ಸನ್ನಿ ಡಿಯೋಲ್ (Sunny Deol) ಮತ್ತು ಅಮೀಶಾ ಪಟೇಲ್ (Amisha Patel) ಅವರ ಮುಂಬರುವ ಚಿತ್ರ 'ಗದರ್ 2' (Gadar 2) ಶೂಟಿಂಗ್ ಈ ದಿನಗಳಲ್ಲಿ ಯುಪಿ ರಾಜಧಾನಿ ಲಕ್ನೋದಲ್ಲಿ ನಡೆಯುತ್ತಿದೆ. ಚಿತ್ರದ ಕ್ಲೈಮ್ಯಾಕ್ಸ್ ಅನ್ನು ಲಕ್ನೋದಲ್ಲಿ ಚಿತ್ರೀಕರಿಸಲು, ಇಲ್ಲಿನ ಕಾಲೇಜಿಗೆ ಪಾಕಿಸ್ತಾನದ ಆಕಾರವನ್ನು ನೀಡಲಾಯಿತು. ದೃಶ್ಯದ ಚಿತ್ರೀಕರಣ ಪ್ರಾರಂಭವಾಯಿತು. ಗದರ್ ಚಿತ್ರದಲ್ಲಿ ಸನ್ನಿ ಡಿಯೋಲ್ ಅವರ ಮಗ ಜೀತ್ ಪಾತ್ರವನ್ನು ಚಿತ್ರದ ನಿರ್ದೇಶಕ ಅನಿಲ್ ಶರ್ಮಾ ಅವರ ಪುತ್ರ ಉತ್ಕರ್ಷ್ ಶರ್ಮಾ ನಿರ್ವಹಿಸಿದ್ದಾರೆ.
ಗದರ್ 2 ರ ಕ್ಲೈಮ್ಯಾಕ್ಸ್ ದೃಶ್ಯದ ಚಿತ್ರೀಕರಣಕ್ಕಾಗಿ ಲಕ್ನೋದ ಲಾ ಮಾರ್ಟಿನಿಯರ್ ಕಾಲೇಜಿನಲ್ಲಿ ಸೆಟ್ ಅನ್ನು ಸ್ಥಾಪಿಸಲಾಯಿತು. ಕಾಲೇಜಿನ ಮುಖ್ಯ ಕಟ್ಟಡವನ್ನು ಪಾಕಿಸ್ತಾನಿ ಸೇನೆಯ ಪ್ರಧಾನ ಕಛೇರಿಯನ್ನಾಗಿ ಮಾಡಲಾಯಿತು. ಇದರೊಂದಿಗೆ ಅಲ್ಲಿ ಪಾಕಿಸ್ತಾನದ ಧ್ವಜವನ್ನೂ ನೆಟ್ಟಿದ್ದಾರೆ.
ಜೀಪ್‌ಗಳಿಗೆ ಸೇನಾ ವಾಹನಗಳ ರೂಪ ನೀಡಲಾಗಿದೆ. ಪಾಕಿಸ್ತಾನದ ಲಾಹೋರ್‌ನ ಸಂಪೂರ್ಣ ಲುಕ್ ಬರುವ ರೀತಿಯಲ್ಲಿ ಸೆಟ್ ಅನ್ನು ವಿನ್ಯಾಸಗೊಳಿಸಲಾಗಿದೆ. ಈ ಹಿಂದೆ ಹಿಮಾಚಲ ಪ್ರದೇಶದ ಪಾಲಂಪೂರ್‌ನಲ್ಲಿ ಗದರ್ 2 ರ ಕೆಲವು ಭಾಗವನ್ನು ಚಿತ್ರೀಕರಿಸಲಾಗಿದೆ.
ಲಕ್ನೋದ ಲಾ ಮಾರ್ಟಿನಿಯರ್ ಕಾಲೇಜಿನಲ್ಲಿ ಕ್ಲೈಮ್ಯಾಕ್ಸ್ ಚಿತ್ರೀಕರಣ ನಡೆಯುತ್ತಿದೆ. ಈ ದೃಶ್ಯದಲ್ಲಿ ಸನ್ನಿ ಡಿಯೋಲ್ ಪುತ್ರ ಜೀತ್ ಅಂದರೆ ಉತ್ಕರ್ಷ್ ಶರ್ಮಾ ತನ್ನ ಗೆಳತಿಯನ್ನು ಕರೆತರಲು ಪಾಕಿಸ್ತಾನಕ್ಕೆ ಹೋಗುತ್ತಾನೆ ಮತ್ತು ಅಲ್ಲಿ ಪಾಕಿಸ್ತಾನಿ ಸೇನೆಯ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಅವನಿಗೆ ಕೊಲ್ಲಲು ತಯಾರಿ ನೆಡೆಸಲಾಗುತ್ತದೆ. ಭಾರತೀಯ ವ್ಯಕ್ತಿಯ ಮರಣದಂಡನೆಯನ್ನು ನೋಡಲು ದೊಡ್ಡ ಜನಸಮೂಹವು ಅಲ್ಲಿ ಸೇರುತ್ತದೆ.
