ಶತ್ರುಘ್ನಾರಿಗಿತ್ತು ರೀನಾ ರಾಯ್ ಜೊತೆ ಅಫೇರ್, ಆದರೂ ಸುಮ್ಮನಿದ್ದರು ಮಡದಿ!

ಬಾಲಿವುಡ್ ನಟ ಮತ್ತು ರಾಜಕಾರಣಿ ಶತ್ರುಘ್ನ ಸಿನ್ಹಾ (Shatrughan Sinha ) 77ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ.  ಡಿಸೆಂಬರ್ 9, 1945 ರಂದು ಬಿಹಾರದ ಪಾಟ್ನಾದಲ್ಲಿ ಜನಿಸಿದ ಶತ್ರುಘ್ನ ಸಿನ್ಹಾ ಅವರ ಗಡಸು ಮುಖದಿಂದಾಗಿ ಅವರು ಹೀರೋ ಆಗಲು ಸಾಧ್ಯವೇ ಎಂದು ಅವರೇ ಅನುಮಾನಿಸಿದ್ದರು. ಆದರೆ, ಅವರ ನಟನೆಯ ಆಧಾರದ ಮೇಲೆ ಕೆಲಸ ಪಡೆದರು. ಉದ್ಯಮದಲ್ಲಿ ಹೆಸರು ಮಾಡಿದರು.. ಶತ್ರುಘ್ನ ಸಿನ್ಹಾ ಅವರ ಪ್ರೇಮ ಜೀವನ ತುಂಬಾ ಆಸಕ್ತಿದಾಯಕವಾಗಿದೆ. ನಟಿ ರೀನಾ ರಾಯ್ (Reena Roy)ಅವರೊಂದಿಗೆ ಸುಮಾರು 7 ವರ್ಷಗಳ ಕಾಲ ಸಂಬಂಧ ಹೊಂದಿದ್ದರು. ಈ ಸಮಯದಲ್ಲಿ, ಅವರು ಪೂನಂ ಎಂಬ ಮಹಿಳೆಯೊಂದಿಗೆ ಸಪ್ತಪದಿ ತುಳಿದರು. ಆದರೂ ಶತ್ರುಘ್ನ ಅವರು ರೀನಾ ಅವರನ್ನು ಬಿಡಲಿಲ್ಲ.

ಶತ್ರುಘ್ನ ಸಿನ್ಹಾ ಅವರು ರೀನಾ ರಾಯ್ ಅವರೊಂದಿಗೆ ಸುಮಾರು 7 ವರ್ಷಗಳ ಕಾಲ ಸಂಬಂಧ ಹೊಂದಿದ್ದರು, ಆದರೆ ಕೊನೆಯಲ್ಲಿ ಅವರು ನಟಿ ಇಲ್ಲದಿದ್ದಾಗ ಪೂನಂ ಚಂದಿರಮಣಿ ಅವರನ್ನು ವಿವಾಹವಾದರು. ಶತ್ರುಘ್ನ ಸಿನ್ಹಾ ಪೂನಂ ಅವರನ್ನು ಮದುವೆಯಾಗಿದ್ದರು, ಆದರೆ ಅವರ ಹೃದಯವು ರೀನಾ ರಾಯ್‌ಗಾಗಿ ಮಾತ್ರ ಮಿಡಿಯುತ್ತಿತ್ತು.

ಪತ್ನಿಗೆ ವಂಚಿಸಿ, ಆಗಾಗ ಗೆಳತಿಯನ್ನು ಭೇಟಿಯಾಗಲು ಹೋಗುತ್ತಿದ್ದರು. ರೀನಾ ರಾಯ್ ಮತ್ತು ಶತ್ರುಘ್ನ ಸಿನ್ಹಾ ನಡುವಿನ ಪ್ರೇಮಕಥೆ ಹಲವು ವರ್ಷಗಳ ಕಾಲ ನಡೆಯಿತು. ಅವರ ಸಂಬಂಧವು ಮಾಧ್ಯಮಗಳು ಮತ್ತು ನಿಯತಕಾಲಿಕೆಗಳಲ್ಲಿ ಈಗಲೂ ಸುದ್ದಿ ಮಾಡುತ್ತಿದೆ.

ಶತ್ರುಘ್ನ ಸಿನ್ಹಾ ತನ್ನ ಗೆಳತಿ ರೀನಾ ರಾಯ್‌ಗೆ ಹಲವು ಭರವಸೆಗಳನ್ನು ನೀಡಿದ್ದರು. ಮದುವೆಯಾಗುವುದಾಗಿಯೂ ಪ್ರಾಮೀಸ್ ಮಾಡಿದ್ದರು. ಆದರೆ ಆಕೆ ಒಮ್ಮೆ ಲಂಡನ್‌ಗೆ ಹೋದಾಗ ನಟ ಪೂನಂ ಅವರನ್ನು  ಜೀವನ ಸಂಗಾತಿಯನ್ನಾಗಿ ಮಾಡಿಕೊಂಡರು. 

ಶತ್ರುಘ್ನ  ಸಿನ್ಹಾ ಪೂನಂ ಅವರನ್ನು ಮದುವೆಯಾಗಿದ್ದರೂ, ರೀನಾ ರಾಯ್ ಅವರೊಂದಿಗಿನ ಸಂಬಂಧವನ್ನು ಉಳಿಸಿಕೊಂಡರು. ಈ ವಿಷಯ ಗೊತ್ತಿದ್ದರೂ ಪೂನಂ ತನ್ನ ಗಂಡನನ್ನು ಬಹಿರಂಗವಾಗಿ ವಿರೋಧಿಸಲೇ ಇಲ್ಲ.

ಸಂದರ್ಶನವೊಂದರಲ್ಲಿ, ಶತ್ರುಘ್ನ ಅವರು ರೀನಾ ಅವರೊಂದಿಗೆ ಬಹಳ ನಿಕಟ ಸಂಬಂಧವನ್ನು ಹೊಂದಿದ್ದರು ಎಂಬುದನ್ನು ಖಚಿತಪಡಿಸಿದ್ದಾರೆ. ಮದುವೆ ನಂತರ ನಾನು ಅವಳಿಂದ ದೂರವಾಗಿದ್ದೇನೆ ಎಂದು ಜನರು ಭಾವಿಸುತ್ತಿದ್ದರು. ಆದರೆ ರೀನಾಳನ್ನು ಮರೆಯುವ ಬದಲು ನಾನು  ಇನ್ನೂ ಹತ್ತಿರವಾದೆ ಎಂದಿದ್ದಾರೆ.