟ್‌ ಪಡೆಯುತ್ತಿದ್ದರು. ಆ ಸಮಯದಲ್ಲಿ 4 ಕೋಟಿ ರೂಪಾಯಿಗಳಲ್ಲಿ ತಯಾರಾದ ಈ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ 9 ಕೋಟಿ ರೂಪಾಯಿಗಳನ್ನು ಗಳಿಸಿತು ಮತ್ತು 1982 ರ ಅತಿ ಹೆಚ್ಚು ಗಳಿಕೆ ಮಾಡಿದ ಚಲನಚಿತ್ರಗಳಲ್ಲಿ ಒಂದಾಯಿತು. ಅಷ್ಟೇ ಅಲ್ಲ, ಈ ಚಿತ್ರವು ಸಲ್ಮಾ ಅವರನ್ನು ರಾತ್ರೋ ರಾತ್ರಿ ಸ್ಟಾರ್ ನಾಯಕಿಯನ್ನಾಗಿ ಮಾಡಿತು.