ಅಷ್ಟರಲ್ಲಿ ಯಾರೋ ಜೀತ್ ಅವರ ಕೊನೆಯ ಆಸೆಯನ್ನು ಈಡೇರಿಸಬೇಕು ಎಂದು ಹೇಳುತ್ತಾರೆ. ಆಗ ಜೀತ್ ತನ್ನ ತಂದೆಯನ್ನು (ತಾರಾ ಸಿಂಗ್) ಒಮ್ಮೆ ಭೇಟಿಯಾಗಬೇಕೆಂದು ಹೇಳುತ್ತಾನೆ.ಇದಾದ ನಂತರ ಶೂಟಿಂಗ್‌ಗೆ ತಾರಾ ಸಿಂಗ್ ಅಂದರೆ ಸನ್ನಿ ಡಿಯೋಲ್ ಎಂಟ್ರಿಯಾಗಿದೆ. ಸನ್ನಿ ಡಿಯೋಲ್ ಪಾಕಿಸ್ತಾನಿ ಸೇನೆಯೊಂದಿಗೆ ಹೋರಾಡುತ್ತಾ ತನ್ನ ಮಗನನ್ನು ಅಲ್ಲಿಂದ ರಕ್ಷಿಸುಸುವ ದೃಶ್ಯವನ್ನು ಇಲ್ಲಿ ಚಿತ್ರೀಕರಿಸಲಾಗುತ್ತಿದೆ.
ಮನೀಶ್ ವಾಧ್ವಾ ಪಾಕಿಸ್ತಾನದ ಸೇನೆಯ ಜನರಲ್ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಅಮೀಶಾ ಪಟೇಲ್ ಮತ್ತೊಮ್ಮೆ 'ಗದರ್ 2' ಚಿತ್ರದಲ್ಲಿ ಸಕೀನಾ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಆದರೆ, ತಾರಾ ಸಿಂಗ್ ಈ ಬಾರಿ ಪಾಕಿಸ್ತಾನಕ್ಕೆ ಹೋಗುವುದು ಸಕೀನಾಗಾಗಿ ಅಲ್ಲ, ಆದರೆ ಅವರ ಮಗ ಜೀತ್‌ಗಾಗಿ.
ಗದರ್ 2 ಈ ವರ್ಷ ಕೊನೆಯದಾಗಿ ಬಿಡುಗಡೆಯಾಗಬಹುದು ಎಂದು ನಂಬಲಾಗಿದೆ. 2022ರಲ್ಲಿ ತೆರೆಕಾಣಲಿರುವ ಗದರ್ ಚಿತ್ರದಲ್ಲಿ ಕಥೆಯನ್ನು ಎಲ್ಲಿ ಬಿಟ್ಟಿದ್ದಾರೋ ಅಲ್ಲಿಂದ ಮುಂದಕ್ಕೆ ಒಯ್ಯಲಾಗುವುದು. ವರದಿಗಳ ಪ್ರಕಾರ, ಹಿಮಾಚಲ ಪ್ರದೇಶದ ನಂತರ ಲಕ್ನೋದಲ್ಲಿ ಗದರ್ 2 ಚಿತ್ರೀಕರಣ ನಡೆಯುತ್ತಿದೆ.
70 ರಷ್ಟು ಚಿತ್ರೀಕರಣ ಇಲ್ಲಿ ನಡೆಯಲಿದೆ ಎಂದು ವರದಿಯಾಗಿದೆ. ಇದಕ್ಕಾಗಿ ಲಾ ಮಾರ್ಟಿನಿಯರ್ ಕಾಲೇಜು, ಹುಸೇನಾಬಾದ್ ಕಾಲೇಜು, ಕೈಸರ್‌ಬಾಗ್, ಕಾಕೋರಿ ಮತ್ತು ಮಲಿಹಾಬಾದ್‌ನ ಸ್ಥಳಗಳನ್ನು ಸಹ ನೋಡಲಾಗಿದೆ. ಇದಲ್ಲದೇ ಮಧ್ಯಪ್ರದೇಶದ ಇಂದೋರ್ ಮತ್ತು ಮಂಡುವಿನಲ್ಲಿಯೂ ಚಿತ್ರೀಕರಣ ನಡೆಯಲಿದೆ.
ಪಿರಿಯಡ್‌ ಡ್ರಾಮಾ ಚಿತ್ರ ಗದರ್ ಅನ್ನು ಜೀ ಸ್ಟುಡಿಯೋಸ್ ಮತ್ತು ಅನಿಲ್ ಶರ್ಮಾ ಜಂಟಿಯಾಗಿ ನಿರ್ಮಿಸಿದ್ದಾರೆ. ಶಕ್ತಿಮಾನ್ ಕಥೆ ಬರೆದಿದ್ದು, ಮಿಥುನ್ ಸಂಗೀತ ನೀಡಲಿದ್ದಾರೆ. ಈ ಚಿತ್ರವು ದೀರ್ಘಕಾಲದವರೆಗೆ ಚಲನಚಿತ್ರಗಳಲ್ಲಿ ದೂರವಿದ್ದ ಅಮಿಶಾ ಪಟೇಲ್ ಅವರ ವೃತ್ತಿಜೀವನಕ್ಕೆ ವರದಾನವಾಗಿ ಸಾಬೀತುಪಡಿಸಬಹುದು.